एक्स्प्लोर

ITI Instructor Exam 2022 : ITI इन्स्ट्रक्टर आणि रेल्वे भरती परीक्षा एकाच दिवशी, परीक्षा 8 ऑक्टोबरनंतर घेण्याची उमेदवारांची मागणी

ITI Instructor and Railway Recruitment Exam 2022 : आयटीआय इन्स्ट्रक्टर आणि रेल्वे भरती परीक्षा एकाच दिवशी आल्याने आयटीआय इन्स्ट्रक्टर परीक्षा 8 ऑक्टोबरनंतर घेण्याची मागणी उमेदवारांनी केली आहे.

Written By : वेदांत नेब | Edited By: स्नेहल पावनाक | Updated at : 19 Sep 2022 02:00 PM (IST)

ITI Instructor and Railway Recruitment Exam on same day Candidates demand to take ITI Instructor Exam after 8th October ITI Instructor Exam 2022 : ITI इन्स्ट्रक्टर आणि रेल्वे भरती परीक्षा एकाच दिवशी, परीक्षा 8 ऑक्टोबरनंतर घेण्याची उमेदवारांची मागणी

ITI Instructor Exam 2022

ITI Instructor and Railway Recruitment Exam 2022 : राज्यात औद्योगिक प्रशिक्षण संस्थेच्या वतीने आयटीआय इन्स्ट्रक्टरची (ITI Instructor 2022) परीक्षा 28 आणि 29 सप्टेंबर रोजी आयोजित करण्यात आली आहे. 1 हजार 457 पदांसाठी परीक्षा होणार असून मोठ्या संख्येने उमेदवारांनी या परीक्षेसाठी अर्ज भरले आहेत. आता त्याच दरम्यान रेल्वे भरती गट ड (Railway Recruitment Exam Group D 2022) परीक्षा नियोजित असल्याने दोन्ही परीक्षांचे अर्ज भरलेले उमेदवार अडचणीत आले आहेत. त्यामुळे आयटीआय इन्स्ट्रक्टरची परीक्षा 8 ऑक्टोबरनंतर घेण्यात यावी, अशी मागणी उमेदवारांनी केली आहे.

आयटीआय इन्स्ट्रक्टर परीक्षा 8 ऑक्टोबरनंतर घेण्याची मागणी

रेल्वे भरती गट ड परीक्षा 2019 ही (Railway Recruitment Exam Group D 2019) आधीच नियोजित केली होती, त्यानुसार राज्यात 27 सप्टेंबर ते 7 ऑक्टोबर दरम्यान ही परीक्षा घेतली जात आहे. तर 8 ऑक्टोबरला एमपीएससी संयुक्त गट ब (MPSC Exam 2022) परीक्षा आहे. त्यामुळे आयटीआय इन्स्ट्रक्टरची परीक्षा पुढे ढकलल्यास उमेदवारांना इतर परीक्षा देता येतील असे उमेदवारांचे म्हणणे आहे. सर्व विद्यार्थ्यांना परीक्षा देण्याची संधी मिळावी यासाठी या परीक्षा पुढे ढकलव्यात अशी मागणी स्पर्धा परीक्षा समन्वयक समितीने सुद्धा राज्य सरकारकडे केली आहे.

महत्त्वाच्या तारखा :

आयटीआय इन्स्ट्रक्टरची परीक्षा 2022 तारीख : 28 आणि 29 सप्टेंबर 2022

रेल्वे भरती गट ड परीक्षा 2019 तारीख : 27 सप्टेंबर ते 7 ऑक्टोबर 2022

उमेदवारांची न्यायालयात जाण्याची तयारी

त्या संदर्भात काही उमेदवारांनी न्यायालयात जाण्याची तयारी सुद्धा दर्शविली आहे आणि जर विद्यार्थी न्यायालयात गेले तर पुन्हा एकदा परीक्षा लांबणीवर पडू शकते आणि विद्यार्थ्यांमध्ये संभ्रम निर्माण होऊ शकतो, त्यामुळे परीक्षा 08 ऑक्टोबरनंतर घेण्यात यावी, असं उमेदवारांचं त्यासोबतच विद्यार्थी संघटनांचं म्हणणं आहे.

संबंधित इतर बातम्या :

Education Loan Information:
Calculate Education Loan EMI

About the author वेदांत नेब

एबीपी माझा या वृत्तवाहिनीमध्ये आणि पत्रकारिता क्षेत्रात गेली अकरा वर्षापासून कार्यरत आहेत. एबीपी माझा या वृत्तवाहिनीमध्ये सध्या "मुंबई ब्युरो चीफ" या पदावर कार्यरत आहे. या मागील अकरा वर्षाच्या कार्यकाळात राजकीय, शैक्षणिक, सामाजिक, सांस्कृतिक क्षेत्रातील विविध प्रश्न आपल्या बातमीद्वारे महाराष्ट्रतल्या जनतेसमोर मांडत आहे.

प्रत्येक विषयाची, बातमीची योग्य पद्धतीने मांडणी करून आपल्या इलेक्ट्रॉनिक मीडियाच्या माध्यमातून आपल्या बातमीची छाप कशी पडेल आणि लोकांपर्यंत ती सहज त्यांना समजेल अशा भाषेत कशी जाईल यासाठी प्रयत्नशील आहे.

छत्रपती संभाजी नगर हे मूळ गाव असून पहिली ते पदवीच शिक्षण करून पुणे विद्यापीठातून मास्टर ऑफ कम्प्युटर अप्लिकेशन (MCA) पूर्ण करत पदव्युत्तर शिक्षण घेतल. पदव्युत्तर शिक्षण आयटी क्षेत्रात घेतल्यानंतर आपल्या आवडीच्या पत्रकारिता क्षेत्रात मुंबईच्या झेवीयर्स महाविद्यालयामध्ये पत्रकारिता डिप्लोमा कोर्स आणि त्यानंतर पत्रकारितेत सुद्धा एम ए (मास कम्युनिकेशन अँड जर्नलिझम ) छत्रपती संभाजी नगर -डॉ. बाबासाहेब आंबेडकर मराठवाडा विद्यापीठा विद्यापीठातून पूर्ण केला

एबीपी माझामध्ये 2016 पासून काम करत आहे. 2019,2024 लोकसभा विधानसभा निवडणुका, पक्ष फुटी पासून ते सत्तांतराच्या बातम्या अगदी जवळून कव्हर केल्या, शिक्षण क्षेत्रात मुंबई विद्यापीठाचा गोंधळ, विद्यार्थी शिक्षकांचे प्रश्न, शिक्षण क्षेत्रातल्या रोजच्या घडामोडी इथपासून ते शिक्षक विद्यार्थी आंदोलनतले प्रश्न, दिल्लीतील जंतर-मंतर येथे झालेलं विद्यार्थ्यांचा आंदोलन असे अनेक विद्यार्थ्यांच्या युवांच्या निगडित घडामोडी, त्यांचे प्रश्न मांडण्याचे काम करत आहे

विधानसभा निवडणुकीत 'पोस्टमन माझा' सारखा 'एबीपी माझा' वृत्तवाहिनीच्या विशेष कार्यक्रमात आपल्या करेक्टर रिपोर्टिंगद्वारे विविध मतदार संघातील मतदारांचे प्रश्न स्थानिक आमदार, राज्याचे मुख्यमंत्री यांच्याकडे पत्राद्वारे मांडले. महानिर्वाणदिनी भीमगीत गायिका सुषमादेवी यांचा काळाच्या पडद्याआड गेलेला बुलंद आवाज महाराष्ट्रसमोर आणला.

कोरोना काळात शोध पत्रकारितेतून कोरोना रुग्णांना लुटणाऱ्या टोळीचा पर्दाफाश करत "ऑपरेशन लुटारू" या स्टिंग ऑपरेशनच्या मालिकेतून बेड पासून रुग्णवाहिकेसाठी, कोरोना टेस्टसाठी कशी लूट केली जाते अश्या अनेक गोष्टी सरकार समोर मांडल्या.

आतापर्यंत केलेल्या कामाबद्दल खालील पुरस्कार प्रदान करण्यात आले

राज्य सरकारच्या वतीने देण्यात येणारा महाराष्ट्र शासन पु.ल. देशपांडे उत्कृष्ट दूरचित्रवाणी वृत्तकथा पुरस्कार -2019

ईएनबीए राष्ट्रीय पुरस्कार 2019

राज्यस्तरीय युवा पत्रकार संघ पुरस्कार 2024

सांस्कृतिक कलादर्पण पुरस्कार 2026

सन्मान देवदूतांचा पुरस्कार 2021

श्रेष्ठ सन्मान एबीपी माझा पुरस्कार 2019

चौथा स्तंभ राज्यस्तरीय विशेष पत्रकारिता पुरस्कार 2019

श्रेष्ठ सन्मान एबीपी माझा पुरस्कार 2019

Published at : 19 Sep 2022 02:00 PM (IST)

Tags :

Railway Recruitment ITI Exam 2022 Exam Fever MPSC Exam MPSC 'Maharashtra Railway Exam