Nashik Crime : अनंत कान्हेरे मैदानावर भरदिवसा 19 वर्षीय तरुणीवर प्राणघातक हल्ला, अवघ्या काही तासात हल्ल्याचा उलगडा
Nashik Crime : नाशिकच्या अनंत कान्हेरे मैदानावर भरदिवसा एका 19 वर्षीय तरुणीवर प्राणघातक हल्ला झाल्याची घटना घडल्याने शहरात एकच खळबळ उडाली आहे.
Nashik Crime News : नाशिकच्या अनंत कान्हेरे मैदानावर (Anant kanhere Maidan) एका 19 वर्षीय तरुणीवर प्राणघातक हल्ला झाल्याची घटना आज सोमवारी (दि. 10) घडली आहे. हल्ला करणाऱ्या इसमाला पोलिसांनी (Police) ताब्यात घेतले असून आता याबाबत मोठी अपडेट समोर आली आहे.
याबाबत मिळालेल्या माहितीनुसार, नाशिकच्या मुंबई नाका पोलीस ठाण्याच्या (Mumbai Naka Police Station) हद्दीतील आज सकाळी दहा वाजता दरम्यान अनंत कान्हेरी मैदानावर आज सकाळी 19 वर्षीय मुलगी आली असता तिच्यावर एका इसमाने चाकूने हल्ला केला.
हल्ला करणारा निघाला नातेवाईक
या घटनेची माहिती मिळताच पोलीस घटनास्थळी दाखल झाले आणि स्थानिक नागरिकांच्या मदतीने आरोपीला ताब्यात घेण्यात आले. मुलीची प्रकृती सध्या गंभीर असून मुलीला उपचारासाठी नाशिकच्या जिल्हा रुग्णालयात दाखल करण्यात आले आहे. केदार गणेश जंगम, असे हल्ला करणाऱ्या इसमाचे नाव आहे. केदारचे पीडित मुलीसोबत प्रेम संबंध होते, असे निदर्शनास आल्याची माहिती पोलिसांनी दिली आहे. तसेच केदार हा मुलीचा नातेवाईक आहे. हल्ला झालेली मुलगी ही त्याच्याच घरी राहायला होती, असे देखील पोलीस तपासात समोर आले आहे.
नाशिकमध्ये मद्यधुंद तरुणांची पोलिसांशी हुज्जत
दरम्यान, नाशिकमध्ये रात्री मद्यधुंद अवस्थेत धिंगाणा घालणाऱ्या तरुणांनी पोलिसांशी हुज्जत घातल्याचा प्रकार उघडकीस आला आहे. गंगापूर रोडच्या प्रसाद सर्कल परिसरात आरडाओरड करत तरुण-तरुणी गोंधळ घालत असल्याची पोलिसांच्या गस्तीपथकाला माहिती मिळाली होती. सार्वजनिक ठिकाणी शांततेचा भंग करत नशेत बेभान झालेल्यांकडून भर रस्त्यावर उन्माद घालण्यात येत होता. पोलिसांच्या गस्ती पथकाने तरुण-तरुणींना विचारणा केली असता मद्यधुंद तरुण आणि तरुणींनी पोलिसांशीच हुज्जत घालत कारवाईला विरोध केयाचे दिसून आले.
सातपूर परिसरात युवकावर कोयत्याने वार
तर, सातपूर औद्योगिक वसाहतीत एकाने कारण नसताना एकावर कोयत्याने वार करून दुखापत केली. विलास बोरसे (22, रा. हिरावाडी, पंचवटी) असे अटक करण्यात आलेल्या संशयिताचे नाव आहे. रुपेश रवींद्र सूर्यवंशी यांनी दिलेल्या फिर्यादीनुसार, शनिवारी सकाळी आठच्या सुमारास जहागिरदार फुडस् या ठिकाणी ते गेले असताना संशयित बोरसे याने काहीतरी कारणातून कोयत्याने छातीवर, डोक्यावर वार करून जीवे ठार मारण्याचा प्रयत्न केला. याप्रकरणी सातपूर पोलीस ठाण्यात गुन्हा दाखल करण्यात आला आहे.
आणखी वाचा
महत्त्वाच्या बातम्या
