Ashok Kharat : भोंदू खरातची पुण्यात 'माया', चेक नाही, फक्त कॅशने व्यवहार, मॉडेल कॉलनीत मुलीच्या नावे 1.20 कोटींचा आलिशान फ्लॅट, धक्कादायक माहिती उघड
Ashok Kharat : अशोक खरातने या फ्लॅटसाठी संबंधित बिल्डरला 1 कोटी 20 लाख रूपये रोख स्वरूपात दिले असल्याची माहिती देखील समोर आली आहे.
पुणे : नाशिकचा भोंदूबाबा अशोक खरातच्या (Ashok Kharat Case) नावे त्याच्या पत्नीच्या आणि निकटवर्तीयांच्या नावावरती मोठी मालमत्ता असल्याची माहिती तपासात समोर आली आहे, अशातच भोंदू खरातच्या (Ashok Kharat Case) मुलीच्या नावावरती देखील पुण्यातील मॉडेल कॉलनीत आलिशान इमारतीत 3 बीएचके फ्लॅट असल्याची माहिती समोर आली आहे. 24 रत्नम नावाच्या आलिशान सोसायटीत सातव्या मजल्यावर 1055 चौरस फुटांचा आलिशान ३ बीएचके फ्लॅट असल्याची माहिती समोर आली आहे. हा फ्लॅट 13 सप्टेंबर 2023 रोजी खरेदी केला असल्याची माहिती समोर आली आहे.(Ashok Kharat Case)
अशोक खरातने (Ashok Kharat Case) या फ्लॅटसाठी संबंधित बिल्डरला 1 कोटी 20 लाख रूपये रोख स्वरूपात दिले असल्याची माहिती देखील समोर आली आहे. सेल डीडमध्ये चेकने व्यवहार केल्याचा कुठलाही उल्लेख नाही. भोंदू अशोक खरातने (Ashok Kharat Case) लोकांना मोठ्या प्रमाणवर फसवून, घाबरवून पैसे घेऊन राज्यभरातील प्रमुख शहरांमध्ये स्थावर मालमत्ता घेतल्याचं समोर आलं आहे. पुण्यातील सर्वाधिक महागड्या समजल्या जाणाऱ्या मॉडेल कॉलनीत देखील आता त्याच्या मुलीच्या नावे आलिशान फ्लॅट असल्याचं समोर आलं आहे.
बारा लाखांचं उत्पन्न दाखवून आयकर भरायचा
भोंदू अशोक खरात केवळ बारा लाखांचं उत्पन्न दाखवून आयकर भरत होता. तर अशोक खरातची संपत्ती शेकडो कोटींच्या घरात असल्याची माहिती उघडकीस आली आहे. आयकर विभागाला अशोक खरातने कंपन्या, बांधकाम प्रकल्प हार्डवेअर व्यवसायात जीएसटी बुडवल्याचा देखील संशय आहे. आयकर विभागाकडून अशोक खरातवर मोठी कारवाई होण्याची शक्यता वर्तवली जात आहे. भोंदू अशोक खरातची संपत्तीची चौकशी देखील सुरू, खरातच्या CA ची अशोक खरात समोर काल झाली समक्ष चौकशी होणार आहे. भोंदू अशोक खरातला आज पुन्हा कोर्टात हजर केले जाणार आहे.
भोंदूची पत्नी फरार, मुलगा ताब्यात; रात्री खरातच्या घराबाहेर नाट्यमय घडामोडी
नाशिकमधील भोंदूबाबा अशोक खरात (Ashok Kharat) याला आज पुन्हा कोर्टात हजर केलं जाणार आहे. अशोक खरातची आज पोलीस कोठडी संपणार आहे. त्याच्याविरोधात नवनवीन तक्रारी दाखल होत आहेत. अशोक खरातने केलेलं लैंगिक शोषण, अनेकांना घातलेला आर्थिक गंडा आणि इतर अनेक कारनाम्यांची जंत्री वाढतच चालली आहे. त्यामुळे खरातची कोठडी एसआयटी कोर्टाकडे वाढवून मागणार आहेत.
अशोक खरातला आज नाशिक जिल्हा न्यायालयात हजर केले जाणार आहे. अशोक खरातवर दाखल असणाऱ्या अत्याचाराच्या पहिल्या गुन्ह्यात याधी तीनवेळा त्याला पोलीस कोठडी सूनवण्यात आली आहे. अशोक खरातला आज कोर्टात हजर करण्याआधी रात्री उशिरापर्यंत नाट्यमय घडामोडी घडत होत्या. शिर्डीत जमीन फसवणूक प्रकरणात अशोक खरातसह त्याच्या पत्नीवरही गुन्हा दाखल करण्यात आला. मात्र एसआयटीचे पथक खरातच्या घरी जाण्याअधीच खरातची पत्नी कल्पना खरात फरार झाली. तर खरातचा मुलगा हर्षवर्धन याला पोलिसांनी घरातून ताब्यात घेतले. (Ashok Kharat Case Nashik Crime News)
मुलासमोर अशोक खरातची चौकशी करणार
अशोक खरात तपासात सहकार्य करत नसल्यानं त्याच्या समोर मुलाची चौकशी होणार आहे. अशोक खरात सहकार्य करत नाही, स्पष्ट माहिती देत नसल्यानं तपास पुढे सरकत नसल्याची माहिती समोर येत आहे. अशोक खरातकडून अधिकाधिक माहिती गोळा करून त्याच्या पत्नीला अटक करण्याचं एसआयटीचे लक्ष आहे. सुरुवातीला लैंगिक शोषणाचा गुन्ह्याचा तपास करण्यावर एसआयटीचा भर असून त्यानंतर इतर गुन्ह्याचा तपास केला जाणार आहे. आज अशोक खरातला कोर्टात हजर केल्यानंतर सरकारी पक्ष काय बाजू मांडतात, याकडे सगळ्यांचं लक्ष लागलं आहे.
संबंधित बातमी:
महत्त्वाच्या बातम्या
