वैष्णोदेवीला जाणाऱ्यांसाठी महत्त्वाची बातमी, रेल्वेने केला 'हा' मोठा बदल

तुम्ही जर वैष्णोवदेवीला (vaishno devi) जाण्याचा विचार करत असाल तर ही बातमी तुमच्यासाठी खूप महत्त्वाची आहे. कारण, रेल्वेने आपल्या गाड्यांच्या वेळेत बदल केला आहे.

vande bharat express

Source : PTI

Vande Bharat Express : तुम्ही जर वैष्णोवदेवीला (vaishno devi) जाण्याचा विचार करत असाल तर ही बातमी तुमच्यासाठी खूप महत्त्वाची आहे. कारण, रेल्वेने आपल्या गाड्यांच्या वेळेत बदल केला आहे. भारतीय रेल्वेने (Indian Railways) नवी दिल्ली ते माता वैष्णोदेवी कटरा वंदे भारत एक्सप्रेसच्या (vande bharat express) वेळापत्रकात बदल केला आहे. ही भारतातील दुसरी सेमी-हाय-स्पीड ट्रेन आहे. 

दिल्ली ते कटरा जाणाऱ्या या ट्रेनचे नवीन वेळापत्रक 21 मार्च 2024 पासून लागू करण्यात येणार  आहे. ही ट्रेन 3 ऑक्टोबर 2019 रोजी सुरू झाली होती. केंद्रीय गृहमंत्री अमित शाह यांनी हिरवा या रेल्वेला हिरवा झेंडा दाखवला होता. सध्या त्याची देखभाल आणि संचालन उत्तर रेल्वे विभागाकडून केले जात आहे. उत्तर रेल्वेचे सीपीआरओ दीपक कुमार यांनी एफई अहवालात दिलेल्या माहितीनुसार, सामान्य लोकांच्या माहितीसाठी हे सांगणे अत्यंत आवश्यक आहे की, रेल्वेने रेल्वे क्रमांक 22439/22440 नवी दिल्ली-श्री माता वैष्णो देवी कटरा-नवी दिल्ली वंदे भारत रद्द केली आहे. एक्स्प्रेसच्या धावण्याचे दिवस बदलण्याचा निर्णय घेण्यात आला आहे.

ट्रेनच्या वेळापत्रकात बदल

ट्रेन क्रमांक 22439/22440 नवी दिल्ली-श्री माता वैष्णो देवी कटरा-नवी दिल्ली वंदे भारत एक्सप्रेस बुधवार वगळता आठवड्यातून सहा दिवस दोन्ही दिशेने धावणार आहे. हे नवीन वेळापत्रक 21 मार्च 2024 पासून लागू होणार आहे. सध्या ही गाडी मंगळवार वगळता आठवड्यातील सर्व दिवस धावते.

अंतर आणि प्रवास वेळ

नवी दिल्ली ते श्री माता वैष्णो देवी कटरा-नवी दिल्ली वंदे भारत एक्सप्रेस 8 तासात 655 किमी अंतर कापते. जम्मू राजधानी एक्स्प्रेस आणि जम्मू तावी दुरांतो एक्स्प्रेसनंतर ही या मार्गावरील सर्वात वेगवान ट्रेन आहे. दोन्ही गाड्या अनुक्रमे 08:20 तास आणि 08:40 तासांमध्ये समान अंतर कापतात.

ट्रेन कोणत्या स्टेशनवर थांबते?

नवी दिल्ली-श्री माता वैष्णोदेवी कटरा-नवी दिल्ली वंदे भारत एक्सप्रेसला 16 डबे आहेत. ज्यामध्ये एक्झिक्युटिव्ह क्लास आणि चेअर कार कोचचा समावेश आहे. ही अत्याधुनिक ट्रेन दोन शहरांमधील प्रवासादरम्यान तीन रेल्वे स्थानकांवर थांबते. ज्यामध्ये अंबाला कॅंट जंक्शन, लुधियाना जंक्शन आणि जम्मू तवी स्टेशनचा समावेश आहे.

ट्रेनचे महत्त्व आणि वैशिष्ट्ये

नवी दिल्ली ते श्री माता वैष्णोदेवी कटरा-नवी दिल्ली वंदे भारत एक्स्प्रेस सुरु झाल्यानं जम्मू आणि काश्मीर केंद्रशासित प्रदेशात पर्यटन वाढले आहे. दोन्ही शहरांमधील प्रवासाचा वेळ 3 तासांपेक्षा कमी झाला आहे. ही ट्रेन पंतप्रधान नरेंद्र मोदी यांचे मेक इन इंडियाचे स्वप्नही पूर्ण करते. हा प्रकल्प भारतीय रेल्वेने सुरू केला होता. या प्रकल्पाच्या अनेक वंदे भारत गाड्या इतर शहरांमध्येही सुरू करण्यात आल्या आहेत.

महत्त्वाच्या बातम्या: