![metaverse](https://cdn.abplive.com/imagebank/metaverse-top.png)
SSC Result 2022 : दहावीचा निकाल कधी? विद्यार्थी आणि पालकांची उत्सुकता शिगेला
Maharashtra Board Result 2022 : गेल्या आठवड्यात बारावीचा निकाल जाहीर झाल्यानंतर आता दहावीचा निकाल कधी? असा प्रश्न उपस्थित होत आहे.
![SSC Result 2022 : दहावीचा निकाल कधी? विद्यार्थी आणि पालकांची उत्सुकता शिगेला Maharashtra ssc result 2022 Date 10th result 2022 latest update msbsbhse 10th result date time mh10 abpmajha com mahresult nic in SSC Result 2022 : दहावीचा निकाल कधी? विद्यार्थी आणि पालकांची उत्सुकता शिगेला](https://feeds.abplive.com/onecms/images/uploaded-images/2022/04/29/a835c5e08ded7bc321526c8d81b40094_original.jpg?impolicy=abp_cdn&imwidth=1200&height=675)
Maharashtra Board Result 2022 : गेल्या आठवड्यात महाराष्ट्र बोर्डाचा बारावीचा निकाल जाहीर झाला. अशातच आता दहावीची परीक्षा दिलेल्या विद्यार्थ्यांना आणि पालकांना निकालाची उत्सुकता लागली आहे. महाराष्ट्र स्टेट बोर्ड ऑफ सेकेंडरी अँड एज्युकेशन (MSBSHSE) मार्फत लवकरच दहावीचे निकाल जाहीर केले जाणार आहेत. बोर्डाने निकाल जाहीर केल्यानंतर, विद्यार्थ्यांना तो ABP Majha वर पाहता येणार आहे. त्यासाठी MH10.ABPMajha.Com लिंकवर क्लिक करा. निकाल जाहीर झाल्यानंतर या लिंकवर विद्यार्थ्यांना ऑनलाईन, झटपट कोणत्याही अडथळ्याविना निकाल पाहता येणार आहे.
मीडिया रिपोर्ट्सनुसार, यावर्षी बोर्ड परीक्षेचा निकाल 15 जून रोजी जाहीर केला जाणार आहे. मात्र, याबाबत बोर्डानं अद्याप काहीही सांगितलेलं नाही. तर गेल्या महिन्यात राज्याच्या शिक्षणमंत्री वर्षा गायकवाड यांनी महाराष्ट्र दहावीचा निकाल 20 जूनपर्यंत जाहीर केला जाईल, असं सांगितलं होतं. महाराष्ट्र बोर्डाचा बारावीचा निकाल 8 जून रोजी जाहीर झाला. यंदा महाराष्ट्रातील 94.22 टक्के विद्यार्थ्यांनी बारावीची परीक्षा (HSC Result) दिली होती. दहावीची परीक्षा 15 मार्च ते 4 एप्रिल दरम्यान घेण्यात आली होती. यामध्ये सुमारे 1,449,660 विद्यार्थी सहभागी झाले होते.
महाराष्ट्र राज्य माध्यमिक आणि उच्च माध्यमिक शिक्षण मंडळ (SSC/HSC Result 2022) : महाराष्ट्र माध्यमिक आणि उच्च माध्यमिक शिक्षण मंडळाच्या दहावीच्या परीक्षा या 15 मार्च 2022 पासून सुरु झाल्या आणि 4 एप्रिल 2022 रोजी संपल्या होत्या. या परीक्षा या ऑफलाइन पद्धतीनं घेण्यात आल्या होत्या 20 जूनपर्यंत दहावीचा निकाल (SSC/HSC Result 2022) जाहीर होणार, अशी माहिती महाराष्ट्र राज्य माध्यमिक आणि उच्च माध्यमिक शिक्षण मंडळाने दिली आहे. या निकालाची वाट विद्यार्थी उत्सुकतेने पाहत आहेत.
दहावीच्या परीक्षेसाठी एकूण 16 लाख 39 हजार 172 विद्यार्थ्यांनी नोंदणी केली होती. यामध्ये 8 लाख 89 हजार 584 विद्यार्थी तर 7 लाख 49 हजार 487 विद्यार्थ्यांनी परीक्षा दिली होती. त्यामुळे दहावीचा निकाल कधी लागणार याकडे विद्यार्थी आणि पालक डोळे लावून बसले आहेत.
कुठे पाहाल निकाल?
महाराष्ट्र राज्य माध्यमिक शिक्षण मंडळाचा इयत्ता दहावीचा निकाल लवकरच जाहीर होणार आहे. निकाल जाहीर झाल्यानंतर 'ABP Majha'च्या वेबसाईटवर तुमचा निकाल पाहता येणार आहे. एबीपी माझाची अधिकृत वेबसाईट marathi.abplive.com वर दहावीचे विद्यार्थी झटपट आपला निकाल पाहू शकणार आहेत.
निकाल जाहीर झाल्यानंतर कसा चेक कराल?
स्टेप 1 : https://marathi.abplive.com/ वर लॉन ऑन करा
स्टेप 2 : दहावी निकालाच्या बॅनरवर क्लिक करा
स्टेप 3 : तिथं असलेल्या बॉक्समध्ये आपला सीट नंबर टाका
स्टेप 4 : तुमच्या आईच्या नावातील पहिली तीन अक्षरं लिहा
स्टेप 5 : एंटर केल्यानंतर तुमचा निकाल स्क्रिनवर दिसेल
स्टेप 6 : निकालाची प्रिंट आऊट घ्या किंवा मोबाईलमध्ये सेव्ह करा
महत्त्वाच्या इतर बातम्या :
SSC Result 2022 : दहावीचा निकाल कधी लागणार? 16 लाखांहून अधिक विद्यार्थ्यांची उत्सुकता शिगेला
Education Loan Information:
Calculate Education Loan EMI
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)