Wardha News : धावत्या कारमध्ये 13 वर्षीय मुलीवर अत्याचार, वर्ध्यातील धक्कादायक घटना 

 Wardha News : धावत्या कारमध्ये 13 वर्षीय मुलीवर अत्याचार करण्यात आल्याची धक्कादायक घटना समोर आली आहे. वर्धा जिल्ह्यातील पुलगावात ही घटना घडलीय.

Wardha News Update

वर्धा : धावत्या कारमध्ये 13 वर्षीय मुलीवर अत्याचार केल्याधी धक्कादयक घटना वर्धा जिल्ह्यातील ( Wardha) पुलगावात घडलीय. पीडितेवर दोन नराधमांनी वर्ध्यातल्या पुलगाव पोलीस ठाण्याच्या (Pulgaon Police Station) हद्दीत अत्याचार केल्याचे उघड झाले आहे. पीडित मुलगी ही शाळेत जाण्यास निघाली असताना दोघांनी चाकूचा धाक दाखवला आणि  तिचं अपहरण केलं. त्यानंतर तिच्यावर अत्याचार करण्यात आले. या घटनेने परिसरात संतापाची लाट उसळली आहे. याप्रकरणी पुलगाव पोलिसांनी (Pulgaon Police दोघांविरुद्ध विविध कलमान्वये गुन्हा दाखल केलाय.

मिळालेल्या माहितीनुसार, वर्धा जिल्ह्यातील पुलगाव पोलीस ठाण्याच्या हद्दीतील 13 वर्षीय पीडिता ही नेहमीप्रमाणे घरुन शाळेत जाण्यासाठी निघाली होती. शाळेत जात असतानाच तिला सुमेध मेश्राम आणि एका अनोळखी युवकाने आवाज दिला आणि संशयित आरोपी सुमेध याने तिला चाकूचा धाक दाखवून धमकावले आणि तिला बळजबरीने कारमध्ये खेचलं.

चाकूचा धाक धाकवून कारमध्ये बसण्यास सांगतिले आणि  संशयितांनी पीडीतेवर धावत्या कारमध्येच अत्याचार केला. याबाबत कुणाला सांगितल्यास जीवे मारण्याची धमकी दिली. त्यामुळे पीडिता प्रचंड घाबरली होती.  

पीडितेच्या आईची पोलिसांत तक्रार  
 या सर्व प्रकारानंतर पीडिता प्रचंड घारबली होती. तिने घडलेला सर्व प्रकार आपल्या आईला सांगितला. त्यामुळे तिला धीर देत आईने पुलगाव पोलीस ठाण्यात सुमेध आणि त्याच्या एका मित्राविरुद्ध तक्रार दिली. पीडितेच्या आईने दिलेल्या तक्रारीवरून पोलिसांनी त्या दोघांविरोधात गुन्हा दाखल केला असून त्यांना अटक केली की नाही याबाबत अद्याप माहिती समोर आली नाही. 

दरम्यान, या प्रकारानंतर परिसरातील नागरिकांमधून संताप व्यक्त केला जात असून दोषींवर कठोर कारवाई करण्यात यावी अशी मागणी करण्यात येत आहे. पोलिसांनी देखील या प्रकरणाची गंभीर दखल घेतली असून पुढील तपास सुरू केला आहे.  

महत्वाच्या बातम्या