Beed Crime : अंबाजोगाईत भररस्त्यात धारदार शस्त्रानं जावयाकडून सासूची हत्या, आरोपी पसार
बीडमध्ये सासूच्या डोळ्यात मिरची पूड टाकत जावयानं धारदार शस्त्रानं तिच्यावर हल्ला केला आहे. या घटनेत सासूचा जागेवरच मृत्यू झाला असून तिच्यासोबतच्या व्यक्तीवरही जावयानं हल्ला केला. या घटनेत ही व्यक्ती गंभीर जखमी झाली आहे.

बीड : जिल्ह्यातील केज तालुक्यात साळेगाव येथे एक धक्कादायक घटना घडली आहे. साळेगाव येथे महामार्गावर चाळीस वर्षीय सासूचा तिच्या जावायानेच खून केला. सासूच्या डोळ्यात मिरची पूड टाकून धारदार कोयत्याने तिच्या मानेवर आणि हातावर जावयाने सपासप वार केले. दरम्यान, या महिलेसोबत असलेला एक व्यक्ती गंभीर जखमी झाला आहे. त्याच्यावर अंबेजोगाई येथील शासकीय रुग्णालयात उपचार सुरु आहेत. तर आरोपी मात्र पसार झाला आहे.

धायगुडा पिंपळा तालुका अंबाजोगाई येथील लोचना उर्फ सुलोचना माणिक धायगुडे आणि तिच्या नात्यातील अंकुश दिलीप धायगुडे हे लोचना यांचा जावई अमोल इंगळे यांना भेटण्यासाठी गेले होते. परंतु, त्यांची भेट झाली नाही. त्यामुळे ते घरी परतत होते. घरी जात असताना साळेगाव येथील केज-कळंब महामार्गावरील संताजी हॉटेल समोर दोघेही थांबले. तिथेच त्यांचा जावई अमोल त्यांना भेटण्यासाठी आला. यावेळी या तिघांमध्ये कडाक्याचं भांडण झालं. त्यानंतर अंकुश धायगुडे यांच्या मोटरसायकलवर बसून लोचना धायगुडे केज मार्गे अंबाजोगाईकडे जाण्यास निघाल्या. परंतु, संतापलेल्या जावयानं सासूच्या डोळ्यात मिरचीची पूड टाकून धारदार कोयत्यानं तिच्यासोबत असलेल्या व्यक्तीच्या हातावर वार केले. या झटापटीत सासू मोटरसायकलवरुन खाली पडली. त्यानंतर संतापलेल्या जावयानं तिच्या मानेवर धारदार कोयत्यानं वार केले.
दरम्यान, संतापलेल्या जावयानं कोयत्यानं वार केल्यामुळं सासूचा जागीच मृत्यू झाला आहे. तर तिच्यासोबत असणारी व्यक्ती या मारहाणीत गंभीर जखमी झाली आहे. या व्यक्तीवर अंबेजोगाई येथील शासकीय रुग्णालयात उपचार सुरु आहेत. हत्या केल्यानंतर मृत महिलेचा जावई अमोल इंगळे मात्र घटनास्थळावरुन पसार झाला आहे. मृत महिला आणि तिच्यासोबतची व्यक्ती ज्या मोटरसायकलवरुन आले होते. तिच गाडी घेऊन आरोपीनं घटनास्थळावरुन पोबारा केला आहे. याप्रकरणी पोलीस अधिक तपास करत असून आरोपीचाही शोध सुरु आहे.
महत्त्वाच्या इतर बातम्या :
- मुंबईत रस्त्यावर विनामास्क क्रिकेट खेळणाऱ्या 20 वर्षीय मुलाला कोर्टानं जामीन नाकारला
- पुण्यातील बोगस डॉक्टर मुळचा नांदेडचा रहिवाशी, दोन वर्षांपासून चालवत होता 22 बेडचं हॉस्पिटल
- गरिबीचे नाटक करून चार तरुणांशी लग्न करून फसवणूक करणारी नवरी गजाआड, भिवंडीतील धक्कादायक प्रकार
Before You Go
Kurla Phoenix Mall Mumbai Crime News: पैसे मागितले, काही उर्दुमध्ये बोलत होते; कुर्ला तरुण-तरुणी मारहाण प्रकरणावर प्रत्यक्षदर्शी महिलेची धक्कादायक माहिती, VIDEO





















