Goa Airport : बॅगमध्ये 28 आयफोन आणि पँटमध्ये सुमारे 4 कोटींचं सोनं, दुबईहून तस्करी करणाऱ्या तीन जणांना अटक जप्त; मोपा विमानतळावर मोठी कारवाई
Goa iPhone and Gold Seized Airport : गोव्यातील मोपा विमानतळावरून 28 आयफोन आणि सुमारे चोर कोटींचं सोनं जप्त केलं आहे.
Goa Mopa Airport : गोवा विमानतळावर (Goa Airport) सोने तस्करी (Gold Smuggling) विरोधात मोठी कारवाई करण्यात आली आहे. गोव्यातील मोपा विमानतळ (Goa Mopa Airport) येथे 28 आयफोन (iPhone Seized) आणि सुमारे चार कोटींचं सोनं (Gold Seized) जप्त करण्यात आलं आहे. डीआरआय गोवा विभागाने गोव्याच्या मोपा येथील मनोहर आंतरराष्ट्रीय विमातळावर तस्करीप्रकरणी मोठी कारवाई केली आहे. याप्रकरणी तीन प्रवाशांना अटक करण्यात आली आहे. या प्रवाशांच्या बॅगमध्ये आयफोन आणि सोनं आढळून आल्याने ही कारवाई करण्यात आली आहे.
28 आयफोन आणि सुमारे 4 कोटींचं सोनं जप्त
गोव्यातील मोपा येथील मनोहर आंतरराष्ट्रीय विमातळावर डीआरआय गोवा विभागाच्या अधिकाऱ्यांनी तस्करीप्रकरणी मोठी कारवाई केली आहे. या कारवाईत तीन प्रवाशांकडून 3 कोटी 92 लाखांचा मुद्देमाल जप्त करण्यात आला. अबुधाबीहून गोव्यातील मनोहर आंतरराष्ट्रीय विमानतळावर आलेल्या एका विमानातील तीन प्रवाशांची तपासणी केली. या तपासणी दरम्यान डीआरआय अधिकाऱ्यांना चेक-इन केलेल्या बॅगमध्ये एका पॅकेटमध्ये आयफोन गुंडाळलेले सापडले. तर सोन्याची पेस्ट एका प्रवाशाच्या कमरेकडे लपवून ठेवली होती.
तीन प्रवाशांना अटक, पुढील चौकशी सुरु
तीनही प्रवाशांना बेकायदेशीररित्या सात किलो सोन्याची पेस्ट आणि आयफोनची तस्करीकेल्याप्रकरणी अटक करण्यात आली. तसेच हा मुद्देमाल जप्त करण्यात आला आहे. मुंबई आणि दुबई दरम्यान कार्यरत असलेल्या सोन्याच्या तस्करी रॅकेटचा भाग असल्याचा डीआरआयला संशय असल्याने त्यांची करून चौकशी केली जात आहे.
87 लाखांच्या सोन्यासह दोघांना अटक
याआधी नागपूर विमानतळावर अशी कारवाई करण्यात आली होती. नागपूर विमानतळावर (Nagpur Airport) सोन्याची तस्करी करण्याचा प्रकार समोर आला आहे. कस्टम विभागानं नागपूर विमानतळावर कतारवरुन आलेल्या दोन जणांना अटक केली आहे. त्यांच्याकडून 87 लाखांचं सोनं जप्त करण्यात आलं आहे. मोहम्मद शाहिद आणि पीरबाबा सौदागर अशी अटक केलेल्या दोघांची नावं आहेत. हे दोघेही कर्नाटकचे रहिवासी आहेत.
असा झाला तस्करीचा भांडाफोड
डीआरआय गोवा विभागाकडून मिळालेल्या माहितीनुसार, मोपा विमानतळावरून तस्करी होणार असल्याची माहिती गुप्त माहिती सुत्रांकडून मिळाली होती. त्यानंतर केंद्रीय महसूल गुप्तचर संचालनालयाच्या (डीआरआय) अधिकाऱ्यांनी ही कारवाई केली आहे. तिघे आरोपी अबूधाबीहून गोवा प्रवास करत होते. या आरोपींच्या बॅगमध्ये आयफोन गुंडाळलेले होते, त्याशिवाय कपड्यांमध्ये कमरेकडे सोन्याची पेस्ट लपवून ठेवली होती.
महत्त्वाच्या इतर बातम्या :
Nagpur : सोने तस्करीसाठी अनोखी शक्कल, कॉफी मेकर मशिनमधून आणले दोन कोटी रुपयांचे सोने
महत्त्वाच्या बातम्या
