Petrol Diesel Rate Today: क्रूड ऑईल 2 रुपयांनी महागलं; मुंबईत किती रुपयांनी विकलं जातंय एक लिटर पेट्रोल?
Petrol Diesel Rate Today: आंतरराष्ट्रीय बाजारात कच्च्या तेलाच्या दरात वाढ झाली आहे. तर, दुसरीकडे देशातील तेल कंपन्यांनी आजचे इंधन दर जाहीर केले आहेत.
Petrol Diesel Rate Today 18 January 2023 : जागतिक बाजारपेठेत कच्च्या तेलाच्या किमती (Crude Oil) पुन्हा वाढल्या आहेत. गेल्या 24 तासांत कच्च्या तेलाने प्रति बॅरल सुमारे 2 डॉलरने झेप घेतली आहे, त्यामुळे ब्रेंट क्रूडची किंमत 86 डॉलर्सच्या पुढे गेली आहे. अशातच आज भारतीय तेल कंपन्यांनी पेट्रोल-डिझेलचे दर (Petrol Diesel Rate) जाहीर केले आहेत. आजही देशातील दिल्ली (Delhi), मुंबईसारख्या (Mumbai News) महानगरांमध्ये पेट्रोल-डिझेलच्या किमती (Petrol Diesel Rate) स्थिर आहेत. परंतु, काही शहरांमध्ये पेट्रोल-डिझेलच्या किमतींमध्ये किरकोळ वाढ झाल्याचं पाहायला मिळत आहे.
आजच्या आंतरराष्ट्रीय बाजारातील कच्च्या तेलाच्या दरांबाबत बोलायचं झालं तर गेल्या 24 तासांत त्याच्या किमतीतही वाढ झाली आहे. ब्रेंट क्रूडची किंमत सुमारे 2 डॉलरने वाढून आज प्रति बॅरल 86.41 डॉलरवर पोहोचली आहे. WTI ची किंमत देखील सुमारे 3 डॉलरने वाढून 80.73 डॉलर प्रति बॅरल झाली आहे.
देशातील महानगरांमध्ये आज पेट्रोल-डिझेलच्या किमती स्थिर आहेत. देशाच्या राजधानीचं शहर म्हणून ओळखल्या जाणाऱ्या दिल्लीत आज पेट्रोल 96.65 रुपये प्रति लिटर आणि डिझेल 89.82 रुपये प्रति लिटरने विकलं जात आहे. तर देशाची आर्थिक राजधानी म्हणून ओळखल्या जाणाऱ्या मुंबईत (Mumbai) एक लिटर पेट्रोल 106.31 रुपये प्रति लिटरनं विकलं जातंय, तर डिझेल 94.27 रुपये प्रति लिटर दरानं विकलं जातंय. अशातच चेन्नईमध्ये एक लिटर पेट्रोल 102.63 रुपयांना, तर डिझेल 94.24 रुपयांना विकलं जात आहे. कोलकात्यात पेट्रोल 106.03 रुपये प्रति लिटर आणि डिझेल 92.76 रुपये प्रति लिटरने विकलं जात आहे.
महाराष्ट्रातील वेगवेगळ्या शहरांतील किमती काय?
- नागपूर : पेट्रोल 106.04 रुपये प्रति लिटर, डिझेल 92.59 रुपये प्रति लिटर
- पुणे : पेट्रोल 105.84 रुपये प्रति लिटर, डिझेल 92.36 रुपये प्रति लिटर
- कोल्हापूर : पेट्रोल 106.47 रुपये प्रति लिटर, डिझेल 93.01 रुपये प्रति लिटर
- औरंगाबाद : पेट्रोल 108 रुपये, डिझेल 95.96 रुपये प्रति लिटर
- परभणी : 109.45 रुपये प्रति लिटर, डिझेल 95.81 रुपये प्रति लिटर
- नाशिक : पेट्रोल 106.77 रुपये प्रति लिटर, डिझेल 93.27 रुपये प्रति लिटर
दररोज सकाळी नवे दर होतात लागू
दररोज सकाळी 6 वाजता पेट्रोल आणि डिझेलच्या दरांत बदल होतो. नवे दर सकाळी 6 वाजल्यापासून लागू केले जातात. पेट्रोल आणि डिझेलच्या किमतीत एक्साईज ड्युटी, डीलर कमिशन, व्हॅट आणि इतर गोष्टी जोडल्यानंतर त्याची किंमत मूळ किंमतीपेक्षा जवळपास दुप्पट होते. त्यामुळेच पेट्रोल आणि डिझेलचे दर वाढलेले दिसतात.
Petrol Diesel Price Today : तुमच्या शहरांतील पेट्रोल-डिझेलच्या किमती जाणून घ्या
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती (Petrol Diesel Price) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्त्वाच्या बातम्या
