Satara Crime: साताऱ्यात एकाच कुटुंबातील चौघांचा विजेचा धक्का लागून अंत, एकमेकांना वाचवण्याच्या नादात सगळेच चिकटले
Satara Crime: एकमेकांना वाचवण्याच्या नादात कुटुंबातील इतर सदस्य पुढे सरसावले, पण काळानं त्यांच्यावरही घाला घातला. एकमेकांना वाचवण्याच्या प्रयत्नात या चारही जणांचा जागीच मृत्यू झाला.
Satara Crime: सातारा जिल्ह्यात अत्यंत धक्कादायक आणि मन सुन्न करणारी घटना घडली आहे. फलटण तालुक्यातील खामगाव येथे विजेचा तीव्र धक्का लागून एकाच कुटुंबातील चार जणांचा जागीच मृत्यू झाला. हे सर्व मृत व्यक्ती पारधी समाजातील एकाच कुटुंबातील असून, या दुर्दैवी घटनेमुळे संपूर्ण सातारा जिल्ह्यात मोठी हळहळ व्यक्त केली जात आहे. घरासमोरील विद्युत केबलच्या उघड्या तारेला एकाचा स्पर्श झाला. एकमेकांना वाचवण्याच्या नादात कुटुंबातील इतर सदस्य पुढे सरसावले, पण काळानं त्यांच्यावरही घाला घातला. एकमेकांना वाचवण्याच्या प्रयत्नात या चारही जणांचा जागीच मृत्यू झाला.
मृतांमध्ये दोन महिला आणि दोन पुरुषांचा समावेश आहे. मृतांची नावे किसोरडे शिंदे, सचिन शिंदे, गगाया शिंदे आणि अर्चना शिंदे अशी आहेत. घटनेची माहिती मिळताच फलटण पोलीस तातडीने घटनास्थळी दाखल झाले असून पुढील तपास सुरू आहे. महावितरणच्या कारभारावर आणि सुरक्षेवर आता स्थानिक पातळीवरून मोठे प्रश्नचिन्ह उपस्थित केले जात आहेत.
इतर महत्वाच्या बातम्या
महत्त्वाच्या बातम्या
