Pune : पुण्यात 'एक दुजे के लिए', प्रेमीयुगुलाने विष प्राशन करुन जीवन संपवलं, खडकवासला जंगलामध्ये मृतदेह सापडले
Pune Couple Suicide : या प्रकरणातील मुलगी अल्पवयीन असल्याची माहिती आहे. तिचे एका तरुणासोबत गेल्या तीन वर्षांपासून प्रेमसंबंध होते. या दोघांनीही आत्महत्या केल्याने खळबळ उडाली आहे.
पुणे : पुण्यातील खडकवासला धरणाजवळील जंगलात प्रेमीयुगुलाने आत्महत्या केल्याची घटना समोर आली आहे. विष प्राशन करुन या युगुलाने आत्महत्या केली आहे. तीन वर्षांपासून त्यांचे प्रेमसंबंध असल्याची प्राथमिक माहिती समोर आली आहे.
पुण्यातील खडकवासला धरणाजवळ असलेल्या जंगलात या तरुण आणि तरुणीचा मृतदेह सापडला. आत्महत्या केलेले हे दोघेही गुरुवारीपासून गायब होते. आत्महत्या केलेल्या तरुणीच्या बहिणीने गुरुवारी या प्रकरणी पोलिसात फिर्याद दिली होती.
मिळालेल्या माहितीनुसार, गुरुवारी दुपारी फिर्यादी यांनी त्यांच्या 16 वर्षीय बहिणीला क्लाससाठी सोडलं होतं. मात्र क्लास संपल्यानंतर ती परत न आल्याने त्यांनी वानवडी पोलिस ठाण्यात धाव घेतली.
संशयित मुलाचा शोध सुरू
या दरम्यान, पोलिसांनी एका संशयित मुलाचा देखील तपास करायला सुरुवात केला. त्या मुलासोबत फिर्यादीच्या बहिणीचे प्रेमसंबंध असल्याची माहिती पोलिसांना मिळाली. तसेच तो मुलगा मूळचा अहिल्यानगर जिल्ह्यातील कर्जत तालुक्याचा असल्याची माहिती पोलिसांना मिळाली होती. मात्र त्याचा मोबाईल फोन बंद होता.
त्यानंतर शुक्रवारी खडकवासला धरणाजवळ असलेल्या जंगलात 2 मृतदेह मिळून आल्याची माहिती पोलिसांना मिळाली. उत्तमनगर पोलिसांनी धाव घेत याबाबतची माहिती वानवडी पोलिसांना कळवली. पोलिस ज्याच्या शोधात होते तेच हे तरुण-तरुणी असल्याचं समोर आलं. या दोघांनी विषप्राशन करून आत्महत्या केल्याचे निष्पन्न झाले आहे.
ही बातमी वाचा:
महत्त्वाच्या बातम्या
