Crime News: मुंबई: चाकूचा धाक दाखवून युवतीवर बलात्कार; धारावीत खळबळ

Crime News Mumbai: घरात घुसून दोन अज्ञात व्यक्तींनी एका 19 वर्षीय विवाहितेवर बलात्कार केला असल्याची घटना धारावीमध्ये उघडकीस आली आहे.

Crime News: मुंबई: चाकूचा धाक दाखवून युवतीवर बलात्कार; धारावीत खळबळ

Mumbai Crime News : चाकूचा धाक दाखवून एका 19 वर्षीय युवतीवर बलात्कार झाल्याची धक्कादायक घटना समोर आली आहे. मुंबईतील धारावी परिसरात ही घटना घडली. दोन अज्ञात व्यक्तींनी घरात घुसून या महिलेवर बलात्कार केला. आरोपींनी बलात्काराचा व्हिडीओ रेकोर्ड केला असल्याचेही पीडितेने पोलिसांना सांगितले. 

मंगळवारी सायंकाळी 4.30 वाजण्याच्या सुमारास ही घटना घडली. पीडित युवती ही विवाहित आहे. दुपारी युवती झोपली होती. त्यावेळी तिचे सासरे दरवाजा न लावता घराबाहेर पडले. त्यानंतर सायंकाळी 4.30 वाजण्याच्या सुमारास दोन अज्ञात व्यक्ती घरात घुसल्या. या आरोपींनी चाकूचा धाक दाखवून पीडितेवर बलात्कार केला. यावेळी एका आरोपीकडून या दुर्देवी घटनेचे मोबाइलवर चित्रीकरण सुरू होते. आरोपींनी आपली ओळख लपवण्यासाठी चेहऱ्यावर रुमाल बांधला होता. 

धारावी पोलिसांनी या प्रकरणी दोन अज्ञातांविरोधात गुन्हा नोंदवला आहे. या दोन अज्ञात आरोपींविरोधात पोलिसांनी भारतीय दंड विधान (IPC) कलम 376, 376 (ड), 425, 354,(A) 354(B), 354(D), 506(2) आणि माहिती-तंत्रज्ञान कायद्यातील कलम 67,67 (A),66(E) नुसार गुन्हा दाखल केला आहे. पोलिसांनी पीडितेचा जबाब नोंदवला असून तपास सुरू केला आहे. 

दोन अल्पवयीन मुलींवर अत्याचार 

दोन अल्पवयीन मुलींवर अत्याचार करण्यात आल्याची धक्कादायक घटना वसईमगध्ये घडली. चित्रपटात काम देण्याचे आमिष दाखवून मुलींवर अत्याचार करण्यात आला. पोलिसांनी या प्रकरणी गु्न्ह्याची नोंद केली आहे. आरोपीने एक वर्षापूर्वी दोन अल्पवयीन मुलींना वसईमधील जंगलात नेत त्यांच्यावर अत्याचार केला. आरोपीने मुलींचे आक्षेपार्ह फोटो सोशल मीडियावर व्हायरल करण्याची धमकी देत 70 हजार रुपयांची मागणी केली असल्याचे पीडित मुलींनी सांगितले.

इतर महत्त्वाच्या बातम्या: