टोरेसनंतर पुन्हा घोर फसवणूक, शेअर मार्केटच्या नावाखाली कोट्यवधींचा गंडा; TWJ कंपनीविरुद्ध चिपळूणमध्येही गुन्हा
गुंतवणूकदार पंकज माटे यांच्या तक्रारीनंतर चिपळूण मध्ये गुन्हा दाखल करण्यात आला आहे. शेअर मार्केटच्या आधारावर TWJ कंपनीत सुमारे अकरा हजार गुंतवणूकदार असल्याची माहिती आहे.
रत्नागिरी : जास्त परताव्याच्या अमिषाला बळी पडून पुन्हा एकदा गुंतवणूकदारांची घोर फसवणूक झाल्याचं उघडकीस आलं आहे. TWJ (Share market) म्हणजेच ट्रेड विथ जॅझ कंपनीकडून जादा पतवाच्या नावाखाली कोट्यवधी रुपयांची फसवणूक झाल्याने गुंतवणूकदारांच्या डोळ्यात पाणी आलं आहे. यवतमाळ नंतर TWJ कंपनीच्या संचालकांवर चिपळूणमध्येही (Chiplun) गुन्हा दाखल करण्यात आला आहे. कोट्यवधी रुपयांची फसवणूक केल्याप्रकरणी राज्यातील विविध भागात TWJ कंपनीच्या विरोधात गुंतवणूकदार आक्रमक बनले आहेत. कंपनीचे संचालक समीर नार्वेकर, त्याची पत्नी नेहा नार्वेकरसह शाखा व्यवस्थापक संकेश घाग यांच्यावर चिपळूण पोलिसात (police) गुन्हा दाखल करण्यात आला आहे.
गुंतवणूकदार पंकज माटे यांच्या तक्रारीनंतर चिपळूण मध्ये गुन्हा दाखल करण्यात आला आहे. शेअर मार्केटच्या आधारावर TWJ कंपनीत सुमारे अकरा हजार गुंतवणूकदार असल्याची माहिती आहे. मुंबईच्या दादर येथील टॉरेस घोटाळा प्रकरणानंतर आता टीडब्लूजे हा आणखी एक घोटाळा समोर आला असून ठाणे आर्थिक गुन्हे शाखेकडून तपास सुरू. दरम्यान, राज्यभरातील विविध भागात TWJ कंपनीच्या जवळपास 20 शाखा असल्याची माहिती समोर आली आहे.
यवतमाळ नंतर TWJ कंपनीच्या संचालकांवर चिपळूणमध्येही गुन्हा दाखल करण्यात आला आहे. कोट्यवधी रुपयांची फसवणूक केल्याप्रकरणी राज्यातील विविध भागात TWJ कंपनीच्या विरोधात गुंतवणूकदार आक्रमक बनले आहेत. आपली झालेली फसवणूक लक्षात येताच पोलीस स्टेशनला खेटे मारत कंपनीविरुद्ध संताप व्यक्त केला जात आहे. गुंतवणूकदारांनी गुंतवलेल्या रकमेवर महिन्याला 3 ते 5 टक्के व्याजदर परतावा देण्याची कंपनीची योजना होती. या कंपनीच्या योजनेच्या अमिषाला बळी पडून कित्येक गुंतवणूकदारांनी आपले पैसे गुंतवले होते, जे कोट्यवधी रुपये आहेत. मात्र, मागील 5 महिन्यांपासून गुंतवणूदारांना व्याजाचा परतावा न दिल्यामुळे गुंतवणूकदार बेजार झाले होते. अखेर, कंपनीचे संचालक समीर नार्वेकर, त्याची पत्नी नेहा नार्वेकरसह शाखा व्यवस्थापक संकेश घाग यांच्यावर चिपळूण पोलिसात गुन्हा दाखल करण्यात आला आहे.
यवतमाळमध्येही गुन्हा दाखल
दरम्यान, यवतमाळमधील जांब रोड येथील TWJ फ्रँचाईस बिझनेस अग्रीमेंट कंपनीने पैसे गुंतवणीचा बदल्यात अधिक व्याज देण्याच्या प्रलोभनातून गुंतवणूकदारांची फसवणूक केल्याचं आता उघडकीस आलं आहे. 3% ते 4 % दराने दोन तीन महिने सुरळीत व्याज दिल्यानंतर ग्राहकांनी व्याज व मुद्दल परत मागितल्यास TWJ कंपनीकडून उडवा उडवीचे उत्तर देत टाळाटाळ करण्यात आल्याने आपी फसवणूक झाल्याचं गुंतवणूकदारांच्या लक्षात आलं. गजेंद्र श्रावणजी गणवीर व त्यांच्या कुटुंबातील सदस्यांचे 29 लाख रुपये व तसेंच इतर ग्राहकांची एकूण 3 कोटी रुपयांची फसवणूक कंपनीकडून करण्यात आली आहे. शेवटी फिर्यादी गजेंद्र श्रावनजी गणवीर (वय 55 रा अंबिका नगर) यवतमाळ यांच्या फिर्यादीवरून 21सप्टेंबर 2025 रोजी दुपारी 1 वाजेच्या सुमारास TWJ फ्रँचाईस बिजनेस अग्रीमेंट कंपनी विरुद्ध गुन्हा दाखल केला. याप्रकरणी, आरोपी समीर नार्वेकर (वय 40 वर्ष) CMD TWJ असो. प्रा. लि. पुणे, सागर मयलवार (वय 38 वर्ष) शाखा व्यवस्थापक TWJ.असो. प्रा. लि. यवतमाळ, आणइ सुरज माडगुलवार (वय 37 वर्ष) लेखापाल TWJ असो. प्रा. लि. यवतमाळ यांच्याविरुद्ध भारतीय न्याय संहितेच्या कलम 1306/25 कलम 316/(2),318(4),3(5) कलम 3,4 अंतर्गत गुन्हा नोंदविण्यात आला आहे. या घटनेचा पुढील तपास अवधूतवाडी पोलीस करीत आहे.
हेही वाचा
महत्त्वाच्या बातम्या
