Bhiwandi Crime News : ऑनलाइन फसवणूक करणाऱ्या टोळीचा पर्दाफाश; 12 मोबाईल, 12 डेबिट कार्ड अन् 17 चेक बुकसह अनेक कारनामे उघड
Bhiwandi Crime News: भिवंडी (Bhiwandi Crime News) शहरातील शांतीनगर पोलिसांनी ऑनलाईन फसवणूक करणाऱ्या पाच जणांच्या टोळीचे (Crime News) कारनामे उघड करण्यात आले आहे.
भिवंडी : सध्या अँड्रॉइड मोबाईलच्या माध्यमातून अनेकांची ऑनलाईन फसवणूक करण्यात आल्याचे अनेक प्रकार पुढे आले आहेत. यामध्ये अशिक्षितांसोबतच सुशिक्षित सुद्धा फसवले जात असतानाच भिवंडी (Bhiwandi Crime News) शहरातील शांतीनगर पोलिसांनी ऑनलाईन फसवणूक करणाऱ्या पाच जणांच्या टोळीचे (Crime News) कारनामे उघड करण्यात आले आहे. यामध्ये दोन अल्पवयीन आरोपी असल्याने तिघा जणांना अटक केली असून त्यांच्या जवळून 9 मोबाईल,12 डेबिट कार्ड,17 चेक बुक असा मुद्देमाल हस्तगत करण्यात यश मिळाले आहे. याबाबतची माहिती शांतीनगर पोलीस ठाण्याचे वरिष्ठ पोलीस निरीक्षक विनायक गायकवाड यांनी पत्रकार परिषदेत दिली आहे.
अनेक राज्यातून ऑनलाईन रक्कम ट्रान्सफर
पोलिसांनी दिलेल्या माहितीनुसार, फातिमा नगर येथे काही इसम वेगवेगळ्या लोकांच्या नावाने बँक खाते उघडून ऑनलाइन फसवणूक करून त्यांचे बँक खात्यात पैसे आल्यानंतर पैसे काढून लोकांचे फसवणूक करत होते. या बाबतची माहिती पोलिसांना गुप्त बातमीदाराकडून मिळाली. त्यानंतर सहाय्यक पोलीस निरीक्षक सुरेश चोपडे यांच्या नेतृत्वाखालील पोलीस पथकाने फातिमानगर परिसरातून अब्दुल रब अब्दुल अहाद अन्सारी ( वय 23), आतिक अहमद अन्सारी (वय 20), मोहम्मद बशर जकी उल्ला अन्सारी (20) यांसह दोन अल्पवयीन अशा पाच जणांना ताब्यात घेऊन कसून चौकशी केली असता, त्यांच्याकडील बँक खात्याची माहिती राष्ट्रीय सायबर अपराध रिपोर्टिंग पोर्टल तपासणी केली.
3 जणांना अटक; 12 मोबाईल,12 डेबिट कार्ड,17 चेक बुक हस्तगत
दरम्यान, आरोपींकडून हस्तगत केलेल्या बँक खात्यात भारतातील वेगवेगळ्या शहरामधील,देहेरी पोलीस स्टेशन बिहार राज्य, तामिळनाडू कोईमतुर, तामिळनाडू, भिवडी पोलीस स्टेशन राजस्थान, नारायणपुरा पोलीस स्टेशन अहमदाबाद, हिन्नूर पोलीस स्टेशन बेंगलोर, कर्नाटक या ठिकाणाहून त्यांच्या बँक खात्यात ऑनलाईन रक्कम ट्रान्सफर झाल्याने बँक खाते फ्रीज करण्यात आल्याची माहिती मिळाली.
बँक खात्यांमध्ये सुमारे 35 लाख रुपये रक्कम वर्ग
ताब्यात घेतलेले इसम हे ऑनलाइन फसवणूक करणारे असल्याची खात्री झाल्याने त्यांच्या जवळील आठ बँक खात्याची माहिती प्राप्त झाली आहे. त्यानुसार आरोपींच्या बँक खात्यांमध्ये सुमारे 35 लाख रुपये रक्कम वर्ग झाली व त्यानंतर आरोपींनी ही रक्कम तत्काळ बँक खात्यातून काढून घेतल्याचे निष्पन्न झाले आहे. पोलिसांनी या पाच आरोपींविरोधात शांतीनगर पोलीस ठाण्यात गुन्हा दाखल करून तिघा जणांना अटक केली आहे. आरोपींजवळील उर्वरित बँक खात्याची तपासणी करून फसवणूक केलेली रक्कम अजून वाढण्याची शक्यता असल्याची माहिती वरिष्ठ पोलीस निरीक्षक विनायक गायकवाड यांनी दिली आहे.
हे ही वाचा
महत्त्वाच्या बातम्या
ट्रेंडिंग न्यूज
