Nagpur News:घरात खेळताना चाके असलेल्या खुर्चीवरून तोल गेला अन् गळ्याला....; आई वडील घरी नसताना चिमुकल्यासोबत आक्रीत घडलं, नागपुरात 11 वर्षीय मुलाचा दुर्दैवी अंत
Nagpur Accident News : नागपूर शहरातून एक अतिशय खळबळजनक घटना समोर आली आहे. यात खेळताना अनवधानानं गळफास लागून एका 11 वर्षीय मुलाचा दुर्दैवी मृत्यू (Nagpur News) झाला आहे.
Nagpur Accident News : नागपूर शहरातून एक अतिशय खळबळजनक घटना समोर आली आहे. यात खेळताना अनवधानानं गळफास लागून एका 11 वर्षीय मुलाचा दुर्दैवी मृत्यू (Nagpur News) झाला आहे. प्रतापनगर हद्दीतील शेवाळकर अपार्टमेंटमध्ये घडलेल्या या घटनेमुळे परिसरात शोककळा पसरली असून कुटुंबियांवर दुःखाचा डोंगर कोसळला आहे. मल्हार अनमोल रंगारी (वय 11) अस या मृतक मुलांचं नाव आहे. घरात खेळत असताना खिडकीला बांधलेला पट्टा गळ्यात टाकल्याची प्राथमिक माहिती समोर आली आहे.
Nagpur News: आई वडील घरी नसताना चिमुकल्यासोबत आक्रीत घडलं
मिळालेल्या माहितीनुसार, चाके असलेल्या खुर्चीवर उभा असताना तोल गेल्याचा प्राथमिक अंदाज व्यक्त केला जात आहे. तर खुर्ची सरकल्याने गळ्यातील पट्टा आवळला गेल्याने हि घटना घडली असावी असा अंदाज आहे. घटनेवेळी आई-वडील नोकरीवर असल्याने मुलगा घरात एकटाच होता. त्यावेळी हि घटना घडलीय. तर हि घटना अपघाती स्वरूपाची असल्याचा पोलिसांचा प्राथमिक अंदाज असून प्रतापनगर पोलिसांनी अकस्मात मृत्यूची नोंद केली आहे. सध्या पोलीस अधिक तपास करत आहे. मात्र घरातील मुलांच्या सुरक्षेबाबत पालकांनी विशेष काळजी घेण्याची गरज या निमित्याने अधोरेखित केली जात आहे.
Nagpur Crime News: तीन देशी पिस्तूल, जिवंत काडतुस आणि तलवारसह शस्त्रसाठा जप्त आरोपील बेड्या
नागपूर पोलिसांनी दाभा परिसरात धाड टाकून तीन देशी पिस्तूल, जिवंत काडतुस आणि तलवार असा शस्त्रसाठा जप्त केल्याची माहिती समोर आली आहे. याप्रकरणी अब्बास सय्यद खान आणि ऋत्विक नाईक या दोन आरोपींना अटक करण्यात आली आहे. आरोपी अब्बास हा दाभा रिंग रोडवरील एका कॅफेमध्ये देशी पिस्तुलासह थांबला असून गंभीर गुन्ह्याच्या तयारीत असल्याची माहिती पोलिसांना मिळाली होती. या गुप्त माहितीच्या आधारे पोलिसांनी तात्काळ छापा टाकून अब्बासला ताब्यात घेतले आणि त्याच्याकडून एक देशी पिस्तूलसह जिवंत काडतुस आणि तलवार, चाकू जप्त करण्यात आली. सध्या पोलीस या प्रकरणाचा अधिक तपास करत आहे. मात्र या घटनेने परिसरात मोठी खळबळ उडाली आहे.
मिळालेल्या माहितीनुसार, अब्बास हा सराईत गुन्हेगार असून 2022 मधील वाडी हत्याकांड प्रकरणात त्याचे नाव समोर आले होते. त्यानंतर त्याच्यावर मकोका अंतर्गतहि कारवाई करण्यात आली होती. परिणामी सध्या पोलीस या प्रकरणाचा सखोल तपास करत आहे.
इतर महत्वाच्या बातम्या
महत्त्वाच्या बातम्या
