धक्कादायक! माजी सरपंचावर भर रस्त्यात प्राणघातक हल्ला; कार अडकून अज्ञात हल्लेखोरांनी चक्क दोन्ही पाय तोडले
बीड जिह्यातील सरपंच संतोष देशमुख यांची हत्येचे प्रकरण राज्यभर गाजत असतानाच, ठाणे जिल्ह्यातही अजनुप ग्रामपंचायतीच्या माजी सरपंचावर भर रस्त्यात अज्ञात हल्लेखोरांकडून प्राणघातक हल्ला केल्याची घटना घडलीय.
ठाणे : बीड जिह्यातील सरपंच संतोष देशमुख यांची निर्घृण हत्येचे (Santosh Deshmukh Murder Case) प्रकरण राज्यभर गाजत असतानाच, ठाणे जिल्ह्यातही अजनुप ग्रामपंचायतीच्या माजी सरपंचावर भर रस्त्यात कार अडवून त्यांच्यावर अज्ञात हल्लेखोरांकडून प्राणघातक हल्ला केल्याची घटना समोर आली आहे. या धक्कादायक बाब म्हणजे या हल्यात माजी सरपंचाचे (Sarpanch) दोन्ही पाय तोडल्याने त्यांच्यावर कल्याण मधील एका खाजगी रुग्णालयात उपचार सुरू आहे. याप्रकरणी कसारा पोलीस ठाण्यात अज्ञात हल्लखोरांवर गुन्हा दखल करून पोलिसांनी त्यांचा शोध सुरू केला आहे. कदम उघडे असे हल्ल्यात गंभीर झालेल्या माजी सरपंचाचे नाव असून त्यांच्या कारची देखील तोडफोड करण्यात आली आहे.
अज्ञात हल्लेखोरांनी चक्क दोन्ही पाय तोडले
मिळालेल्या माहितीनुसार, ठाणे जिल्हातील शहापूर तालुक्यातील कसारा भागात अजनुप ग्रामपंचायत असून या अजनुप ग्रामपंचायतीचे माजी सरपंच कदम उघडा हे आपल्या कामानिमित्ताने घरून कार ने एकटेच काल (2 जानेवारी रोजी) सकाळी 10 वाजता निघाले होते. मात्र त्याच सुमारास अजनुप ग्रामपंचायतीच्या हद्दीत असलेल्या गायधरा गावाच्या माळरानातून कार जात असतानाच काही अज्ञात हल्लेखोरांनी त्यांची कार आडवली आणि कारवर दगडांचा मारा केला. त्यानंतर कारच्या आतमध्ये असलेले माजी सरपंच कदम उघडे यांना हल्लेखोरांनी कार बाहेर काढत बेदम मारहाण केली.
माजी सरपंच उघडे यांच्यावर हल्ला का?
या मारहाणीत माजी सरपंचाचे दोन पाय जब्बर मार लागल्याने त्यांना शहापूर येथील खाजगी रुग्णालयात दाखल केले. मात्र डॉक्टरांनी दोन पाय तुटल्याचे सांगितले यामुळे पुढील उपचारासाठी कल्याण येथे पाठवण्यात आले आहे. दरम्यान, याप्रकरणी कसारा पोलीस ठाण्यात गुन्हा दाखल केला असून अज्ञात हल्लेखोरांचा पोलीस शोध घेत आहे. माजी सरपंच उघडे यांच्यावर हल्ला का? आणि कशामुळं झाला याचे कारणही आरोपी पकडल्यानंतर समोर येणार असल्याचं सांगणात आले. या संदर्भात वरिष्ठ पोलीस निरीक्षक सुरेश गावित यांच्याशी संपर्क साधला असता लवकरच आरोपीला अटक केली जाणार असल्याचे सांगितले असून पुढील तपास कसारा पोलीस करत असल्याचेही सांगितले आहे.
हे ही वाचा
महत्त्वाच्या बातम्या
