विमान तिकीट बुकिंगचे पैसे वाचवण्यासाठी तरुणानं केलं धाडस, उभारली स्वत:ची कंपनी, आज करतोय 8000 कोटींची उलाढाल 

रिकांत पिट्टी (Rikant Pitti) या तरुणानं अगदी शून्यातून स्वत:ची एक कंपनी सुरु केली.  Ease My Trip असं कंपनीचं नाव आहे. आज ही कंपनी करोडो रुपयांची उलाढाल करत आहे.

Rikant Pitti (PC : Rikant Pitti Twitter)

Ease My Trip : आज आपण रिकांत पिट्टी (Rikant Pitti) या तरुणाची यशोगाथा पाहणार आहोत. या तरुणानं अगदी शून्यातून स्वत:ची एक कंपनी सुरु केलीय. आज ही कपंनी 8000 कोटी रुपयांची आहे. रिकांत पिट्टीच्या वडिलांचा महिन्यातून अनेक वेळा विमान प्रवास होत असे. यावेळी तिकीट बुकिंगसाठी जादा शुल्क आकारले जात होते.  बुकिंग चार्ज म्हणून जास्तीचे पैसे द्यावे लागत असल्यानं रिकांत हैराण झाला होता. यातून त्याला ऑनलाइन तिकीट बुकिंग करण्याच्या कंपनीसंदर्भातील विचार डोक्यात आला. त्यानंतर रिकांतने  Ease My Trip ही कंपनी सुरु केली. 

दिल्लीचे रहिवासी असलेले रिकांतचे वडील महिन्यातून अनेक वेळा विमानाने प्रवास करायचे. प्रत्येक वेळी त्यांना तिकीट बुक करताना बुकिंग चार्ज म्हणून जास्तीचे पैसे द्यावे लागायचे. रेकांत पिट्टी यांनी स्वत: ऑनलाइन तिकीट बुकिंग करण्याचा विचार करून हवाई तिकीट बुक करताना अतिरिक्त शुल्क वाचवण्याचा विचार केला. त्यानंतर कोणतही भांडवल नसताना  रिकांतने Ease My Trip ही कंपनी सुरु केली. आज ही कंपनी 8780 कोटी रुपयांची झाली आहे.

Easy My Trip देशातील कोट्यवधी लोकांसाठी पसंतीची कंपनी

Easy My Trip असे रिकांतच्या कंपनीचे नाव आहे. रिकांत पिट्टी यांनी ही कंपनी सुरुवातीला कोणत्याही निधीशिवाय सुरू केली. 2021 मध्ये कंपनीने IPO च्या माध्यमातून शेअर बाजारातून पैसे उभे केले होते. आज, Easy Trip Planner Limited नावाची ही कंपनी देशातील कोट्यवधी लोकांसाठी विमान तिकीट बुक करण्यासाठी पसंतीची कंपनी बनली Easy My Trip ही भारतातील दुसरी सर्वात मोठी ट्रॅव्हल एजन्सी बनली आहे. टुडे इज माय ट्रिपमध्ये 61000 ट्रॅव्हल एजंट, 10 लाखाहून अधिक हॉटेल पार्टनर आणि 400 एअरलाइन्सशी टाय अप आहेत. इज माय ट्रिपचे 11 दशलक्षाहून अधिक नियमित ग्राहक आहेत.

अतिरीक्त 22,500 रुपयांची बचत 

रिकांत पिट्टी हे इंजिनीअरिंग करत त्यांनी ही कल्पना सुचली. रिकांतचे वडील व्यापारी होते आणि त्यांना एका ठिकाणाहून दुसऱ्या ठिकाणी जाण्यासाठी दर महिन्याला 15 ते 20 वेळा विमान प्रवास करत होते. ट्रॅव्हल एजंट तिकिटाच्या ऑनलाइन किमतीपेक्षा प्रति तिकिट 1500 अधिक आकारायचे. जर रिकांतच्या वडिलांनी एका महिन्यात 15 फ्लाइट घेतली असती तर त्यांना 22,500 रुपये अतिरिक्त द्यावे लागले असत. हे पैसे वाचवण्यासाठी रिकांतने स्वतः वडिलांसाठी तिकीट बुक करायला सुरुवात केली. काही काळानंतर रिकांतला ट्रॅव्हल एजंट बनण्याची ऑफर देण्यात आली. रिकांतला वाटले की हा एक चांगला व्यवसाय आहे आणि संधी त्याच्याकडे आली आहे. म्हणून त्याने ड्यूक ट्रॅव्हल्स नावाची ट्रॅव्हल एजन्सी उघडली. यावेळीही रिकांत कॉलेजमध्ये शिकत होता. ड्यूक ट्रॅव्हल्सने मोठ्या प्रमाणात एसएमएस पाठवून आपले कार्य सुरू केले आणि लोकांना त्याच्या कार्याची माहिती दिली.

ट्रॅव्हल एजंट आणि विमान कंपन्यांशी करार

2007 पर्यंत, रेकांत पिट्टी यांनी 400 ट्रॅव्हल एजंट जोडले होते. ट्रॅव्हलिंग एजन्सी व्यवस्थित चालत होती पण रिकांत समाधानी नव्हता. त्याच्या कामातून एजंटला बुकिंगच्या रकमेच्या पाच टक्के तर दोन टक्के रक्कम मिळत होती. विमान कंपनीत काम करून व्यवसाय उभारणे कठीण जाईल, हे रिकांतला समजले होते. अशा परिस्थितीत रिकांत पिट्टी यांनी अधिकाधिक विमान कंपन्यांशी करार करणे सुरू केले.

सुरुवातीला 1BHKअपार्टमेंटमधून काम सुरु

रिकांत पिट्टीने त्याच्या भावासह 2008 मध्ये पूर्व दिल्लीतील 1BHKअपार्टमेंटमधून 15 लाख रुपये गुंतवूण कंपनी सुरू केली. यानंतर इज माय ट्रिपचा जन्म झाला. आता ट्रॅव्हल एजंट इज माय ट्रिपशी जोडू लागले. 3 वर्षांनंतर, 2011 मध्ये, 11000 ट्रॅव्हल एजंट कंपनीत सामील झाले. 364 कोटी रुपयांची कमाई झाली. 
ट्रॅव्हल इंडस्ट्रीमध्ये सातत्याने होत असलेल्या बदलांमध्ये मेक माय ट्रिप आणि yatra.com नावाच्या कंपन्यांनीही या व्यवसायात प्रवेश केला होता. दोन्ही कंपन्या नफा मिळवण्यासाठी मोठ्या प्रमाणात पैसे गुंतवत होत्या. दरम्यान, इज माय ट्रिप 2008 पासून दरवर्षी 50 टक्क्यांनी नफ्यासह व्यवसाय वाढवत आहे. रिकांत पिट्टी आज 4.02 कोटी रुपयांची लॅम्बोर्गिनी कार वापरत आहे. रिकांत पिट्टी यांनी अलीकडेच सेक्टर 32, गुडगाव येथे सुमारे 100 कोटी रुपयांची व्यावसायिक मालमत्ता खरेदी केली आहे.

दिल्लीतूनच शिक्षण केलं पूर्ण

रिकांत पिट्टी 1995 साली विवेकानंद स्कूल, नवी दिल्ली येथे शिकण्यासाठी गेले होते. 2005 मध्ये त्यांनी शालेय शिक्षण पूर्ण केले. त्यांनी 2006 मध्ये कुरुक्षेत्र विद्यापीठ, हरियाणा येथे प्रवेश घेतला आणि 2010 मध्ये B.Tech पूर्ण केले.

महत्वाच्या बातम्या: