BMC Election 2026 : मोठी बातमी, मुंबई महापालिकेत भाजपचा महापौर तर शिवसेनेचा उपमहापौर होणार, महायुतीचा मुंबईचा सत्तावाटपाचा फॉर्म्युला निश्चित
BMC Election 2026 : मुंबई महापालिकेत भाजप आणि शिवसेनेचा जागा वाटपाचा फॉर्म्युला निश्चित झाला असल्याची माहिती सूत्रांकडून देण्यात आली आहे.
BMC Election 2026 मुंबई : महायुतीत भाजप आणि शिवसेना यांच्यातील मुंबई महापालिकेतील सत्तेचा फॉर्म्युला जवळपास निश्चित झाला आहे. भाजप आणि शिवसेनेचा ठाणे, कल्याण डोंबिवली आणि उल्हासनगर नंतर मुंबईचा फॉर्म्युला देखील जवळपास निश्चित झाल्याची माहिती आहे. मुंबई महापालिकेत महापौरपद भाजप कडे, स्थायी समितीचं अध्यक्षपद भाजपकडे असणार आहे. तर, एकनाथ शिंदे यांच्या शिवसेनेला उपमहापौर पद मिळण्याची शक्यता आहे. यामुळं मुंबई महापालिकेत भाजपचा महापौर होण्याचा मार्ग मोकळा होणार आहे.
BMC Election 2026 : मुंबईत भाजपचा महापौर, शिवसेनचा उपमहापौर
महापालिकेतील सत्ता समीकरणांसदर्भात काल उपमुख्यमंत्री एकनाथ शिंदे यांची मुख्यमंत्री देवेंद्र फडणवीस आणि प्रदेशाध्यक्ष रवींद्र चव्हाण यांच्यासोबत वेगवेगळी बैठक झाली होती, त्या बैठकीत मुंबई महापालिकेतील सत्तेचा फॉर्म्युला ठरल्याची सूत्रांची माहिती आहे.
महायुतीत येणाऱ्या काळात महापौर आणि स्थायी समिती अध्यक्षपद शिवसेनेलाही मिळेल, मात्र आता ही दोन्ही पदं भाजपकडे राहणार असल्याची शक्यता आहे. प्रभाग समिती संदर्भात स्थानिक पातळीवर निर्णय घेण्यात येणार असल्याची माहिती आहे.
ठाणे, कल्याण डोंबिवली, उल्हासनगर इथे शिवसेनेचा महापौर आणि भाजपच्या उपमहापौर असेल. तर, मुंबईत भाजपचा महापौर तर शिवसेनेचा उपमहापौर असणार आहे, अशी माहिती सूत्रांकडून देण्यात आली आहे.
मुंबई महापालिकेत भाजपचा दुसऱ्यांदा महापौर
मुंबई महापालिकेत भाजपचे यापूर्वी प्रभाकर पै महापौर बनले होते. ते 1982 मध्ये मुंबईचे महापौर होते. आता पुन्हा एकदा मंबई महापालिकेत भाजपचा महापौर होणार आहे. तब्बल 25 वर्षानंतर ठाकरेंची मुंबई महापालिकेतील सत्ता जाऊन महापौरपदी भाजपकडे येणार आहे. यापूर्वी अनेक वर्ष मुंबई महापालिकेत शिवसेना आणि भाजपची युती होती.
मुंबई महापालिकेचा अंतिम निकाल-(BMC Election Result 2026)
भाजप - 89
शिवसेना ठाकरे गट - 65
शिवसेना - 29
काँग्रेस - 24
मनसे - 6
एमआयएम- 8
एनसीपी - 3
एसपी - 2
एनसीपी शप - 1
--------------
एकूण- 227
ठाणे, कल्याण डोंबिवलीत महापौर पद शिवसेनेकडे
ठाणे महापालिकेच्या महापौदपदासाठी शर्मिला पिंपळोलकर-गायकवाड यांच्या नावाची घोषणा करण्यात आली आहे. तर, उपमहापौरपदासाठी भाजपच्या कृष्णा पाटील यांच्या नावाची घोषणा करण्यात आली आहे.
कल्याण डोंबिवलीत शिवसेनेच्या हर्षाली थविल यांचा महापौरपदासाठी अर्ज
कल्याण डोंबिवली महापालिका महापौर पदाचा उमेदवारी अर्ज हर्षाली थविल यांचा एकमेव उमेदवारी अर्ज दाखल झाला आहे. हर्षाली थविल यांची महापौरपदी बिनविरोध निवडीची अधिकृत घोषणा 3 फेब्रुवारीच्या सर्वसाधारण सभेत होणार आहे. तर उपमहापौर राहुल दामले यांचा भाजपकडून एकमेव उमेदवारी अर्ज दाखल झाल्याने दामले यांची उपमहपौर पदी बिनविरोध निवड झाली आहे.
Before You Go
Vijay Thalapathy : तामिळनाडूनत काँग्रेस का हाथ अभिनेता विजय के साथ
महत्त्वाच्या बातम्या
