Lok Sabha Election 2019 : चौथ्या टप्प्यात देशभरात 59.25 टक्के मतदान

Background

Lok Sabha Election 2019 : सतराव्या लोकसभेसाठी चौथ्या टप्प्यात नऊ राज्यांच्या 71 जागांवर आज मतदार होत आहे. या टप्प्यात जवळपास 13 कोटी मतदार 961 उमेदवारांचं भवितव्य निश्चित करणार आहेत. या टप्प्यात महाराष्ट्रातील सर्वाधिक 17 जागांवर मतदान होत असून, उत्तर प्रदेश आणि राजस्थानच्या प्रत्येकी 13-13 जागांसाठी आज मतदान पार पडेल.

कोणत्या राज्यात किती जागांवर मतदान?
महाराष्ट्र : 17
राजस्थान : 13
उत्तर प्रदेश : 13
पश्चिम बंगाल : 8
ओदिशा : 6
मध्य प्रदेश : 6
बिहार : 5
झारखंड : 3
जम्मू काश्मीर : 1

2014 मध्ये कोणी किती जागा जिंकल्या?
भाजप : 46
काँग्रेस : 2
शिवसेना : 9
एलजेपी : 2
बीजेडी : 6
टीएमसी : 6
एसपी : 1

23 टक्के उमेदवार डागाळलेले
एडीआरच्या अहवालानुसार, या टप्प्यात 928 पैकी 23 टक्के म्हणजेच 210 उमेदवारांविरोधात गुन्हेगारी खटले दाखल आहेत. यापैकी 17 टक्के म्हणजेच 158 उमेदवारांवर गंभीर गुन्हेगारी प्रकरणांची नोंद आहे. शिवसेना आणि भाजपने या टप्प्यात 46 टक्के गुन्हेगारी पार्श्वभूमीच्या लोकांना उमेदवारी दिली आहे.

33 टक्के उमेदवार कोट्यधीश
या टप्प्यात 928 पैकी सुमारे 33 टक्के म्हणजेच 306 उमेदवार कोट्यधीश आहे. चौथे टप्प्यातील उमेदवारांची सरासरी संपत्ती 4.53 कोटी रुपये आहे. या टप्प्यात कोट्यधीशांना तिकीट देण्याच्या बाबतीत भाजप आणि काँग्रेस हे दोन्ही पक्ष सर्वात आघाडीवर आहेत. काँग्रेस आणि भाजपने 57 पैकी 50-50 उमेदवारांनी कोट्यधीश असल्याची माहिती दिली आहे. बसपा या बाबतीत तिसऱ्या क्रमांकावर आहे. बसपाचे 54 पैकी 20 उमेदवार कोट्यधीश आहेत. मात्र तीन उमेदवार असेही आहेत, ज्यांच्याकडे कोणत्याही प्रकारची संपत्ती नाही.

14 उमेदवार पीएचडीधारक
या टप्प्यात निवडणूक लढवणारे 14 उमेदवार पीएचडीधारक आहेत. याशिवाय 162 उमेदवार हे पदव्युत्तर आहेत. 201 उमेदवारांनी पदवीपर्यंत शिक्षण पूर्ण केलं आहे. तर 77 उमेदवारांनी व्यावसायिक अभ्यासक्रमात पदवी मिळवली आहे. मात्र या टप्प्यातील 9 उमेदवार निरक्षर आहेत.

व्हीआयपी उमेदवारांचं भविष्य पणाला
या टप्प्यात भाजपचे गिरीराज सिंह, सीपीआय कन्हैया कुमार, राजदचे ज्येष्ठ नेते अब्दुल बारी सिद्दीकी, भाजपचे नित्यानंद राय, राष्ट्रीय लोकसमता पार्टीचे अध्यक्ष उपेंद्र कुशवाहा यांचं भवितव्य पणाला लागलं आहे. मध्य प्रदेशचे मुख्यमंत्री कमलनाथ यांचे पुत्र नकुलनाथ छिंदवाडातून, कन्नौजमधून अखिलेश यादव की पत्नी डिंपल यादव, फारुखाबादमधून काँग्रेसचे ज्येष्ठ नेते सलमान खुर्शीद, जोधपूरमधून अशोक गहलोत यांचे पुत्र वैभव गहलोत, आसनसोलमधून बाबुल सुप्रियो आणि अभिनेत्री मुनमुन सेन, मिलिंद देवरा, उर्मिला मातोंडकर या दिग्गजांच्या भवितव्याचा फैसला होणार आहे

18:23 PM (IST)  •  29 Apr 2019

चौथ्या टप्प्यात देशभरात 59.25 टक्के मतदान

17:34 PM (IST)  •  29 Apr 2019

पश्चिम बंगालच्या आसनसोलमध्ये तृणमूलची गुंडगिरी, भाजप नेते बाबुल सुप्रियोंच्या गाडीची तोडफोड

13:29 PM (IST)  •  29 Apr 2019

देशातील 9 मतदारसंघात दुपारी 12 वाजेपर्यंत 23.93 टक्के मतदान : महाराष्ट्र (17 जागा) - 28.67 टक्के, राजस्थान (13 जागा) - 30 टक्के, उत्तर प्रदेश (13 जागा) - 21.18 टक्के, पश्चिम बंगाल (8 जागा)- 35.10 टक्के, मध्य प्रदेश (6 जागा) - 29 टक्के, ओदिशा (6 जागा) - 20 टक्के, बिहार (5 जागा)- 18.26 टक्के, झारखंड (3 जागा) - 29.21 टक्के, जम्मू काश्मीर (1 जागा) - 4 टक्के

13:03 PM (IST)  •  29 Apr 2019

वोट डालना आपका अधिकार ही नहीं, बल्कि कर्तव्य भी है। अगर आप राजनीति में दिलचस्पी नहीं लेंगे तो नेताओं की भी आपके बु… https://t.co/pAoPyE33OQ

13:03 PM (IST)  •  29 Apr 2019

सीपीआय उमेदवार कन्हैया कुमारचं बिहारच्या बेगुसरायमध्ये मतदान