SSC Result 2023 : यंदाही पोरीच अव्वल, तर कोकण विभाग नंबर वन; पाहा विभागनिहाय टक्केवारी
Maharashtra 10th Result 2023 : दहावीचा निकाल 93 पूर्णांक 83 टक्के, बारावीप्रमाणे दहावीतही मुलींची बाजी. 95 पूर्णांक 87 टक्के मुली पास. कोकण विभागाचा सर्वाधिक 98 पूर्णांक 11 टक्के तर नागपूर विभागाचा सर्वात कमी निकाल.
Maharashtra SSC Result 2023 : राज्य माध्यमिक आणि उच्च माध्यमिक शिक्षण मंडळाच्या दहावीचा निकाल आज जाहीर करण्यात आला. यंदा दहावीचा निकाल 93.83 टक्के लागला आहे. तर यंदा 3.11 टक्क्यांनी निकाल घसरला आहे. विद्यार्थ्यांना दुपारी एक वाजता ऑनलाईन निकाल पाहता येणार आहे. दरवर्षीप्रमाणे यंदाच्या निकालातही मुलींनी बाजी मारली आहे. यावर्षी 95.87 टक्के मुली उत्तीर्ण झाल्या आहेत. तर उत्तीर्ण होणाऱ्या मुलांचं प्रमाण 92.05 टक्के आहे.
यंदा कोकण विभागानं बाजी मारली आहे, तर नागपूर विभाग तळाशी आहे. कोकण विभागाचा निकाल 98.11 टक्के लागला आहे. तर नागपूर विभागाचा निकाल 92.05 टक्के इतका लागला आहे. महाराष्ट्र राज्य माध्यमिक व उच्च माध्यमिक शिक्षण मंडळाचे अध्यक्ष शरद गोसावी यांनी पत्रकार परिषद घेत निकाल जाहीर केला आहे.
दहावी निकालाची विभागनिहाय टक्केवारी
कोकण विभाग : 98.11 टक्के
कोल्हापूर विभाग : 96.73 टक्के
पुणे विभाग : 95.64 टक्के
मुंबई विभाग : 93.66 टक्के
औरंगाबाद विभाग : 93.23 टक्के
अमरावती विभाग : 93.22 टक्के
लातूर विभाग : 92.67 टक्के
नाशिक विभाग : 92.22 टक्के
नागपूर विभाग : 92.05 टक्के
Maharashtra SSC Result 2023 : कुठे पाहता येणार निकाल?
महाराष्ट्र बोर्डानं निकाल जाहीर केल्यानंतर, विद्यार्थ्यांना तो ABP Majha वरही पाहता येणार आहे. त्यासाठी MH10.ABPMajha.Com लिंकवर क्लिक करावं लागेल. निकाल जाहीर झाल्यानंतर या लिंकवर विद्यार्थ्यांना ऑनलाईन, झटपट कोणत्याही अडथळ्याविना निकाल पाहता येणार आहे. तसेच, विद्यार्थ्यांना निकाल डाऊनलोडही करता येणार आहे.
महाराष्ट्र राज्य माध्यमिक आणि उच्च माध्यमिक शिक्षण मंडळामार्फत मार्च 2023 मध्ये घेण्यात येणारी दहावीची लेखी परीक्षा 2 ते 25 मार्च या कालावधीत पार पडली. यंदा दहावीच्या परीक्षेला 23 हजार 10 शाळांमधील 15 लाख 79 हजार 374 विद्यार्थ्यांनी परीक्षेसाठी नोंदणी केली होती. परंतु मागील पाच वर्षाच्या तुलनेत यंदा परीक्षेसाठी नोंदणी करणाऱ्या विद्यार्थ्यांची संख्या कमी असल्याचं निदर्शनास आलं आहे. गेल्या वर्षाच्या तुलनेत यंदा विद्यार्थ्यांची नोंदणी तब्बल 61 हजार 708 नं कमी झाली आहे.
Maharashtra SSC Result 2023 : एबीपी माझाच्या वेबसाईटवर दहावीचा निकाल पाहण्यासाठी खालीली स्टेप्स फॉलो करा
स्टेप 1 : सर्वात आधी एबीपी माझाच्या वेबसाईटवर लॉन ऑन करा.
स्टेप 2 : दहावी निकालाच्या बॅनरवर क्लिक करा.
स्टेप 3 : तुमच्यासमोर एक नवं पेज ओपन होईल, तिथे असलेल्या बॉक्समध्ये तुमचा सीट नंबर टाका.
स्टेप 4 : त्याखालच्या बॉक्समध्ये तुमच्या आईच्या नावातील पहिली तीन अक्षरं लिहा (उदा. आईचं नाव SONALI असेल तर तुम्हाला SON लिहावं लागेल)
स्टेप 5 : एंटर केल्यानंतर तुमचा निकाल स्क्रीनवर दिसेल.
स्टेप 6 : निकालाची प्रिंट आऊट घ्या किंवा मोबाईलमध्ये सेव्ह करा.
Education Loan Information:
Calculate Education Loan EMI
महत्त्वाच्या बातम्या
