Rule Change : एलपीजी दर, तात्काळ तिकीट बुकिंग ते आयटीआर फायलिंग, 1 ऑगस्टपासून कोणते नियम बदलणार?
Rule Change : 1 ऑगस्टपासून एलपीजी सिलेंडरचे दर, रेल्वेच्या तात्काळ तिकीट बुकिंगचा नियम यासह इतर गोष्टींमध्ये बदल होणार आहेत.
नवी दिल्ली : प्रत्येक महिन्याच्या 1 तारखेला एलपीजी गॅस सिलेंडरचे नवे दर जाहीर केले जातात. याशिवाय वित्तीय आणि सार्वजनिक सेवांशी संबंधित नियम बदलले जातात. एलपीजी गॅस सिलेंडरचे दर,रेल्वेचं तात्काळ तिकीट बुकिंग, डिजीटल आणि क्रेडिट कार्ड नियम,आरबीआयचं पतधोरण यासंदर्भातील गोष्टी ऑगस्ट महिन्यात बदलणार आहेत.
एलपीजीचे दर बदलणार?
ऑइल मार्केटिंग कंपन्यांकडून 1 ऑगस्टपासून एलपीजी गॅस सिलेंडरचे नवे दर लागू केले जातील. घरगुती आणि व्यावसायिक वापराच्या सिलेंडरचे दर नवे दर 1 ऑगस्टला जाहीर केले जातील. व्यावसायिक वापराच्या सिलेंडरच्या दरात कपात झाल्यास हॉटेलचालकांना दिलासा मिळू शकतो. एलपीजी प्रमाणं दर महिन्याच्या 1 तारखेला एटीएफ म्हणजेच विमानांच्या इंधनाचे दर आंतरराष्ट्रीय बाजारातील घडामोडींप्रमाणे जाहीर केले जातात.
रेल्वे तात्काळ तिकीट बुकिंग
भारतीय रेल्वेच्या तिकीट बुकिंग काऊंटरवरुन तात्काळ तिकीट बुकिंगस संदर्भातील नियमात बदल होणार आहे. बदलेल्या रचनेनुसार तिकीट खिडकीवर असलेल्या प्रवाशांना तात्काळ तिकीट बुकिंग सुरु होण्यापूर्वी टोकन वाटलं जाईल. त्यानंतर टोकन प्रकमाणं तिकीट बुकिंग केलं जाईल. तिकीट बुकिंग आरक्षण केंद्रांवरील रांगांच्या व्यवस्थापनासाठी हा निर्णय घेण्यात आला आहे.
बँकांना सुट्टी
आरबीआयकडून ऑगस्ट महिन्याच्या सुरुवातीला बँकांच्या सुट्ट्यांची यादी जाहीर केली जाईल. दुसरा आणि चौथा शनिवार आणि प्रत्येक रविवारी बँकांना सुट्टी असते. याशिवाय ऑगस्ट महिन्यात बँका स्वातंत्र्य दिन, रक्षा बंधन या दिवशी बँकांना सुट्टी असेल. बँकांमधील काही कामांचं नियोजन करायचं असेल तर सुट्ट्यांची यादी पाहून नियोजन करणं आवश्यक आहे.
आयटीआर फायलिंग
पगारदार व्यक्तींसाठी आयटीआर फाईल करण्याची शेवटची तारीख 31 जुलै आहे. लेखापरिक्षणाची आवश्यकता ज्या करदात्यांसाठी असते म्हणजेच जे आयटीआर -3 आणि आयटीआर -4 भरतात त्यांना 31 ऑगस्टपर्यंत मुदत आहे.
आरबीआय पतधोरण जाहीर करणार
रिझर्व्ह बँक ऑफ इंडियाच्या पतधोरण विषयक समितीची बैठक 3 ते 5 ऑगस्ट दरम्यान होणार आहे. या बैठकीनंतर 5 ऑगस्टला आरबीआयकडून पतधोरण जाहीर केलं जाईल. आरबीआयनं रेपो रेट वाढवल्यास गृहकर्जाच्या व्याजाचे दर वाढतील. यामुळं गृहकर्जाचा मासिक हप्ता देखील वाढू शकतो.
Before You Go
Shiv Sena SC Hearing Special Report : निवडणूक आयोगावर गंभीर आरोप..शिवसेनेच्या सुनावणीत काय घडलं?
महत्त्वाच्या बातम्या
