बँकेत नोकरीची सुवर्णसंधी! हजारो पदांसाठी भरती प्रक्रिया सुरु, काय आहे पात्रता? कसा कराल अर्ज?

बँकिंग क्षेत्रात नोकरी हवी असणाऱ्यांसाठी महत्वाची बातमी आहे. स्टेट बँक ऑफ इंडिया (SBI) मोठी भरती प्रक्रिया सुरु झाली आहे. SBI ने कनिष्ठ सहयोगी पदासाठी एकूण 13,735 पदांसाठी भरती जाहीर केली आहे.

SBI

Source : Duplicate branch of SBI

Bank Recruitment 2024: तुम्हाला जर बँकिंग क्षेत्रात करिअर करायचे असेल तर तुमच्यासाठी अत्यंत महत्वाची बातमी समोर आली आहे. स्टेट बँक ऑफ इंडिया (SBI) मोठी भरती प्रक्रिया सुरु झाली आहे. SBI ने कनिष्ठ सहयोगी (ग्राहक समर्थन आणि विक्री) पदासाठी एकूण 13,735 पदांसाठी भरती जाहीर केली आहे. इच्छुक आणि पात्र उमेदवार 17 डिसेंबर 2024 ते 7 जानेवारी 2025 पर्यंत ऑनलाइन अर्ज करू शकतात. उमेदवार SBI च्या अधिकृत वेबसाइट sbi.co.in वर जाऊन भरतीसाठी अर्ज करु शकतात.

13,735 रिक्त पदांसाठी भरती प्रक्रिया सुरु 

सर्वसाधारण: 5870 पदे
EWS: 1361 पदे
OBC: 3001 पदे
अनुसूचित जाती (SC): 2118 पदे
अनुसूचित जमाती (ST): 1385 पदे

शैक्षणिक पात्रता

या पदासाठी अर्ज करण्यासाठी उमेदवारांकडे कोणत्याही मान्यताप्राप्त विद्यापीठातून पदवीधर असणे आवश्यक आहे.

उमेदवारासाठी वय मर्यादा किती?

यासोबतच उमेदवारांचे वय 20 ते 28 वर्षांच्या दरम्यान असावे. 1 एप्रिल 2024 पासून वयाची गणना केली जाईल.

परीक्षा आणि निवड प्रक्रिया

SBI लिपिक भरती अंतर्गत, परीक्षा दोन टप्प्यात घेतली जाईल. प्राथमिक परीक्षा फेब्रुवारी 2025 मध्ये घेतली जाईल, तर मुख्य परीक्षा मार्च/एप्रिल 2025 मध्ये होण्याची शक्यता आहे.

प्राथमिक परीक्षा उत्तीर्ण झाल्यानंतर उमेदवारांना मुख्य परीक्षेला बसण्याची संधी मिळेल. याशिवाय मुख्य परीक्षेनंतर भाषा प्राविण्य चाचणीही घेतली जाईल, ज्यामध्ये उमेदवारांना स्थानिक भाषेतील प्राविण्य सिद्ध करावे लागेल.

अर्जा भरण्यासाठी किती फी भरावी लागणार? 

सामान्य, OBC आणि EWS श्रेणीतील उमेदवारांना 750 रुपये अर्ज शुल्क भरावे लागेल. तर इतर सर्व प्रवर्गातील उमेदवारांना अर्ज शुल्कात सूट देण्यात आली आहे. अधिक तपशीलांसाठी, उमेदवार अधिकृत वेबसाइटची मदत घेऊ शकतात. या भरतीसाठी ऑनलाइन नोंदणी 17 डिसेंबर 2024 पासून सुरू झाली आहे. उमेदवारांनी 7 जानेवारी 2025 पर्यंत त्यांचे अर्ज भरायचे आहेत.

. इच्छुक उमेदवारांनी लवकरात लवकर अर्ज करणं गरजेचं

दरम्यान, ज्या उमेदवारांनी बँकेत नोकरी करायची इच्छा आहे, अशा उमेदवारांनी या भरती प्रक्रियेसाठी अर्ज केल्यास त्यांनी संधी मिळण्याची शक्यता आहे. कारण मोठ्या प्रमाणात स्टे बँक ऑफ इंडियाने भरती प्रक्रिया सुरु केली आहे. अर्ज करण्याची प्रक्रिया सुरु झाली आहे. इच्छुक उमेदवारांनी लवकरात लवकर अर्ज करणं गरजेचं आहे. अर्ज करण्याची शेवटची तारीख ही 7 जानेवारी 2025 आहे. sbi.co.in या वेबसाईटवर तुम्ही सविस्तर माहिती पाहू शकता.

महत्वाच्या बातम्या: