सावधान! 'या' बँकेत तुमचं खातं आहे का? RBI ने केला परवाना रद्द, सविस्तर माहिती एका क्लिकवर

आरबीआयने नुकतीच आणखी एका बँकेवर कारवाई केली आहे. आरबीआयने एका सहकारी बँकेवर कारवाई केली आहे. पूर्वांचल को-ऑपरेटिव्ह बँक (Purvanchal Co-Operative Bank) असं या बँकेचं नाव आहे.

RBI took action against Purvanchal Cooperative Bank

Bank News : नियमांचं उल्लंघन करणाऱ्या अनेक बँकांवर आरबीआय (RBI) कारवाई करत असते. तसेच ज्या बँका आर्थिक डबघाईला (Financial crisis) आल्या आहेत, अशा बँकांच्या संदर्भात देखील पावलं उचलन्याचं काम आरबीआय करते. दरम्यान, आरबीआयने नुकतीच आणखी एका बँकेवर कारवाई केली आहे. आरबीआयने एका सहकारी बँकेवर कारवाई केली आहे. पूर्वांचल को-ऑपरेटिव्ह बँक (Purvanchal Co-Operative Bank) असं या बँकेचं नाव आहे. ही बँक उत्तर प्रदेशातील गाझीपूर येथे आहे.

का केली कारवाई?

RBI ने पुन्हा एकदा मोठी कारवाई केली आहे. पूर्वांचल को-ऑपरेटिव्ह बँक या सहकारी बँकेचा परवाना रद्द करण्यात आला आहे. आदेश जारी करताना आरबीआयने म्हटले आहे की, या बँकेकडे पुरेसे भांडवल आणि कमाईची क्षमता नाही. बँकेला बँकिंग व्यवसाय पुढे चालू ठेवण्याची परवानगी दिल्यास सर्वसामान्यांचे नुकसान होऊ शकते असं आरबीआयनं म्हटलं आहे. पूर्वांचल सहकारी बँकेकडे पुरेसे भांडवल आणि कमाईची क्षमता नसल्याचे आरबीआयने म्हटले आहे. उत्तर प्रदेशचे सहकार आयुक्त आणि सहकारी संस्थांच्या निबंधकांना बँक बंद करण्याचे आणि लिक्विडेटरची नियुक्ती करण्याचे आदेश जारी करण्यास सांगितल्याची माहिती आरबीआयने दिली. 

ठेवीदारांच्या ठेवी परत मिळणार का?

दरम्यान, मिळालेल्या माहितीनुसार, या बँकेत ठेवी असणाऱ्या प्रत्येक ठेवीदाराला त्याची ठेव रक्कम 5 लाखांपर्यंत डिपॉझिट इन्शुरन्स आणि लोन गॅरंटी कॉर्पोरेशन (DICGC) कडून मिळण्याचा अधिकार असणार आहे. पूर्वांचल सहकारी बँकेच्या आकडेवारीनुसार, सुमारे 99.51 टक्के ठेवीदारांना त्यांच्या संपूर्ण ठेवी DICGC कडून मिळण्याचा अधिकार आहे. सहकारी बँक सध्याच्या आर्थिक स्थितीसह त्यांच्या सध्याच्या ठेवीदारांना पूर्ण देय देण्यास सक्षम नसल्याची माहिती देण्यात आली आहे.

येस बँक आणि आयसीआयसीआय बँकेवरही कारवाई, ठोठावला मोठा दंड

बँकेकडे पुरेसे भांडवल आणि कमाईची क्षमता नसल्याचे आरबीआयने म्हटले आहे. बँकेला बँकिंग व्यवसाय पुढे चालू ठेवण्याची परवानगी दिल्यास त्याचा विपरीत परिणाम होईल. रिझर्व्ह बँक ऑफ इंडियाने खासगी क्षेत्रातील दोन मोठ्या बँकांवर कडक कारवाई केली होती. येस बँक आणि आयसीआयसीआय बँकेवर कारवाई करताना आरबीआयने कोट्यावधी रुपयांचा दंड ठोठावला होता. येस बँक आणि आयसीआयसीआय बँक मध्यवर्ती बँकेच्या अनेक नियमांचे उल्लंघन करत आहेत. यामुळे येस बँकेला 91 लाख रुपये आणि आयसीआयसीआय बँकेला 1 कोटी रुपयांचा दंड ठोठावण्यात आला आहे. आरबीआयने या दोन्ही बँकांना मार्गदर्शक तत्त्वांचे पालन करण्यास सांगितले आहे.

महत्वाच्या बातम्या: