Wardha Crime: वर्ध्यात राजकीय नेत्याकडून अल्पवयीन मुलीचं लैंगिक शोषण, अजितदादा गटाच्या नेत्याशी कनेक्शनमुळे राजकीय वर्तुळात खळबळ
Wardha Crime News: वर्ध्यात ज्येष्ठ नेत्याकडून मुलीचे लैंगिक शोषण, वर्ध्याच्या पुलगाव पोलिसांत पोस्को अंतर्गत गुन्हा दाखल. 2022 पासून करत होता शरीर सुखाची मागणी
Wardha Political leader sexual exploitation of girl: वर्धा जिल्ह्यातून धक्कादायक घटना समोर आली आहे. ‘जागतिक महिला दिना’च्या पार्श्वभूमीवर समाजाला हादरवून टाकणारी ही घटना उघडकीस आली आहे. वर्ध्यात (Wardha news) राजकीय पक्षाशी संबंधित एका ज्येष्ठ नेत्यावर अल्पवयीन मुलीचे दीर्घकाळ पासून लैंगिक सुखाची (sexual atrocity) मागणी केल्याचा गंभीर आरोप झाला आहे. मिळालेल्या माहितीनुसार, दिवाकर गमे (वय 78) असे या आरोपीचे नाव असून पुलगाव पोलिसांनी त्याला अटक केली आहे. पीडित तरुणीच्या तक्रारीवरून पुलगाव पोलिस ठाण्यात पॉक्सो कायद्याअंतर्गत आणि इतर गंभीर कलमान्वये गुन्हा दाखल करण्यात आला आहे. (Maharashtra Crime news)
पोलिसांच्या प्राथमिक माहितीनुसार, पीडित मुलगी 2022 मध्ये अवघ्या 17 वर्षांची असताना आरोपी दिवाकर गमे याने तिला नोकरीचे आमिष दाखवून आपल्या जाळ्यात ओढले. गेल्या सुमारे पाच वर्षांपासून तिचे सातत्याने लैंगिक शोषणची मागणी केल्याचा आरोप आहे. धक्कादायक बाब म्हणजे आरोपीचे पीडित मुलीच्या कुटुंबाशी जवळचे संबंध असल्याची माहितीही समोर आली आहे. तसेच तीन दिवसांपूर्वी आरोपीने पीडितेला अश्लील फोटो आणि व्हिडिओ पाठवून पुन्हा तिचा लैंगिक छळ केल्याचा आरोप मुलीने केला आहे. यामुळे त्रस्त झालेल्या पीडित मुलीने अखेर पोलिसांकडे धाव घेत तक्रार दाखल केली.
तक्रार मिळताच पुलगाव पोलिसांनी घटनेचे गांभीर्य ओळखत 7 मार्चच्या सायंकाळी आरोपी दिवाकर गमे याला अटक केली. पोलिसांनी आरोपीचा मोबाईलही जप्त केला असून त्यातून आणखी धक्कादायक पुरावे समोर येण्याची शक्यता वर्तवली जात आहे. दिवाकर गमे हा 'महाज्योती' या संस्थेत काही वर्षांपूर्वी संचालक म्हणून कार्यरत होते. दरम्यान, आरोपी हा राष्ट्रवादीच्या अजित पवार गटाशी संबंधित एका दिग्गज नेत्याचा निकटवर्तीय असल्याची माहिती समोर येत असून या प्रकरणामुळे जिल्ह्यात खळबळ उडाली आहे. या संपूर्ण प्रकरणाचा तपास उपविभागीय पोलीस अधिकारी करत असल्याची माहिती पोलिसांकडून देण्यात आली आहे.
Nandurbar Crime: नंदुरबारात शिवसेना शिंदे गटाच्या पदाधिकाऱ्यांवर ॲट्रॉसिटीचा गुन्हा
नंदुरबार नगरपालिकेच्या शिवसेना शिंदे गटाचे उपनगराध्यक्ष प्रथमेश चौधरी, नगरसेवक गौरव चौधरी आणि माजी आमदार शिरीष चौधरी यांचे बंधू रवींद्र चौधरी यांच्यावर ॲट्रॉसिटीचा गुन्हा दाखल करण्यात आला आहे. बाबा रिसॉर्ट येथे झालेल्या चौधरी समाजाच्या कार्यक्रमात अनुसूचित जातीच्या महिलेचा अपमान करत जातीवाचक शिवीगाळ केल्याचा आरोप करण्यात आला आहे. उपनगर पोलीस ठाण्यात शिंदे गटाच्या पदाधिकाऱ्यांवर ॲट्रॉसिटी चे गुन्हा दाखल झाला आहे. उपनगराध्यक्ष प्रथमेश चौधरी आणि नगरसेवक गौरव चौधरी यांच्यावर दोन महिन्यांपूर्वीही ॲट्रॉसिटीचा गुन्हा दाखल झाला होता. त्यातच पुन्हा एकदा गुन्हा नोंद झाल्याने नंदुरबारच्या राजकीय वर्तुळात चर्चेला उधाण आले आहे. या प्रकरणामुळे शहरातील राजकीय वातावरण तापण्याची शक्यता व्यक्त केली जात आहे. उपनगर पोलिसांकडून पुढील तपास सुरू आहे.
आणखी वाचा
महत्त्वाच्या बातम्या
