Ratnagiri Crime : आईच्या चरित्र्यावर संशय; अल्पवयीन मुलाने बापाला संपवलं!
रत्नागिरीतील पुनस गावात आईच्या चरित्र्यावर संशय घेतल्याने अल्पवयीन मुलाने लोखंडी हातोडा घालून बापाला संपवलं. 17 वर्षीय मुलावर खुनाचा गुन्हा दाखल झाला आहे.
रत्नागिरी : घरात वारंवार उडणारे खटके, वडिलांचं आईवर संशय घेणे आणि तू माझा मुलगा नाहीस असं हिणवल्याने अल्पवयीन मुलाने थेट आपल्या बापाला संपवलं. रत्नागिरी जिल्ह्यातील लांजा तालुक्यातील पुनस गावातील बौद्धवाडी या ठिकाणी ही धक्कादायक घटना घडली आहे. सोमवार (21 मार्च) मध्यरात्री ही घटना घडली आहे.
सोमवारी रात्री घरात भांडणं झाली. त्यावेळी 17 वर्षीय अल्पवयीन मुलाने वडिलांच्या डोक्यात लोखंडी हातोडा घातला. यामध्ये 40 वर्षीय रविंद्र रावजी कांबळे जखमी झाले. त्यानंतर त्यांना रत्नागिरी जिल्हा रुग्णालय इथे उपचारासाठी हलवण्यात आलं. पण, दुसऱ्या दिवशी अर्थात 22 मार्च रोजी त्यांचा मृत्यू झाला. लांजा पोलिसांना याप्रकरणी अल्पवयीन मुलाविरोधात खुनाचा गुन्हा दाखल केला आहे.
काय झालं त्या रात्री?
40 वर्षीय रविंद्र कांबळे आपल्या पत्नीच्या चारित्र्यावर संशय घेत असत. शिवाय, आपल्या 17 वर्षाच्या मुलाला 'तू माझा मुलगा नाहीस' असं देखील हिणवत असत. सोमवारी देखील रवींद्र यांनी आपल्या पत्नीच्या चारित्र्यावर संशय घेतला. त्यानंतर घरात जोरदार खटके उडाले. याचवेळी राग अनावर झालेल्या 17 वर्षाच्या मुलाने वडील रविंद्र कांबळे यांच्या डोक्यात लोखंडी हातोडा मारला. यामध्ये रवींद्र गंभीर जखमी झाले. त्यांना उपचारासाठी रत्नागिरी जिल्हा रुग्णालय येथे हलवले. पण, गंभीर जखमी असलेल्या रवींद्र यांच्यावर उपचारांचा काहीही फायदा झाला नाही. मंगळवारी त्यांचा मृत्यू झाला. त्यानंतर 17 वर्षीय मुलाविरोधात भारतीय दंड विधान कलम 302 अंतर्गत खुनाचा गुन्हा दाखल करण्यात आला आहे. पोलीस या प्रकरणी आणखी तपास करत आहेत.
हे ही वाचा
Palghar: दारूच्या व्यसनापायी पोटच्या मुलाकडून आईची हत्या, पालघरच्या तारापूर येथील घटना
Crime News : 'माता न तू वैरिणी'; 13 महिन्याच्या चिमुकलीची हत्या करून आईचा आत्महत्येचा प्रयत्न
Beed News : 'शेवट', 'गुडबाय माय जिगरी'; व्हॉट्सअॅपवर स्टेटस ठेवून 23 वर्षीय तरुणाचा गळफास
महत्त्वाच्या बातम्या
