Windfall Tax: केंद्र सरकारकडून दिलासा; पेट्रोलियम क्रूड स्वस्त, विंडफॉल टॅक्स केलाय रद्द
Windfall Tax Cut: केंद्र सरकारनं पेट्रोलियम क्रुडवरील विंडफॉल टॅक्स कमी केला आहे. केंद्र सरकारनं हा टॅक्स शून्यावर आणला आहे.
Windfall Tax: तेल वितरण कंपन्यांना मोठा दिलासा देत केंद्र सरकारनं पेट्रोलियम क्रूड स्वस्त केलं आहे. त्याची किंमत 4100 रुपये प्रति टनवरून शून्यावर आणली आहे. अशाप्रकारे क्रूडवरील विंडफॉल टॅक्स रद्द करण्यात आला असून आजपासून ही सवलत लागू झाली आहे. केंद्र सरकारच्या अधिसूचनेनुसार, ही माहिती मिळाली आहे. सरकारनं गेल्या वर्षी जुलैमध्ये पहिल्यांदा हा विंडफॉल टॅक्स लागू केला होता आणि तेव्हापासून हा ट्रेंड सुरू आहे.
पेट्रोल, डिझेल आणि ATF वर विंडफॉल टॅक्स
केंद्र सरकारनं पेट्रोल, डिझेल आणि एव्हिएशन टर्बाइन इंधनावरील विंडफॉल टॅक्स शून्यावर ठेवला आहे. दर 15 दिवसांनी, तेलाच्या किमतीतील चढउतारांच्या आधारावर, सरकार तेलावरील विंडफॉल कराचा आढावा घेते आणि त्यात बदल करते.
गेल्या पंधरवड्यातील विंडफॉल टॅक्स किती होता?
1 मे रोजी, सरकारनं पेट्रोलियम क्रूडवरील विंडफॉल टॅक्स कमी करून 4100 रुपये प्रति टन केला होता. जो डॉलरच्या दृष्टीनं 50.14 डॉलर प्रति टन ठेवण्यात आला होता. 19 एप्रिल रोजी क्रूडवरील आकारणी वाढवून 6400 रुपये प्रति टन करण्यात आली. याशिवाय, काही दिवसांपूर्वी म्हणजेच, 4 एप्रिल रोजी सरकारनं क्रूडवरील विंडफॉल टॅक्स 3500 रुपये प्रति टन वरून शून्यावर आणला होता.
सरकार विंडफॉल टॅक्स किती वेळा बदलते?
भारत सरकार आंतरराष्ट्रीय किमती आणि इतर घटकांच्या आधारे दर पंधरवड्याला म्हणजेच, दर 15 व्या दिवशी विंडफॉल टॅक्समध्ये बदल करते. ही प्रक्रिया जुलै 2022 पासून सुरू आहे. सरकारनं गेल्या वर्षी जुलैमध्ये पहिल्यांदा हा विंडफॉल टॅक्स लागू केला होता आणि तेव्हापासून हा ट्रेंड सुरू आहे.
विंडफॉल टॅक्स का आकारला जातो?
जुलै 2022 मध्ये भारतात प्रथमच विंडफॉल टॅक्स लागू करण्यात आला आणि पेट्रोल, डिझेल आणि एव्हिएशन टर्बाइन फ्युएल देशाबाहेर विकून कमावलेला नफा वसूल करण्यासाठी कच्च्या तेल उत्पादकांवर तो लागू करण्यात आला. खरंतर, खाजगी रिफायनरी या पेट्रोलियम पदार्थांची आंतरराष्ट्रीय बाजारात विक्री करून अधिक नफा कमवत होत्या आणि ते कमी करण्यासाठी देशांतर्गत बाजारपेठेऐवजी तेल उत्पादनं तिथेच विकण्याचा प्रयत्न करत होत्या, त्यावर बंधनं लावण्यासाठी सरकारनं हा विंडफॉल टॅक्स आकारण्यास सुरुवात केली.
Before You Go
Ladki Bahin Yojana Beneficiary List Check : लाडकी बहीण योजनेतून तुमचं नाव हटवलं तर नाही ना? चेक करा!
महत्त्वाच्या बातम्या
