Goa Exit Poll 2022: गोव्यात यंदाही 2017 प्रमाणे होऊ शकतं सरकार स्थापन, पाहा काय सांगतात एक्झिट पोलचे आकडे

Goa Exit Poll: गोव्यामध्ये सरकार स्थापन करण्यासाठी 21 जागांची गरज आहे. पण एक्झिट पोलमध्ये एकाही पक्षाला हे फिगर गाठता आलेलं नाही.

Goa_Election

ABP Cvoter Goa Exit Poll 2022: गोवा विधानसभा निवडणूक 2022 (Goa Election 2022) मध्ये 2017 प्रमाणेच निकाल समोर येण्याची शक्यता आहे. एबीपी न्यूज आणि सी वोटर यांनी मिळून केलेल्या एक्झिट पोलमधून यंदा गोव्यात कोणत्याच पक्षाला संपूर्ण बहुमत मिळणार नाही. कारण गोव्यात सरकार स्थापन करण्यासाठी 21 जागांची गरज आहे. पण एक्झिट पोलमध्ये एकाही पक्षाला इतक्या जागा मिळालेल्या नाहीत. 

एक्झिट पोलमधून भाजप सर्वात मोठा पक्ष म्हणून समोर येत आहे. त्यांना 13 ते 17 जागा मिळण्याची शक्यता आहे. तर काँग्रेसला 12 ते 16, आम आदमी पार्टीला 1 ते 5, मगोपला 5 ते 9, आणि इतरांच्या पदरात 0 ते 2 जागा मिळण्याची शक्यता आहे. ज्यामुळे भाजप जरी सर्वाधिक जागा मिळवणारा पक्ष असला तरी मगोप यंदा किंगमेकर म्हणून समोर येऊ शकतो. यंदाच्या निवडणूकीत सरकार असणाऱ्या भाजपचा सामना काँग्रेस, आप आणि ममता बॅनर्जी यांच्या तृणमूल काँग्रेसशी होता. याआधी म्हणजे 2017 मध्ये काँग्रेसला सर्वाधिक 17 जागा मिळाल्या होत्या. पण 13 जागांवर आलेल्या भाजपाने मगोप आणि गोवा फॉरवर्ड पार्टीसह तीन अपक्ष उमेदरांसोबत सरकार स्थापन केलं होतं. त्यामुळे यंदाही भाजप आणि काँग्रेस यांच्य़ातील जो पक्ष मगोपसोबत युती करेल तोच सरकार स्थापन करण्याची दाट शक्यता आहे.

2017 चा  निकाल?

2017 साली कॉंग्रेसला 28.4 टक्के मत मिळाली होती. तर भाजपला 32.5, आम आदमी पक्षाला 6.3, मगोपला 11.3 आणि इतरांना 21.5 टक्के मतदान मिळाले होते. 2022 च्या निवडणुकात आम आदमी पक्षाला सर्वाधिक फायदा होताना दिसत आहे. आम आदमी पक्षाच्या आकडेवारीत 8 टक्क्यांनी वाढ झाली आहे. 

तर कॉंग्रेस पक्षाला सर्वाधक मते मिळणार आहे. कॉंग्रेसच्या पदरात 17 जागा पडल्या होत्या. 13 जागा मिळवणाऱ्या भाजपने एमजीपी, गोवा फॉरवर्ड पार्टी आणि तीन अपक्षाना सोबत घेत सत्ता स्थापन केली होती. आपला 2017 साली गोव्यात खाते उघडता आले नाही. तर एमजीपीला 3 आणि इतर पक्षांना सात जागा मिळाल्या  होत्या. 

संबंधित बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha