Badlapur News : बदलापूर प्रकरणाचा तपास IPS आरती सिंह करणार, राज्य सरकारची SIT स्थापन
Badlapur School Girl Abused Case : बदलापूरमधील एका शाळेतील सफाई कारमगाराने दोन अल्पवयीन मुलींवर अत्याचार केल्याची घटना घडली. त्या आरोपीला फाशी द्यावी अशी मागणी लोकांनी केली आहे.
ठाणे : मुंबईसह राज्याला हादरवून टाकणाऱ्या बदलापूर शाळकरी मुलींच्या अत्याचार प्रकरणी तपासासाठी राज्याच्या गृहखात्याने SIT स्थापन केली आहे. ज्येष्ठ आयपीएस अधिकारी आरती सिंह यांच्या नेतृत्वाखाली ही SIT स्थापन करण्यात आली आहे. या प्रकरणाचा तपास लवकरात लवकर करून दोषींवर कठोर कारवाई करण्याचे आदेश गृहमंत्री देवेंद्र फडणवीस यांनी पोलिसांना दिले आहेत.
बदलापूर येथील दुर्दैवी घटनेची चौकशी करण्यासाठी उपमुख्यमंत्री देवेंद्र फडणवीस यांनी पोलिस महानिरीक्षक दर्जाच्या वरिष्ठ IPS अधिकारी आरती सिंग (IPS Arti Singh) यांच्या अध्यक्षतेखाली SIT गठित करण्याचे आदेश दिले आहेत. दोषींवर कठोरातील कठोर कारवाई करण्यासाठी, हा खटला जलदगती न्यायालयात चालविण्यासाठी आजच प्रस्ताव सादर करण्याचे आदेश ठाणे पोलिस आयुक्तांना सुद्धा त्यांनी दिले आहेत.
पोलिसांचा हलगर्जीपणा
बदलापूर प्रकरणामध्ये पोलिसांनी तक्रार दाखल करून घेण्यास टाळाटाळ केल्याचं समोर आलं. तक्रार दाखल करण्यासाठी आलेल्या पालकांना पोलिसांनी 12 तास ताटकळत ठेवण्यात आल्याचंही समोर आलं. त्यामुळे पोलिसांनी या प्रकरणात हलगर्जीपणा दाखवल्याचं समोर आलं.
बदलापूर स्टेशनवर आंदोलक जमा झाले असून त्यांनी या प्रकरणातील आरोपीला फाशी द्यावी अशी मागणी केली आहे.
Badlapur School Girls Sexually Abused : नेमकी घटना काय?
1 ऑगस्टला 24 वर्षीय आरोपीची शाळेत नेमणूक झाली. त्याच्यावर लहान मुलींना वॉशरूमला नेण्याची जबाबदारी देण्यात आली होती. अल्पवयीन मुलींसोबत 12 आणि 13 ऑगस्टला घृणास्पद कृत्य घडल्याचं एका मुलीने सांगितलं. गुरूवार 14 ऑगस्ट रोजी पीडित 4 वर्षीय दोन मुलींपैकी एकीने तिच्या आजोबांकडे तिने आपल्या प्रायवेट पार्टजवळ त्रास होत असल्याचं सांगितलं, तेच तिने तिच्या आईकडेही सांगितलं.
घाबरलेल्या पालकांनी दुसऱ्या पीडित मुलीच्या पालकांशी संपर्क साधला. त्यांनीही आपल्या मुलीनेही शाळेत जाण्यास नकार देत असल्याचं सांगितलं. ज्यातून पुढे तिच्यासोबत असंच काहीतरी घडल्याची शंका व्यक्त केली. त्यानंतर त्यांनी एका खासगी डॉक्टरच्या माध्यमातून वैद्यकीय तपासणी केली असता डॉक्टरने दोन्ही मुलींसोबत लैंगिक अत्याचार झाला असल्याचं सांगितलं.
पोलीस ठाण्यात तक्रार करण्यासाठी गेलेल्या मुलींच्या पालकांना तब्बल 12 तास ताटकळत ठेवण्यात आलं होतं. पोलीस प्रशासनाविरोधात संताप व्यक्त होताच वरिष्ठ पोलीस निरीक्षक शुभदा शितोळे यांची तडकाफडकी बदली करण्यात आली. तसेच बदलापूर पोलीस ठाण्यात दोन नवीन पोलीस निरीक्षक दर्जाच्या अधिकाऱ्यांची नियुक्ती करण्यात आली.
शाळेचा बेजाबाबदारपणा, हैवानाने गैरफायदा घेतला
बदलापूरमधील एका नावाजलेल्या शाळेत शिकणाऱ्या दोन अल्पवयीन मुलींवर अत्याचार झाल्याची घटना घडली आहे. यातील एक चिमुकली चार वर्षांची, तर दुसरी सहा वर्षांची असल्याची माहिती मिळत आहे. शाळेत सफाई कामगार म्हणून रूजू झालेल्या अक्षय शिंदे नावाच्या 23 वर्षांच्या नराधमानं चिमुकल्यांच्या अजाणतेपणाचा फायदा घेऊन त्यांच्यासोबत पाशवी कृत्य केलं. ही घटना 12 ऑगस्टची आहे. त्या दिवशी सकाळचे वर्ग सुरू असताना घडली.
बदलापूरमधील या शाळेत आरोपी अक्षय शिंदे 1 ऑगस्ट रोजी कंत्राटी पद्धतीनं कामावर रूजू झाला होता. त्याची गुन्हेगारी पार्श्वभूमी असतानाही शाळेने त्याला रूजू करून घेतल्याची माहिती समोर आली आहे. शाळेनं मुलींच्या स्वच्छतागृहांच्या सफाईसाठी शाळेनं महिला कर्मचाऱ्यांची नियुक्ती केली नाही. त्यामुळे सफाई कामगार म्हणून काम करणाऱ्या या आरोपीकडे चिमुकल्या मुलींना वॉशरूमला न्यायची जबाबदारीही देण्यात आली होती. मुलींच्या स्वच्छतागृहांची सफाई करणाऱ्या हैवानानं याच बहाण्यानं चिमुकल्यांचा गैरफायदा घेतला.
ही बातमी वाचा:
महत्त्वाच्या बातम्या
