नांदेडमध्ये मॉर्निंग वॉक गेलेल्या सोनूला संपवलं, हत्येचं कारण समोर; प्रेमसंबंधाची किनार, वडिलांची फिर्याद

सोनू कल्याणकर याचे वडील यांच्या फिर्यादीवरुन गोलू मंगनाळे आणि त्याचे वडील चंद्रविजय मंगनाळे यांच्याविरुद्ध खुनाचा गुन्हा दाखल करण्यात आला आहे.

Nanded sonu kalyankar love matter

Source : Abp

नांदेड: शहरात आज सकाळी मॉर्निक वॉकसाठी गेलेल्या युवकावर चार जणांनी अचानक प्राणघातक हल्ला केला. त्यामध्ये, सोनू कल्याणकर मानक तरुणाचा मृत्यू झाला असून जुन्या वादातूनच हे हत्याकांड झाल्याची प्राथमिक माहिती होती. याप्रकरणी, पोलिसांनी (Police) आरोपींचा पाठलाग करत असताना आरोपींकडून पोलिसांवर देखील गोळीबार करण्यात आला होता. त्यामध्ये, प्रमुख आरोपीच्या पायाला पोलिसांकडून गोळी लागली, त्यानंतर त्यास रुग्णालयात दाखल करण्यात आले आहे. आता, याप्रकरणी मयत सोनू कल्याणकर (Nanded) याच्या वडिलांनी फिर्याद दिली असून आरोपींविरुद्ध खुनाचा गुन्हा दाखल झाला आहे. त्यामध्ये, 

मृत सोनू कल्याणकर याच्या वडिलांच्या फिर्यादीनुसार, गोलू मंगनाळे आणि त्याचे वडील चंद्रविजय मंगनाळे यांच्याविरुद्ध खुनाचा गुन्हा दाखल करण्यात आला आहे. सोनू कल्याणकर यांनी मंगनाळे यांच्या मुलीचे लग्न मोडल्याचा खोटा आरोप करत हा वाद झाल्याचं तक्रारीत म्हटलं आहे. अनिकेत उर्फ सोनू कल्याणकर याचे दहा-बारा वर्षापासून मंगनाळे यांच्या मुलीसोबत प्रेम संबंध होते, त्यांच्या या प्रेमसंबंधाला मंगनाळे पिता पुत्राचा विरोध होता. त्यानंतर मंगनाळे यांनी आपल्या मुलीचा विवाह दुसरीकडे ठरवला होता, तो विवाह सुद्धा सोनू कल्याणकर यांनी मोडलं होता, असा आरोप करत 2020 मध्ये विमानतळ पोलीस स्टेशनमध्ये आमच्या मुलाविरुद्ध खोटा गुन्हा दाखल करण्यात आला होता. त्यानंतर, 2021 मध्ये गोलू मंगनाळे यांनी सोनू कल्याणकर याच्या घरी येत गोळीबार करत त्याचा जीव घेण्याचा प्रयत्न केला, तेव्हापासून माझ्या मुलाला मारण्यासाठी मंगनाळे पिता-पुत्र डोळा ठेवून होते, अशी अशोक कल्याणकर यांनी फिर्यादीत म्हटले आहे. 

10-12 दिवसापूर्वी जंगमवाडी परिसरात सोनू कल्याणकर याला अडवून अंकुश गंधमवाड, पियु शिंदे, रोहित लोट आणि मधु जोगदंड यांनी तुझे दिवस भरले आहेत, नीट रहा असे म्हणत धमकावले होते. त्यावेळी सोनू कल्याणकरच्या वडिलांनी आपण पोलिसात तक्रार दाखल करू असं सोनूला सांगत होते. मात्र, सोनू यांनी तक्रार द्यायला विरोध केला, गोलू मंगनाळेची हा कुठल्या दहशतवादी हरविंदर सिंग रिंदाचा माणूस आहे, त्याच्याविरोधात जर आपण तक्रार दिली तर ते मला नक्की मारतील म्हणून आपण तक्रार दाखल करायची नाही असं सोनच्या वडिलांनी फिर्यादीमध्ये सांगितले. 

दरम्यान, आज सकाळी साडेपाच ते सहाच्या दरम्यान सोनू कल्याणकर मॉर्निक वॉकला गेला असता त्याला गाठून पाठीवर, पोटावर खंजिराचे वार करत त्याची निर्घुण हत्या करण्यात आली. याप्रकरणी भाग्यनगर पोलीस स्टेशनमध्ये चंद्रविजय मंगनाळे मुक्तेश्वर उर्फ गोलू मंगनाळे, पियु शिंदे, मधू जोगदंड व मुख्य आरोपी अंकुश गंधमवाड यांच्या विरोधात गुन्हा दाखल करण्यात आला आहे. याप्रकरणी, पोलीस अधिक तपास करत आहेत. 

हेही वाचा