Silver News: सोन्यावरील आयात शुल्क वाढवल्यानंतर सरकारचं चांदी आयातीबाबत कठोर धोरण, नवा नियम लागू
Silver Import News: केंद्र सरकारनं चांदीच्या व्यापारासंदर्भात एक नियम बदलला आहे. आता कोणताही व्यावसायिक थेट विदेशातून चांदीच्या विटा किंवा बार मागवू शकणार नाहीत.
Silver Bar News नवी दिल्ली: पंतप्रधान नरेंद्र मोदी यांनी आगामी वर्षभरात सोने आणि चांदीची खरेदी करु नये असं आवाहन केलं होतं. त्यानंतर केंद्र सरकारनं सोने आणि चांदीवरील आयात शुल्क वाढवलं होतं. यानंतर आता सरकारनं चांदीच्या व्यापारासंदर्भात मोठा निर्णय घेतला आहे. केंद्र सरकारनं चांदीच्या आयातीचे नियम कठोर केले आहेत.
विदेश व्यापार महानिदेशालय म्हणजेच डायरेक्टोरेट जनरल ऑफ फॉरेन ट्रेड (DGFT) नं आज एक आदेश जारी केला आहे. त्यानुसार चांदीचे बार म्हणजेच विटा याचे दोन कोड 71069221 आणि 71069221 या दोन्ही कॅटेगरीच्या चांदीला फ्री ऐवजी प्रतिबंधित मध्ये टाकण्यात आलं आहे. म्हणजेच आता कोणीही थेट चांदीच्या विटा विदेशातून मागवू शकणार नाहीत.
आता चांदी तीन प्रकारे भारतात येणार
रिझर्व्ह बँक ऑफ इंडिया, डीजीएफटीनं निर्देशित केलेल्या संस्था किंवा इंटरनॅशनल फायनान्शिअल सर्व्हिसेस सेंटर अथॉरिटी म्हणजेच IFSCA ची मान्यता असलेले ज्वेलर्स जे इंडिया इंटरनॅशनल बुलियन एक्सचेंज मार्फत आयात करु शकतात.
निर्णय तातडीनं लागू
चांदी आयातीसंदर्भात घेतलेला निर्णय तातडीनं लागू करण्यात येणार आहे. केंद्र सरकारनं चार दिवसांपूर्वीच सोने आणि चांदीच्या आयातीवरील शुल्क 6 टक्क्यांवरुन वाढवून 15 टक्के करण्याचा निर्णय घेतला होता.
विशेष बाब म्हणजे 2025 मध्ये भारतानं 9. 2 अब्ज डॉलर्सची चांदी मागवली होती. जी 2024 च्या तुलनेत 44 टक्के अधिक आहे. चांदीचे दर देखील एका वर्षात तिप्पट वाढले आहेत. सध्या चांदीचा एक किलोचा दर 2.43 लाख रुपयांवर आहे.
चांदीची आयात कमी करण्याचा सरकारचा प्रयत्न
व्यापार तूट 333 अब्ज डॉलर्सच्या विक्रमी पातळीवर पोहोचली आहे, रुपयावरील दबाव देखील वाढला आहे. यामुळं सरकारला चांदीची आयात कमी करायची होती. पंतप्रधान नरेंद्र मोदी यांनी गेल्या आठवड्यात एका वर्षात सोने खरेदी न करण्याचं आवाहन केलं होतं. विदेशी चलन वाचवण्यासाठी मोदींनी ते आवाहन केलं होतं.
महत्त्वाच्या बातम्या
