Election Results 2021 LIVE: नंदीग्राममध्येही 'ममता राज', अटीतटीच्या लढतीत ममता बॅनर्जी यांचा शुभेन्दु अधिकारी यांच्यावर 1200 मतांनी विजय
Assembly Election Results 2021 Live Updates: निवडणूक आयोगाकडून देण्यात आलेल्या माहितीनुसार 2364 केंद्रांवर मतमोजणी प्रक्रिया पार पडणार आहे
Background
Election Results 2021 LIVE: देशातील चार राज्य आणि एका केंद्रशासित प्रदेशात झालेल्या निवडणुकांच्या मतमोजणीला अवघ्या काही क्षणांत सुरुवात होणार असून, देशाच्या राजकीय पटलावर यामुळं मोठ्या घडामोडी घडणार असल्याची अपेक्षा अनेक राजकीय तज्ज्ञांनी व्यक्त केली आहे. त्यामुळे आता आसाम, केरळ, पुदुच्चेरी, पश्चिम बंगाल आणि तामिळनाडूमध्ये मतदार राजानं नेमका कोणाला कौल दिला आहे हे पाहणं महत्त्वाचं ठरणार आहे.
मतमोजणीच्याच पार्श्वभूमीवर निव़डणूक आयोगानं दिलेल्या माहितीनुसार या प्रक्रियेसाठी 822 आरओ आणि 7000 एआरओंची नियुक्ती करण्यात आली आहे. तर, 2364 केंद्रांवर मतमोजणी प्रक्रिया पार पडणार आहे. सध्या सुरु असणाऱ्या कोरोना संसर्गाची लाट पाहता कोणीही व्यक्ती, एजंट यांना मतमोजणी केंद्रावर आरटीपीसीआर चाचणी किंवा कोरोना लसीचे दोन्ही डोस घेतल्याच्या निश्चिततेशिवाय आत घेतलं जाणार नाही.
दरम्यान, देशावर कोरोनाचं संकट ओढावलेलं असतानाच पार पडलेल्या या निवडणुकांसाठी खुद्द पंतप्रधान नरेंद्र मोदी, देशाचे गृहमंत्री अमित शाह यांच्यापासून कैक बड्या नेत्यांनी प्रचारसभा घेत मतदारांना अनेक आश्वासनं देऊ केली होती. काही भागांमध्ये या प्रक्रियेतही गालबोट लागण्याच्या घटना घडल्या. सरतेशेवटी संकटाला दूर लोटत करण्यात आलेल्या या प्रचाराचा मतदारांवर नेमका काय आणि किती परिणाम झाला आहे हेच पाहणं महत्त्वाचं ठरणार आहे.
पश्चिम बंगालमधील आरामबागेतील भाजप कार्यालयाला आग
पश्चिम बंगालमधील आरामबागेतील भाजप कार्यालयाला आग, तृणमूलच्या कार्यकर्त्यांनी आग लावल्याचा भाजपचा आरोप, तृणमूलनं आरोप फेटाळले
West Bengal Election Results 2021 LIVE UPDATE : तुम्ही माझ्यावर दाखवलेल्या विश्वासाबद्दल धन्यवाद : ममता बॅनर्जी
भारताचे लक्ष लागून असलेल्या आणि क्षणाक्षणाला काळजाचा ठोका चुकवणाऱ्या नंदीग्रामच्या लढतीत ममता बॅनर्जी यांनी भाजपच्या शुभेन्दु अधिकारी यांच्यावर 1200 मतांनी विजय मिळवला आहे. बंगालमध्ये तृणमूल काँग्रेसला बहुमत मिळणार हे आता स्पष्ट झालंय. याबाबत ममता बॅनर्जींनी बंगालच्या जनतेचे आभार मानले. तुम्ही माझ्यावर दाखवलेल्या विश्वासाबद्दल धन्यवाद, पश्चिम बंगालमधील सर्व जनतेचं अभिनंदन, असं म्हणत ममता बॅनर्जी यांनी सर्व जनतेचे आभार मानले.
महत्त्वाच्या बातम्या
