भाजपचा काँग्रेसला आणखी एक हादरा, कल्याणराव काळे भाजपच्या वाटेवर

माढा लोकसभा मतदारसंघात भाजपची मदत घेऊन मोठे झालेल्या संजयामामा शिंदे यांनी ऐनवेळी राष्ट्रवादीत प्रवेश करुन उमेदवारी घेतल्याचा राग भाजपला जिव्हारी लागला आहे. यातूनच शिंदेंना पराभूत करण्यासाठी भाजपने जोरदार तयारी सुरु केली आहे.

पंढरपूर : माढा लोकसभेसाठी भाजपने अद्याप उमेदवाराच्या नावाची घोषणा केली नसली, तरी काँग्रेस आघाडीला हादरे देण्याचं काम सुरुच ठेवलं आहे. माढा विधानसभेसाठी गेल्या निवडणुकीत तब्बल 65 हजार मतं घेणारे काँग्रेस नेते कल्याणराव काळे भाजपच्या वाटेवर आहेत. त्यामुळे लोकसभा निवडणुकांच्या तोंडावर आघाडीपुढील अडचणीत मोठी वाढ होणार आहे. माढा लोकसभा मतदारसंघात भाजपची मदत घेऊन मोठे झालेल्या संजयामामा शिंदे यांनी ऐनवेळी राष्ट्रवादीत प्रवेश करुन उमेदवारी घेतल्याचा राग भाजपला जिव्हारी लागला आहे. यातूनच शिंदेंना पराभूत करण्यासाठी भाजपने जोरदार तयारी सुरु केली आहे.  VIDEO | वसंतदादा घराण्याला चंद्रकांत पाटलांची भाजपमध्ये येण्याची ऑफर कल्याणराव काळे हे पंढरपूरचे तरुण नेते म्हणून ओळखले जातात. त्यांच्याकडे दोन साखर कारखाने आहेत. गेल्या विधानसभा निवडणुकीत राष्ट्रवादीचे आमदार बबनदादा शिंदे यांच्या विरोधात कल्याणराव काळे यांनी तब्बल 65 हजार मतं घेत त्यांना अडचणीत आणलं होतं. आता काळे भाजपमध्ये गेल्यास संजय शिंदेंसमोरच्या अडचणीतही मोठी वाढ होणार आहे.

काँग्रेसला धक्क्यावर धक्के, माणिकराव गावितही पक्ष सोडण्याच्या तयारीत

निवडणुकांच्या तोंडावर काँग्रेस-राष्ट्रवादीला एकापाठोपाठ एक धक्के बसत आहेत. पश्चिम महाराष्ट्रात वर्चस्व असलेली मोठमोठी घराणी आघाडीची साथ सोडत सत्ताधारी भाजपच्या गोटात सामील होत आहेत.

मी गद्दारी केली नाही, तुमच्या धमक्यांना घाबरत नाही, संजय शिंदेंचं चंद्रकांत पाटलांना उत्तर

यापूर्वी राधाकृष्ण विखे पाटील यांचे पुत्र सुजय विखे, वसंतदादा पाटील यांचे नातू प्रतीक पाटील, रणजितसिंह नाईक निंबाळकर यांनी काँग्रेसला रामराम ठोकत भाजपचा झेंडा हाती धरला आहे. तर राष्ट्रवादीचे रणजितसिंह मोहिते पाटीलही राष्ट्रवादीला सोडून भाजपमध्ये सामील झाले आहेत. त्यातच आता माणिकराव गावित, कल्याणराव काळे यांनीही पक्षाची साथ सोडण्याचा निर्णय घेतला आहे.