Arjuni Morgaon Vidhan Sabha constituency: अर्जुनी-मोरगाव मतदारसंघात चौरंगी लढत, कोण मारणार बाजी?
Arjuni Morgaon Vidhan Sabha constituency: या मतदारसंघात महायुतीतून राष्ट्रवादीचे उमेदवार राजकुमार बडोले, महाविकास आघाडीकडून काँग्रेसचे दिलीप बनसोड, यांच्यात लढत होणार आहे.
Arjuni Morgaon Vidhan Sabha constituency: गोंदिया जिल्ह्यातील अर्जुनी-मोरगाव मतदारसंघात (Arjuni Morgaon Vidhan Sabha constituency) युती-आघाडीला बंडखोरीचा सामना करावा लागणार आहे. त्यातच येथील विद्यमान आमदारांनी राष्ट्रवादीला राम राम करून प्रहारच्या तिकीटावर त्यांचे सुपुत्र निवडणूक लढवत आहेत. त्यामुळे या मतदारसंघात युती-आघाडीसह प्रहार आणि बंडखोर अशी चौरंगी लढत पहावयास मिळणार आहे.
जिल्ह्यातील अर्जुनी मोरगाव विधानसभा क्षेत्रामध्ये सर्वाधिक बंडखोरी झाली असून या मतदारसंघात महायुतीतून राष्ट्रवादीचे उमेदवार राजकुमार बडोले, महाविकास आघाडीकडून काँग्रेसचे दिलीप बनसोड, यांच्यात लढत होणार आहे. असे असले तरी ऐन वेळेवर तिकीट कापण्यात आल्याने राष्ट्रवादी अजित पवार गटाचे विद्यमान आमदार मनोहर चंद्रिकापूरे यांनी पक्षातून बाहेर पडत बच्चू कडू यांच्या प्रहार बॅनरखाली वेगळी चूल मांडली आहे. त्यांचे सुपुत्र सुगत चंद्रिकापूरे प्रहारच्या तिकीटावर निवडणूक लढवित आहेत. तर दुसरीकडे तिकीट न मिळाल्याने नाराज झालेले काँग्रेसचे बंडखोर अजय लांजेवार आणि भाजपाचे बंडखोर रत्नदीप दहिवले यांनी देखील आपला नामांकनपत्र कायम ठेवत निवडणूकीच्या रिंगणात आहेत. त्यामुळे या मतदारसंघात चौरंगी लढत रंगणार आहे. तेव्हा या मतदारसंघाकडे संपूर्ण जिल्ह्याचे लक्ष राहणार आहे.
2019 मधील विधानसभानिहाय लढती आणि मताधिक्य
2019च्या विधानसभा निवडणुकीमध्ये गोंदिया विधानसभेत तिहेरी लढत पाहायला मिळाली होती. यामध्ये अपक्ष आमदार विनोद अग्रवाल यांनी भाजपचे गोपाल अग्रवाल यांचा दारुण पराभव केला होता. या निवडणुकीत अपक्ष विनोद अग्रवाल यांना 1 लाख 2 हजार 996 इतकी मतं मिळाली होती. तर भाजपाचे गोपाल अग्रवाल यांना 75 हजार 827 मतं मिळाली होते. काँग्रेसचे अमर वराडे यांनी 8 हजार 938 मतं मिळवली होती. मोरगांव अर्जुनीमध्ये 2019 सालच्या विधानसभा निवडणुकीत राष्ट्रवादीचे मनोहर चंद्रिकापुरे यांनी भाजपच्या राजकुमार बडोले यांचा पराभव केला होता. आमगाव देवरी या विधानसभा क्षेत्रात काँग्रेसचे सहषराम कोरोटे यांनी भाजपचे संजय पुराम यांचा पराभव केला होता. विधानसभेत 2019 साली भाजपचे विजय रहांगडाले यांनी राष्ट्रवादीचे उमेदवार रविकांत बोपचे यांचा तिरोडा-गोरेगाव मतदारसंघात पराभव केला होता.
आदिवासी बहुल जिल्हा अशी गोंदिया (Gondiya Assembly Constituency) जिल्ह्याची सर्वत्र ओळख आहे. गोंदिया जिल्ह्याला छत्तीसगड आणि मध्य प्रदेश या दोन राज्याच्या सीमा जोडल्या गेल्या आहेत. गोंदिया जिल्ह्यात मोठ्या प्रमाणात धान पिकाची शेती केली जाते. या गोंदिया जिल्ह्यात मोठे कारखाने नसले तरी, अनेक छोट्या लघु उद्योगातून नागरिक स्वयंरोजगार निर्माण करत आहेत. गोंदिया जिल्ह्यात मनोहर भाई पटेल यांच्यासारखे शिक्षण महर्षी होऊन गेले आहेत. महाराष्ट्राच्या राजकारणात देखील हा जिल्हा तितकाच महत्त्वाचा आहे. कारण अजित पवार गटाचे नेते प्रफुल्ल पटेल (Praful Patel) यांचं हे होमग्राऊंड आहे.
ही बातमी वाचा :
महत्त्वाच्या बातम्या
