![ABP Premium](https://cdn.abplive.com/imagebank/Premium-ad-Icon.png)
हृदयद्रावक! कॅन्सरच्या उपचाराला पैसे नसल्यानं पती-पत्नीनं आयुष्य संपवलं; 12 वर्षीय मुलीलाही विष दिलं, नागपुरातील खळबळजनक घटना
Nagpur Crime: कॅन्सरच्या उपचाराला पैसे नसल्यानं पती-पत्नीनं आयुष्य संपवलं, 12 वर्षीय मुलीलाही विष दिलं, नागपुरातील खळबळजनक घटना
![हृदयद्रावक! कॅन्सरच्या उपचाराला पैसे नसल्यानं पती-पत्नीनं आयुष्य संपवलं; 12 वर्षीय मुलीलाही विष दिलं, नागपुरातील खळबळजनक घटना Husband and wife ended their lives because they couldn't afford cancer treatment 12 year old girl was also poisoned sensational incident in Nagpur Crime News in Marathi हृदयद्रावक! कॅन्सरच्या उपचाराला पैसे नसल्यानं पती-पत्नीनं आयुष्य संपवलं; 12 वर्षीय मुलीलाही विष दिलं, नागपुरातील खळबळजनक घटना](https://feeds.abplive.com/onecms/images/uploaded-images/2024/07/06/ada437b0009026ffdc9596a5e3b1070e172022814719288_original.jpg?impolicy=abp_cdn&imwidth=1200&height=675)
Nagpur Crime News Updates: नागपूर : कॅन्सर पीडित (Cancer Symptoms) पत्नीच्या उपचारासाठी केरळ (Kerala) राज्यातून नागपूरला (Nagpur Crime) आलेल्या एका दाम्पत्यानं 12 वर्षीय मुलीला विष देऊन स्वतः आत्महत्या केल्याची खळबळजनक घटना नागपूर शहरातील जरीपटका पोलीस ठाणे (Jaripatka Police Station) हद्दीतील विजयश्री नगर येथे घडली आहे. या घटनेमध्ये दाम्पत्याचा मृत्यू झाला असून त्यांची 12 वर्षांची मुलगी मात्र बचावली आहे. तिच्यावर इंदिरा गांधी शासकीय वैद्यकीय महाविद्यालय, रुग्णालय (मेयो) येथे उपचार सुरू आहेत.
रीजु विजयन उर्फ विजय नायर (45) आणि प्रिया रीजु नायर (34) असं आत्महत्या करणाऱ्या दाम्पत्याचं नाव आहे. आत्महत्या प्रकरणाचा जरीपटका पोलीस तपास करत आहेत.
प्रिया रीजु नायर यांना रक्ताचा कर्करोग या दुर्धर आजारानं ग्रासलं होतं. रीजु नायर यांनी प्रिया नायर यांच्यावर केरळ येथील रुग्णालयात उपचार केले. मात्र, उपचारात फारसा फायदा होत नसल्यामुळे रीजु नायर हे पत्नी प्रिया आणि मुलगी वैष्णवीला घेऊन नागपूर शहरात आले. दोन महिन्यांपासून ते नागपूर मुक्कामी होते. नागपुरातील एका खासगी पण महागड्या रुग्णालयात उपचार सुरू होते. दर आठवड्यात हजारो रुपयांचा खर्च उपचारात होत असल्यानं रीजु नायर आर्थिक विवंचनेत सापडले होते. पत्नीच्या उपचारात जवळील सर्व जमा पैसे संपल्यनंतर डोक्यावर कर्जाचा डोंगर तयार झाला होता. सध्या उपचार सुरू असताना डॉक्टरांनी सांगितलेली औषधं घेण्यासाठी पैसे शिल्लक नव्हते. त्यामुळेचं रीजु नायर यांनी पत्नी आणि मुलीला शीतपेयातून विष दिलं आणि स्वतः ही विषयुक्त शीतपेय पिऊन आत्महत्या केली. मात्र, रीजु नायर यांची 12 वर्षीय मुलगी थोडक्यात बचावली आहे.
रीजु नायर यांनी पत्नी प्रियाला शीतपेयामध्ये विष घालून पिण्यासाठी दिलं, त्यानंतर तेचं शीतपेय 12 वर्षीय मुलगी वैष्णवीला दिल्यानंतर स्वतःही विष प्राशन केलं. वैष्णवीनं ते कोल्डड्रिंक पिल्यानंतर काही वेळात तिनं उलट्या केल्या, त्यामुळे पोटात गेलेलं विष बाहेर पडलं आणि ती थोडक्यात बचावली. सध्या तिच्यावर नागपूरच्या इंदिरा गांधी शासकीय वैद्यकीय महाविद्यालय, रुग्णालयात उपचार सुरू आहेत.
घटनेची माहिती मिळताच पोलिसांनी तात्काळ घटनास्थळी धाव घेतली. रीजु नायर यांच्या पत्नी प्रिया नायर यांच्या आधारकार्डवर कोल्हापूरचा पत्ता असल्याचं पाहायला मिळालं. जरीपटका पोलिसांनी घटनास्थळाची पहाणी केली असता त्यांना तिथे मृतक रीजु नायर आणि प्रिया नायर यांचे आधारकार्ड आढळलं. त्यावर प्रिया यांच्या आधारकार्डवर कोल्हापूर जिल्ह्यातील आंबेवाडी येथील निवासी पत्त्याची नोंद असल्याचं आढळलं. सध्या पोलीस याप्रकरणी अधिक तपास करत आहेत.
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)