Bhiwandi Crime : भिवंडीत बंटी बबलीकडून मैत्रिणीचा विश्वासघात; पाहुणी म्हणून येऊन केलं असं काम की...
Bhiwandi Crime News : मैत्रीण म्हणून आलेल्या 'बंटी बबली'नं आपल्या मैत्रिणीचाच विश्वासघात केल्याचं समोर आलं आहे. भिवंडीत ही घटना घडली आहे.
Bhiwandi Crime News : एका महिलेची मैत्रीण असलेल्या 'बंटी बबली'नं आपल्या मैत्रिणीचाच विश्वासघात केल्याचं समोर आलं आहे. घरात ठेवलेले 6 लाख 83 हजार रुपयांचे 42 तोळे सोने व 90 हजार रोख असा 7 लाख 73 हजार रुपयांची चोरी करून पळून गेलेल्या बबलीला नारपोली पोलीसांनी गोवा येथून ताब्यात घेतले आहे. मोनालीशा पंकज रॉय असं अटक केलेल्या बबलीचे नाव असून तिचा लिव्ह इन रिलेशनमध्ये राहणारा पार्टनर प्रेमचंद भारती फरार आहे.
कशेळी येथील एका इमारतीमध्ये दिशा रवींद्र लखाणी या वास्तव्यास असून त्यांची मैत्रीण मोनालीशा पंकज रॉय व तिचा पती बनून आलेला प्रेमचंद भारती हे फ्लॅट भाड्याने घेण्यासाठी येऊन पाच दिवस तिच्यासोबत तिच्याच फ्लॅटमध्ये राहिले. त्या दरम्यान एका रात्री चौघांनी पार्टी करून मद्यसेवन केले असता त्याचा फायदा घेत बंटी बबली यांनी दिशा लखाणी यांच्या कपाटातील लॉकरमध्ये ठेवलेली रोख रक्कम व सोन्याचे दागिने चोरी करून दोघांनी दुसऱ्या दिवशी तिथून पळ काढला.
दुसऱ्या दिवशी चोरी झाल्याचे महिलेच्या लक्षात आल्यावर तिनं नारपोली पोलीस ठाण्यात याबाबत तक्रार दाखल केली. नारपोली पोलिस ठाण्याचे वरिष्ठ पोलिस निरीक्षक मदन बल्लाळ यांच्या नेतृत्वाखाली पोलीस पथकाने गुप्त बातमीदार व तांत्रिक माहितीच्या आधारे तपास केला असता आरोपी हे गोवा येथे असल्याचे निष्पन्न झाले.
पोलीस पथकाने तात्काळ तिथे जात महिला आरोपी मोनालीशा पंकज रॉय हिला मरोर, सालीगाव गोवा येथून ताब्यात घेतले. तिच्या जवळून 26 तोळे सोन्याचे दागिने जप्त करण्यात यश मिळवले असून नारपोली पोलीस फरार आरोपी प्रेमचंद भारती याचा शोध घेत आहे. महिला आरोपीस 9 एप्रिलपर्यंत पोलीस कोठडी ठोठावण्यात आली आहे.
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या इतर बातम्या :
महत्त्वाच्या बातम्या
