Bihar Cabinet: बिहार सरकारचा 22 दिवसांनी विस्तार, दोन महिन्यांपूर्वी नितीशकुमारांच्या लेकाला सुद्धा मंत्रीपद
पंतप्रधान मोदीही या सोहळ्याला उपस्थित होते. सोहळ्यानंतर पंतप्रधानांनी नितीश कुमार यांना मंचावर बोलावून त्यांच्याशी हस्तांदोलन केले, त्यावेळी नितीश कुमार यांनी पंतप्रधानांच्या खांद्याला हात ठेवला.
Bihar Government Expanded: सम्राट चौधरी मुख्यमंत्री झाल्यानंतर 22 दिवसांनी मंत्रिमंडळाचा विस्तार करण्यात आला. या भव्य सोहळ्यात नितीश कुमार यांचे पुत्र निशांत कुमार आणि इतर 32 मंत्री मंत्रिमंडळात सामील झाले. नवीन मंत्रिमंडळात भाजपचे 15, जेडीयूचे 13, एलजेपी(आर)चे दोन, तर एचएएम आणि आरएलएमचे प्रत्येकी एक मंत्री आहेत. या सोहळ्यात पाच आमदारांनी एकाच वेळी शपथ घेतली. निशांत कुमार, श्रवण कुमार, विजय सिन्हा, लेसी सिंग आणि दिलीप जयस्वाल यांनी शपथ घेतली. निशांत कुमार यांचे हे पहिलेच मंत्रीपद आहे.
पंतप्रधान मोदीही या सोहळ्याला उपस्थित होते. सोहळ्यानंतर पंतप्रधानांनी नितीश कुमार यांना मंचावर बोलावून त्यांच्याशी हस्तांदोलन केले, त्यावेळी नितीश कुमार यांनी पंतप्रधानांच्या खांद्याला हात ठेवला. बिहारचे दोनदा आरोग्य मंत्री राहिलेल्या मंगल पांडे यांना यावेळी मंत्रिमंडळात स्थान मिळालेले नाही; त्यांना पक्षात एक महत्त्वाचे पद दिले जाईल असे वृत्त आहे.
आज आदरणीय प्रधानमंत्री श्री नरेन्द्र मोदी जी की उपस्थिति में पटना के गांधी मैदान में आयोजित बिहार सरकार के मंत्रिमंडल विस्तार एवं शपथ ग्रहण समारोह में शामिल हुआ। pic.twitter.com/vnXYwGixU1
— Nitish Kumar (@NitishKumar) May 7, 2026
भाजपने 3 उमेदवारांना वगळले
सम्राट मंत्रिमंडळात भाजपच्या कोट्यातील पंधरा मंत्र्यांनी शपथ घेतली आहे. यापैकी पाच नवीन चेहरे आहेत, तर तीन माजी मंत्र्यांना यावेळी संधी देण्यात आलेली नाही. यामध्ये भाजपचे ज्येष्ठ नेते मंगल पांडे, बेगुसरायमधील बछवारा येथील आमदार सुरेंद्र मेहता आणि पश्चिम चंपारणचे नारायण प्रसाद यांचा समावेश आहे. मंत्रिपद न मिळाल्यानंतर मंगल पांडे यांना भाजप संघटनेत मोठी जबाबदारी दिली जाईल. ते माजी मंत्री नितीन नवीन यांच्या टीममध्ये सामील होतील. मंगल पांडे यांची भाजपचे राष्ट्रीय सरचिटणीस म्हणून नियुक्ती केली जाऊ शकते आणि त्यांच्याकडे उत्तर प्रदेश निवडणुकीची जबाबदारीही सोपवली जाऊ शकते, असे वृत्त आहे.
सम्राट सरकारमधील मंत्र्यांची एकूण संख्या 35 झाली
तत्पूर्वी, 15 एप्रिल रोजी मुख्यमंत्री आणि दोन उपमुख्यमंत्र्यांनी शपथ घेतली. यामुळे मुख्यमंत्र्यांसह सम्राट सरकारमधील मंत्र्यांची एकूण संख्या 35 झाली आहे. जातीय रचनेनुसार, यामध्ये नऊ ओबीसी, नऊ ईबीसी, नऊ जनरल, सात दलित आणि एक मुस्लिम मंत्री आहेत. सम्राट मंत्रिमंडळात पाच महिला मंत्री असून, सर्वाधिक तीन मंत्री जेडीयू (JDU) पक्षाचे आहेत.
इतर महत्वाच्या बातम्या
महत्त्वाच्या बातम्या
