RBI Repo Rate Increased: तुमचं कर्ज महागलं, आरबीआयकडून रेपो व्याज दरात वाढ

RBI Announce Repo Rate: रिझर्व्ह बँकेने रेपो दराची घोषणा केली असून व्याज दरात वाढ करण्यात आली आहे. त्यामुळे पुन्हा एकदा सामान्यांचे कर्जाचे हप्ते वाढणार आहेत.

RBI Repo Rate Increased: तुमचं कर्ज महागलं, आरबीआयकडून रेपो व्याज दरात वाढ

RBI Announce Repo Rate: भारतीय रिझर्व्ह बँकेने (RBI) आज आपल्या पतधोरणाची घोषणा केली आहे. आरबीआयचे गर्व्हनर शक्तिकांत दास (Shaktikant Das) यांनी रेपो दरात 0.35 टक्क्यांची वाढ करण्यात आली आहे. त्यानंतर रेपो दर आता 6.25 टक्के इतका झाला आहे. आरबीआयच्या या निर्णयामुळे आता सामान्यांच्या कर्जाच्या हप्त्यात वाढ झाली आहे. 

रिझर्व्ह बँकेची पतधोरणविषयक बैठक सोमवारपासून सुरू होती. त्यानंतर आज आरबीआय गर्व्हनर शक्तिकांत देसाई यांनी पत्रकार परिषदेत पतधोरण जाहीर केले. त्यांनी म्हटले की, आपण आणखी एका आव्हानात्मक वर्षाच्या अखेरीस आले आहोत. स देशातच नव्हे तर जगातील अनेक देशांमध्ये महागाईचा दर वाढला आहे. जगातील भूराजकीय परिस्थितीमुळे देशातील पुरवठा साखळीवर याचा परिणाम झाला आहे. त्यामुळे आव्हाने निर्माण झाले असल्याचे शक्तिकांत दास यांनी म्हटले. 

RBI Repo Rate Increased: अर्थव्यवस्थेबाबत काय म्हटले?

शक्तिकांत दास यांनी म्हटले की, भारताची अर्थव्यवस्था आताही या परिस्थितीत वेगाने वाढणारी अर्थव्यवस्था राहणार आहे. भारताचे  मॅक्रो इकॉनॉमिक फंडामेंटल्स मजबूत असल्याचे त्यांनी म्हटले. 

RBI Repo Rate Increased: महागाईचे काय?

रिझर्व्ह बँकेचे गर्व्हनर शक्तिकांत दास यांनी सांगितले की,  या वर्षासाठीदेखील महागाई दर नियंत्रणाचे उद्दिष्ट दूर आहे. ऑक्टोबर महिन्यात किरकोळ महागाई दरात घसरण दिसून आली होती. आर्थिक वर्ष 2023 साठी महागाई दर 6.7 टक्क्यांवर राहण्याचा अंदाज आहे. 

RBI Repo Rate Increased: विकास दर किती राहणार?

शक्तिकांत दास यांनी सांगितले की, आर्थिक विकास दराचा अंदाज हा 7 टक्क्यांहून कमी करत 6.8 टक्के इतका केला जात आहे. जागतिक अर्थकारणात आताही अनिश्चितता असून त्याचा परिणाम भारतीय अर्थव्यवस्थेवर होणे स्वाभाविक आहे. मात्र, भारतीय अर्थव्यवस्था वेगाने वाढेल असा विश्वास त्यांनी व्यक्त केला. 

RBI Repo Rate Increased: मागील तीन बैठकीत 1.90 टक्क्यांची वाढ

रिझर्व्ह बँकेने आपल्या मागील तीन पतधोरण बैठकीत रेपो दरात एकूण 1.90 टक्क्यांची वाढ करण्यात आली आहे. मे महिन्यात 40 बेसिस पॉईंटची वाढ करण्यात आली होती. जून आणि ऑगस्टमध्ये 50-50 बेसिस पॉईंटची वाढ करण्यात आली आहे.  आरबीआयच्या या बैठकीआधी रेपो रेट 5.90 टक्के इतका होता. आज 0.35 टक्क्यांच्या दरवाढीनंतर रेपो दर 6.25 टक्क्यांवर गेला आहे. 

इतर महत्त्वाच्या बातम्या: