धक्कादायक! धारधार शस्त्रानं वार करत पतीनं केली पत्नीची हत्या, मिरा रोड हादरलं

मिरा रोडच्या (Meera Road) नयागर पोलीस ठाण्याच्या (Nayanagar Police Station) मागे एन.एच. शाळेजवळ पतीने आपल्या पत्नीची धारधार शस्त्रानं वार करुन हत्या केल्याची घटना घडली आहे.

Husband killed his wife in Mumbai meera road

Source : Husband killed his wife in Mumbai meera road

Crime News: मिरा रोडच्या (Meera Road) नयागर पोलीस ठाण्याच्या (Nayanagar Police Station) मागे एन.एच. शाळेजवळ पतीने आपल्या पत्नीची धारधार शस्त्रानं वार करुन हत्या केल्याची घटना घडली आहे. भर दुपारी झालेल्या या हत्येनं मिरा रोड हादरलं आहे. स्थानिक नागरीकांनी आरोपी पतीला तात्काळ पोलिसांच्या स्वाधीन केलं आहे. नदीम अहमद खान असं 32 वर्षीय आरोपी पतीचं नाव आहे. तर अमरीन खान असं 36 वर्षीय मयत पत्नीचं नाव आहे. 

गेल्या वर्षभरापासून पती पत्नीचा कौटुंबिक वाद

गेल्या वर्षभरापासून पती पत्नीचा कौटुंबिक वाद होता. यांना दोन मुलं आहेत. एकाचं वय 12 तर दुसऱ्याचं वय 2 वर्ष आहे. दोन्ही मुलं वडिलांकडे रहातात.  सध्या हा कौटुंबिक वाद न्यायालयात सुरु आहे. अमरीन नं आपल्या 2 वर्षाच्या मुलाचा ताबा मिळवण्यासाठी न्यायालयाचे दरवाजे ठोठावले होते. न्यायलयाने पोलीस बंदोबस्तात मुलाच ताबा वडिलांकडून घेण्याचे आदेश दिले होते. काल ती पोलिसांना घरी घेवून गेली असताना, तिला मुलं मिळाली नाहीत. दोन्ही मुलं आई बरोबर अजमेरला गेल्याच आरोपी पतीने सांगितलं होतं. मात्र, आज ती एकटीच मुलगा शाळेत गेला आहे का? हे बघण्यासाठी एन.एच. शाळेजवळ गेली होती. यावेळी तिथं नदीम आणि तिच्यात जोराचं भांडण झालं आणि नदीमनं तिच्यावर धारधार शस्त्राचे वार करुन, तिला ठार मारलं. पोलीसांनी आरोपीला पकडून गुन्हा नोंद करण्याची प्रक्रिया सुरु केली आहे. 

महत्वाच्या बातम्या: