Bhiwandi East Vidhan Sabha : भिवंडी पूर्व विधानसभा मतदारसंघ : रईस शेखच 'बादशाह', संतोष शेट्टींचा पराभव

Bhiwandi East Assembly Constituency : भिवंडी पूर्व विधानसभा मतदारसंघात मविआकडून समाजवादी पार्टीचे रईस शेख यांनी शिवसेनेचे संतोष शेट्टी यांचा पराभव केला आहे.

Bhiwandi East Vidhan Sabha Election 2024

Source : ABP Majha

Bhiwandi East Vidhan Sabha Election 2024 : भिवंडी पूर्व विधानसभा निवडणुकीत महाविकास आघाडीतील समाजवादी पक्षाने रईस शेख यांनी विजय मिळवला आहे.  रईस शेख यांच्या विरोधात महायुतीने शिवसेनेचे उमेदवार संतोष शेट्टी यांना  निवडणुकीच्या रिंगणात उतरवलं होतं. 2024 च्या विधानसभा निवडणुकीत रईस शेख यांनी संतोष शेट्टी यांचा पराभव केला आहे. 2019 च्या विधानसभा निवडणुकीतही समाजवादी पक्षाचे उमेदवार रईस शेख यांनी विजय मिळवला होता. यंदाच्या विधानसभा सार्वत्रिक निवडणुकीत रईस शेख यांना त्यांचा गड कायम राखण्याचं चोख पेललं आहे.

भिवंडी पूर्व विधानसभा मतदारसंघ

भिवंडी पूर्व हा ठाणे जिल्ह्यातील मतदारसंघ आहे. भिवंडी हे एक व्यापारी शहर आणि एक प्रमुख व्यापार केंद्र आहे. भिवंडी शहर वस्त्रोद्योगासाठी प्रसिद्ध आहे. भिवंडी पूर्व मतदारसंघात भिवंडी-निजामपूर महानगरपालिकेचे प्रभाग क्रमांक 6 ते 17, 36 ते 50 आणि 62 ते 65 तसेच भिवंडी महसूल मंडळ भिनार साळा यांचा समावेश आहे, हे सर्व भिवंडी तालुक्याचा भाग आहेत.

मतदारसंघाची भौगोलिक रचना आणि सद्यस्थिती

भिवंडी पूर्व विधानसभा मतदारसंघ हा ठाणे जिल्ह्यातील एक मतदारसंघ. लोकसभेसाठी हा विधानसभा मतदारसंघ भिवंडी लोकसभा मतदारसंघांतर्गत जातो. भारताचं मँचेस्टर अशीही भिवंडीची ओळख आहे. सर्वाधिक कापड गिरण्या आणि पॉवरलूम्स भिवंडीत आहेत. 

भिवंडी पूर्वीपासून व्यापार केंद्र म्हणून ओळखलं जात आहे. शिवपूर्वकाळापासून भिवंडी शहराला स्वतःचं असं नैसर्गिक बंदर आहे. त्यामुळे या भागातल्या व्यापार उदीमाची भरभराट झाली. ब्रिटिशकाळापासून मँचेस्टर ऑफ इंडिया म्हणून भिवंडी शहराची ओळख आहे. देशातले सर्वाधिक कापड कारखाने या ठिकाणी आहेत. त्यामुळे  बहुतांश रोजगार हा या टेक्स्टाईल इंडस्ट्रीमधूनच उपलब्ध झाला आहे. भिवंडी हा ठाणे जिल्ह्यातील लोकसभा मतदारसंघ असून त्यातील 137 भिवंडी पूर्व  हा विधानसभा मतदारसंघ आहे.

भिवंडी पूर्व विधानसभा मतदारसंघातील प्रमुख लढती

• रईस शेख, सप - विजयी
• संतोष शेट्टी, शिवसेना

भिवंडी पूर्व विधानसभा 2019 चा निकाल

• रईस शेख (समाजवादी पार्टी) - 45537 मते (विजयी)
• रुपेश म्हात्रे (शिवसेना) - 44223 मते

भिवंडी पूर्व विधानसभा 2014 चा निकाल

• रूपेश म्हात्रे  (शिवसेना) - 33541 मते (विजयी)
• संतोष शेट्टी (भाजप) - 30148

महत्त्वाच्या इतर बातम्या :