Ahilyanagar Crime News : संतापजनक! खाजगी शाळेच्या मुख्याध्यापकानं चक्क तिसरीतल्या चिमुकल्याच्या हाताचा चावा घेतला, अहिल्यानगरमध्ये गुन्हा दाखल
Ahilyanagar Crime News: अहिल्यानगर शहरात एका खाजगी इंग्रजी माध्यम शाळेच्या प्रिन्सिपलने इयत्ता तिसरी मध्ये शिक्षण घेत असलेल्या मुलाचा हाताचा चावा (Ahilyanagar Crime) घेतल्याची घटना समोर आलीये.
Ahilyanagar Crime News: अहिल्यानगर शहरातून एक खळबळजनक प्रकार समोर आला आहे. अहिल्यानगरच्या एका खाजगी इंग्रजी माध्यम शाळेच्या प्रिन्सिपलने इयत्ता तिसरी मध्ये शिक्षण घेत असलेल्या मुलाचा हाताचा चावा (Ahilyanagar Crime) घेतल्याची घटना समोर आलीये. त्यानंतर गळा दाबून जवळपास 20 सेकंद उचलून धरल्याचाही आरोप होतोय. याप्रकरणी नगर तालुका पोलीस ठाण्यात मुख्याध्यापक गौतम बहादुर्गे विरोधात गुन्हा दाखल करण्यात आला आहे. आठ वर्षीय शालेय विद्यार्थ्याचे वडील सोनल शेळके यांच्या तक्रारीवरून हा गुन्हा दाखल करण्यात आला आहे. आठ वर्षीय विद्यार्थी शाळेत गेले असताना त्याच्या वर्गातील वर्ग मित्रांचे आपसात भांडण सुरू होते. याबाबत त्या आठ वर्षीय विद्यार्थ्यांने आपल्या क्लास टीचर ज्योती यांना सांगितले. त्यावर शिक्षिकेने शाळेचे मुख्याध्यापक गौतम बहादुर्गे यांना बोलवून घेतले.
दरम्यान, मुख्याध्यापक आल्यानंतर त्यांनी जे विद्यार्थी आपसात भांडण करत होते त्यांचे कान पीळले आणि भांडणे कसे करतात हे मी तुम्हाला दाखवतो, असे म्हणून त्या आठ वर्षीय मुलाचा गळा धरून वर उचलले आणि तोंडाने एक ते वीसपर्यंत आकडे मोजले त्यानंतर खाली उतरवून त्या मुलाच्या हाताचा चावा घेतला.
Ahilyanagar Crime News: माझ्याकडून चुकीने ही घटना घडली, पत्ता द्या, मी लेखी पत्र पाठवून माफी मागतो
दरम्यान, ही घटना घरी गेल्यानंतर घरच्यांच्या लक्षात आली त्यावर त्या विद्यार्थ्यांच्या कुटुंबीयांनी ताबडतोब त्याला दवाखान्यात उपचारासाठी घेऊन गेले. त्यानंतर शाळेतील मुख्याध्यापक गौतम बहादुर्गे यांना फोन करून या घटनेबाबत विचारले असता मुख्याध्यापकने माझ्याकडून चुकीने ही घटना झाली, मी लेखी पत्र पाठवून माफी मागतो. मला तुमचा पत्ता द्या, असेही त्या विद्यार्थ्यांच्या पालकांना फोनवर सांगितले. मात्र अशा प्रिन्सिपलला जास्तीत जास्त शिक्षा व्हावी अशी मागणी त्या आठ वर्षीय विद्यार्थ्यांचे पालक सोनल शेळके यांनी केली आहे.
Pune News: पुण्यात वाहनांची तोडफोड सुरूच, उत्तमनगरात CCTV समोर अज्ञाताचा धुमाकूळ
पुण्यात वाहनांच्या तोडफोडीच्या घटना थांबण्याचे नाव घेत नाहीत. उत्तमनगर परिसरात अज्ञात व्यक्तीने 4 ते 5 चारचाकी वाहनांची तोडफोड केली. हा संपूर्ण प्रकार CCTV कॅमेऱ्यात कैद झाला असून संशयित अल्पवयीन असल्याची प्राथमिक माहिती पोलिसांनी दिली आहे. उत्तमनगर पोलिस ठाण्यात अज्ञाताविरुद्ध गुन्हा दाखल करण्यात आला असून CCTVच्या आधारे संशयिताचा शोध सुरू आहे.
इतर महत्वाच्या बातम्या
महत्त्वाच्या बातम्या
