Prohibition of Alcohol : पुढील तीन दिवस 'या' शहरांमध्ये दारुबंदी, नेमका का घेतला निर्णय? जाणून घ्या सविस्तर माहिती
Prohibition of Alcohol : गणेश उत्सवादरम्यान काहीही अनुचीत प्रकार घडू नये म्हणून प्रशासनाने महत्वाच्या शहरात दारु विक्रीवर बंदी घातली आहे.
Prohibition of Alcohol : देशात मोठ्या उत्साहात गणेशोत्सव (Ganeshotsav) सुरु आहे. गणेश विसर्जनाला फक्त दोन दिवस बाकी राहिले आहेत. दरम्यान, या काळात कायदा सुव्यवस्थेचा (law and order) कोणताही प्रश्न निर्माण होऊ नये म्हणून प्रशासनाने योग्य ती खबरदारी घेतली आहे. गणेश उत्सवादरम्यान, बंगळुरु (Bangalore) आणि पुणे (Pune) यासारख्या शहरात प्रशासनाने सुरक्षिततेसाठी दारु विक्रीवर बंदी घातली आहे. देशातील काही शहरांमध्ये दारुबंदीबाबत कोणत्या प्रकारचे आदेश देण्यात आले आहेत ते पाहुयात.
दहा दिवसांच्या गणेशोत्सवाची सांगता जवळ आली आहे. बंगळुरू, दिल्ली आणि पुण्यासह अनेक शहरांमध्ये ठराविक तारखांना दारूविक्रीवर बंदी घालण्यात आली आहे. गणेश विसर्जन आणि संबंधित मिरवणुका दरम्यान शांतता आणि सार्वजनिक सुरक्षा सुनिश्चित करण्याच्या उद्देशाने हे पाऊल उचलण्यात आले आहे. या शहरांमध्ये 14 सप्टेंबरपासून दारूविक्रीवर बंदी घालण्यात आली आहे. ही बंदी 18 सप्टेंबरपर्यंत कायम राहणार आहे. पुढील काही दिवस कोणत्या शहरांमध्ये दारूविक्रीवर बंदी असणार आहे.
बंगळुरुमध्ये दारुबंदी
बंगळुरु शहराचे पोलीस आयुक्त बी. दयानंद यांनी 14 ते 16 सप्टेंबर या कालावधीत शहरातील विविध भागात दारु विक्रीवर तात्पुरती बंदी घातली आहे. हे निर्बंध बार, रेस्टॉरंट्स, वाईन शॉप्स, पब आणि म्हैसूर सेल्स इंटरनॅशनल लिमिटेड (MSIL) आउटलेटवर लागू असतील. डेक्कन हेराल्डमधील एका अहवालात म्हटले आहे की CL-4 (क्लब) आणि CL-6A (स्टार हॉटेल) परवाने असलेल्या इतर आस्थापनांना या बंदीतून सूट देण्यात आली आहे.
हैदराबादमध्येही दारुबंदी
हैदराबाद शहर पोलिसांनी 17 आणि 18 सप्टेंबर रोजी हैदराबाद आणि सिकंदराबादमधील सर्व दारू, ताडीची दुकाने आणि बार बंद ठेवण्याची घोषणा केली आहे. शहरातील शेवटच्या गणेशमूर्ती विसर्जनाच्या वेळी सार्वजनिक सुरक्षा सुनिश्चित करण्याच्या उद्देशाने पोलिस आयुक्त सी.व्ही.आनंद यांचा हा निर्णय आहे. हे निर्बंध 17 सप्टेंबर रोजी सकाळी 6 ते संध्याकाळी 6 पर्यंत लागू असतील. 18 सप्टेंबर रोजी, तेलंगणा उत्पादन शुल्क कायदा, 1968 च्या कलम 20 अंतर्गत नोंदणीकृत हॉटेल्स आणि क्लबमधील बार मात्र खुले राहतील. स्टेशन हाऊस ऑफिसर (SHOs) आणि स्थानिक कायद्याची अंमलबजावणी करणाऱ्या अतिरिक्त निरीक्षकांना आदेशाचे उल्लंघन करणाऱ्यांवर कायदेशीर कारवाई करण्याचे अधिकार देण्यात आले आहेत.
पुण्यातही दारुबंदी
पुणे जिल्हाधिकाऱ्यांनी जिल्ह्यातील काही भागात 7 सप्टेंबर ते 18 सप्टेंबर या कालावधीत संपूर्ण दारूबंदी लागू केली होती. फरसाखाना, विश्रामबाग, खारक पोलीस ठाण्याच्या हद्दीत दारूविक्रीवर बंदी घालण्यात आली आहे. 7 सप्टेंबरपासून गणेश चतुर्थीचा उत्सव सुरू झाला. दहा दिवस चालणाऱ्या या उत्सवाची समाप्ती 17 सप्टेंबर रोजी गणेश विसर्जनाने होईल, जो त्याच दिवशी अनंत चतुर्दशी किंवा अनंत चौदस म्हणून साजरा केला जातो.
महत्वाच्या बातम्या:
Ganeshotsav 2024 : गणपतीच्या मूर्तीचं विसर्जन 10 दिवसांनीच का करावं लागतं? पौराणिक कथेत दडलंय महत्त्वाचं रहस्य
महत्त्वाच्या बातम्या
