UP Crime : मॅट्रिमोनिअल साइटवर मैत्री, हनी ट्र्रॅप! महिलेकडून नामांकित कंपनीच्या CEO सह पोलीस अधिकाऱ्याची लाखोंची फसवणूक

UP Crime : एका नामांकित कंपनीचा सीईओ आणि एका महिलेची मॅट्रिमोनियल साइटवर भेट झाली.

UP Crime marathi news

Source : Getty Images

UP Crime : मॅट्रिमोनिअल साइट्सच्या (Matrimonial Site) माध्यमातून फसवणुकीच्या घटना सातत्याने समोर येत आहेत. यूपी पोलिसांचे डीएसपी श्रेष्ठ ठाकूरही येथे फसवणुकीचे बळी ठरले आहेत. तर गुरुग्राममधील एका सल्लागार कंपनीचा सीईओही फसवणूक करणाऱ्यांच्या जाळ्यात अडकल्याचे वृत्त आहे. एका मॅट्रिमोनियल साइटवर भेटलेल्या एका महिलेला क्रिप्टोकरन्सीमध्ये गुंतवणूक करण्याचे आमिष दाखवून 38 लाखांहून अधिक रुपये लुटले.

 

दोघांमधील मैत्री घट्ट झाल्यावर महिलेचा हनी ट्र्रॅप!

एका नामांकित कंपनीचा सीईओ आणि एका महिलेची मॅट्रिमोनियल साइटवर भेट झाली. त्यावेळी महिलेने सांगितले होते की, ती लंडनमध्ये राहते, मात्र ती मूळची कोलकात्याची आहे. दोघांमधील मैत्री घट्ट झाल्यावर महिलेने सीईओला डीनकॉइन नावाच्या क्रिप्टोकरन्सीमध्ये गुंतवणूक करण्याचे आमिष दाखवले. अशाप्रकारे तिने चक्क 38 लाख रुपयांची फसवणूक केली. पैशाची फसवणूक झाल्यानंतर पीडित व्यक्तीला ही फसवणूक झाल्याचे लक्षात आले. यानंतर त्याने सायबर पोलिस ठाण्यात तक्रार दाखल केली. ज्यानंतर पोलीस या प्रकरणाचा तपास करत आहेत.

 

सुरुवातीला 10 लाख रुपये गुंतवायला सांगितले

एका कंपनीचे कार्यकारी अधिकारी (सीईओ) नमन अग्रवाल यांनी दाखल केलेल्या तक्रारीनुसार, ते नोव्हेंबर 2023 मध्ये  रिद्धी शर्मा नावाच्या महिलेला भेटले. गेल्या पाच वर्षांपासून ती लंडनमध्ये राहत असल्याचा दावा तिने केला आहे. ती मूळची कोलकाता येथील रहिवासी आहे. नमन म्हणाला, "एक दिवस त्याने मला क्रिप्टोकरन्सीमध्ये गुंतवणूक करण्याचे आमिष दाखवले आणि डीनकॉइनच्या वेबसाइटवर माझे ट्रेडिंग खाते तयार केले. या वेबसाइटची लिंक तिने व्हॉट्सॲपवर पाठवली होती. ट्रेडिंग प्लॅटफॉर्मच्या ग्राहक सेवाशी देखील व्हॉट्सॲपद्वारे संवाद साधण्यात आला होता. तिने मला सुरुवातीला 10 लाख रुपये गुंतवायला सांगितले. तीच रक्कम ती माझ्या ट्रेडिंग खात्यात ट्रान्सफर करणार असल्याचे तिने सांगितले. 20 डिसेंबर रोजी, डीनकॉइन ग्राहक मदत संघाकडून व्हॉट्सॲपवर एक संदेश आला की रिद्धी शर्माने ट्रांसफर केलेली रक्कम मनी लाँडरिंग होती. त्याच्यावर कायदेशीर कारवाई केली जाऊ शकते. यानंतर नमनला तीच रक्कम पुन्हा जमा करा, अन्यथा उरलेली रक्कम गोठवण्यात येईल, असे सांगण्यात आले.

 

सत्य समजल्यानंतर महिला अधिकाऱ्याच्या पायाखालची जमीनच सरकली

दुसरी घटना अशाच प्रकारे समोर आली होती, मॅट्रिमोनिअल साईटच्या माध्यमातून एका व्यक्तीने आयआरएस अधिकारी असल्याचे भासवून तिच्याशी लग्न केले. पण नंतर असे समजले की तो व्यक्ती फसवणूक करणारा होता, त्याने त्याचे बनावट नाव आणि ओळख सांगून महिलेची फसवणूक केली होती. हे सत्य समजल्यानंतर महिला अधिकाऱ्याच्या पायाखालची जमीनच सरकली होती.

 

हेही वाचा>>>