TCS : गुड न्यूज! TCS 42 हजार फ्रेशर्सना नोकरीची संधी देणार, वेतनवाढीच्या निर्णयावरही मोठी घोषणा
TCS : आयटी क्षेत्रातील प्रमुख कंपनी असलेल्या टाटा कन्सल्टन्सी सर्व्हिसेसनं (Tata Consultancy Services)आर्थिक वर्ष 2026 मध्ये 42 हजार फ्रेशर्सना नोकरी देणार असल्याचे बोललं जात आहे.
TCS : आयटी क्षेत्रातील प्रमुख कंपनी असलेल्या टाटा कन्सल्टन्सी सर्व्हिसेसनं (Tata Consultancy Services)आर्थिक वर्ष 2026 मध्ये 42 हजार फ्रेशर्सना नोकरी देणार असल्याचे बोललं जात आहे. तर मागणीच्या वातावरणातील अनिश्चिततेमुळे वेतन आणि वेतनवाढीचा निर्णय अद्याप अनिर्णित असल्याचे ही बोललं जात आहे. आर्थिक वर्ष 2025 च्या अखेरीस टीसीएस (TCS) मधील कर्मचाऱ्यांची संख्या 6 लाख 07 हजार 979 इतकी होती, कारण कंपनीने चौथ्या तिमाहीत 625 कर्मचारी जोडले होते. तर यंदाच्या चालू वर्षात कंपनीने 42 हजार फ्रेशर्सना नोकरीची संधी देणार आहे.
वेतनवाढीबाबत वर्षभरात निर्णय घेऊ- मिलिंद लक्कड
या बाबत बोलताना टीसीएसचे मुख्य मानव संसाधन अधिकारी (CHRO) मिलिंद लक्कड म्हणाले की, "आम्ही आर्थिक वर्ष 2025 मध्ये 42,000 प्रशिक्षणार्थींना ऑनबोर्ड केले आहे आणि आर्थिक वर्ष 2026 मध्ये ही संख्या समान किंवा थोडी जास्त असेल. दरम्यान, वेतनवाढीबाबत आम्ही अनिश्चित व्यावसायिक वातावरण लक्षात घेऊन वर्षभरात निर्णय घेऊ." असेही ते म्हणाले. कॅम्पसमधून भरती करणे कंपनीसाठी धोरणात्मक असले तरी, नवीन भरती एकूण व्यवसाय वातावरण आणि कौशल्य आवश्यकतांवर अवलंबून असेल, असेही त्यांनी सांगितले.
CY25 हा CY24 पेक्षा चांगला असेल अशी अपेक्षा
चौथ्या तिमाहीत टीसीएसचा कर्मचारी घटण्याचा दर गेल्या तिमाहीतील 13% वरून13.3% पर्यंत वाढला आहे. किंबहुना, व्यवस्थापनाने असे नमूद केले आहे की घटण्याच्या दरातील बदल हा चिंतेचा विषय नाही, कारण तिमाही वार्षिक घटण्याचा दर 130 बेसिस पॉइंट्सने कमी झाला आहे. बाजारातील अंदाजानुसार, टीसीएसने गुरुवारी चौथ्या तिमाहीचे निकाल जाहीर केले. अमेरिकेच्या सरकारने जाहीर केलेल्या टॅरिफमुळे सध्याच्या भू-राजकीय हालचालींमध्ये कंपनीला याचा परिणाम दिसून येत आहे. वेतनवाढीबाबत अनिश्चित राहिल्याने, टीसीएसला असे दिसून येत आहे की टॅरिफ चर्चेमुळे बाजारातील भावनांमध्ये सुधारणा आणि विवेकाधीन खर्चाचे पुनरुज्जीवन टिकून राहिले नाही. व्यवस्थापनाने असे म्हटले आहे की निर्णय घेण्यामध्ये आणि प्रकल्प सुरू करण्यात विलंब होत आहे. मात्र, सध्याच्या ऑर्डर बुकच्या आधारे CY25 हा CY24 पेक्षा चांगला असेल अशी अपेक्षा आहे.
टीसीएस विशिष्ट आणि नवीन तंत्रज्ञान कौशल्यांसाठी प्रतिभा नियुक्त करण्याचा विचार करत आहे आणि विविध भौगोलिक क्षेत्रांमधून, अगदी आंतरराष्ट्रीय स्तरावरील प्रतिभा शोधण्याची योजना आखत आहे. सीएचआरओने असेही म्हटले आहे की कंपनीला अलचा भरतीवर परिणाम होणार नाही, कारण अल फॉर बिझनेस प्रोग्राम्समुळे नवीन संधी निर्माण होतील आणि अधिक लोकांची आवश्यकता असेल. असेही ते म्हणाले.
इतर महत्वाच्या बातम्या
महत्त्वाच्या बातम्या
