UP Crime : मुलीला वाचवण्यासाठी आई बनली 'दुर्गा', अत्याचाराचा प्रयत्न करणाऱ्याचं गुप्तांग कापलं
Lakhimpur Rape Attempt : उत्तर प्रदेशमध्ये एका महिलेनं तिच्या 14 वर्षीय मुलीवर अत्याचाराच्या प्रयत्न करणाऱ्या युवकाचं गुप्तांग कापल्याची घटना घडली आहे.
Woman Cut Off Private Part of Young Man : उत्तर प्रदेशच्या (Uttar Pradesh) लखीमपूर खीरीमध्ये एक धक्कादायक घटना घडली आहे. एका अल्पवयीन मुलीवर बलात्काराचा प्रयत्न केल्याची (Rape Attempt) धक्कादायक घटना घडली आहे. आपल्या मुलीला वाचवण्यासाठी एका आईनं चंडीचं रुप धारण केलं. एका महिलेनं आपल्या मुलीवर बलात्कार करण्याच्या प्रयत्न करणाऱ्या युवकाचं गुप्तांग कापल्याची घटना घडली आहे. उत्तर प्रदेशच्या लखीमपूरमधील हा प्रकार समोर आला आहे. मुलीवर अत्याचार करण्याच्या प्रयत्नात असणाऱ्या आरोपीवर हल्ला करत मुलीच्या आईनं त्याचं गुप्तांगच कापलं. यामध्ये आरोपी गंभीर जखमी झाला. त्याला रुग्णालयात दाखल करण्यात आलं असून त्याच्यावर उपचार सुरु आहेत. महिलेच्या तक्रारवरून पोलिसांनी आरोपीवर गुन्हा दाखल केला आहे.
जखमी अवस्थेत रुग्णालयात पोहोचला तरुण
मीडिया रिपोर्टनुसार, ही घटना लखीमपूर खीरी जिल्ह्यातील कमलापुरी येथे घडली आहे. हरिशंकर या तरुणाला बुधवार जखमी अवस्थेत रुग्णालयात दाखल करण्यात आलं. यावेळी त्यानं सांगितलं की, महिलेनं दोन जणांसोबत मिळून त्याला मारहाण केली आणि गुप्तांग कापलं. यानंतर महिला पोलिसांसमोर हजर झाली. महिलेनं पोलिसांत तक्रार दिली की, तरुण जबरदस्ती घरात घुसून तिच्या 14 वर्षीय अल्पवयीन मुलीवर अत्याचार करण्याचा प्रयत्न केला. यामुळे महिलेना मुलीचा बचाव करताना युवकावर हल्ला करत त्याचं गुप्तांग कापलं. ही घटना 17 ऑगस्ट रोजी घडली आहे.
आरोपी महिलेचा लिव्ह-इन पार्टनर
काही मीडिया रिपोर्टनुसार, आरोपी तरुण 36 वर्षीय महिलेचा लिव्ह-इन पार्टनर असल्याचं बोललं जातं आहे. ही महिला मुलीला घेऊन पतीपासून वेगळी राहत होती, असं म्हटलं जात आहे. एका रिपोर्टनुसार, महिला शेतात काम करण्यासाठी गेली असता, आरोपी जबरदस्तीनं घरात घुसला आणि त्यानं मुलीवर अत्याचार करण्याचा प्रयत्न केला. इतक्यात महिला घरी पोहोचली आणि तिच्या हा प्रकार लक्षात आला. तिने आरोपीचा प्रतिकार करण्याचा प्रयत्न केला. यावेळी महिलेनं तरुणावर धारदार शस्त्रानं वार करत त्याचं गुप्तांग कापलं.
आरोपीविरोधात 376 आणि पॉक्सो कायद्याअंतर्गत गुन्हा नोंद
लखीमपूर पोलिसांनी दिलेल्या माहितीनुसार, महिला दोन वर्षांपासून पतीपासून वेगळी राहत आहे. तिचा नवरा दारुडा असल्याने ती मुलीला घेऊन वेगळी राहत आहे. महिलेच्या तक्रारी वरून तरुणाविरोधात गुन्हा दाखल करण्यात आला आहे. आरोपीविरोधात 376 आणि पॉक्सो कायद्या अंतर्गत गुन्हा नोंदवण्यात आला आहे. आरोपी बरा झाल्यानंतर त्याच्याकडे चौकशी केली जाईल, असंही पोलिसांनी सांगितलं आहे.
महत्त्वाच्या बातम्या
