एक्स्प्लोर

आजचे नवे दर जाहीर, पेट्रोल-डिझेलच्या दरांत दिलासा की, खिशाला कात्री?

Petrol-Diesel Price Today: गेल्या सात महिन्यांपासून देशभरात इंधन दर स्थिर आहेत. देशातील चार महानगरांसह महाराष्ट्रातील प्रमुख शहरातील आजच्या इंधन दरांबाबत...

By : एबीपी ब्युरो | Updated at : 09 Jan 2023 09:28 AM (IST)

Petrol Diesel Price Today 9th January 2023

Petrol-Diesel Price Today 9th January 2023: भारतीय तेल कंपन्यांनी देशात पेट्रोल-डिझेलचे नवे दर जाहीर केले आहेत. आजही देशात इंधन दरांमध्ये कोणताही बदल करण्यात आलेला नाही. दिल्ली, मुंबई, चेन्नई आणि कोलकाता या देशातील चार प्रमुख महानगरांमध्ये शहरांमध्ये आज पेट्रोल आणि डिझेलचे दर (Petrol-Diesel Price Today) स्थिर आहेत. तर दुसरीकडे, आंतरराष्ट्रीय बाजारात कच्च्या तेलाच्या दरांत आज पुन्हा काहीशी वाढ पाहायला मिळत आहे. असं असलं तरीही, कच्च्या तेलाचे दर (Crude Oil) मात्र प्रति बॅरल 80 डॉलरच्या खाली आहेत.

आजचे कच्च्या तेलाचे दर

आज जर आपण कच्च्या तेलाच्या किमतींवर नजर टाकली तर त्यात वाढ दिसून येत आहे. आज कच्च्या तेलाचे दर वाढूनही ब्रेंट क्रूडची किंमत प्रति बॅरल 80 डॉलरपेक्षा कमी आहे. आज ब्रेंट क्रूडची किंमत प्रति बॅरल 79.11 डॉलर इतकी आहे आणि WTI क्रूडची किंमत प्रति बॅरल 74.24 डॉलर इतकी आहे.

मे महिन्यापासून आत्तापर्यंत आंतरराष्ट्रीय बाजारात कच्च्या तेलाच्या (Crude Oil Price) किमतीत विक्रमी घसरण होत असताना सर्वांच्या नजरा देशातील पेट्रोल आणि डिझेलच्या किमतीकडे लागल्या होत्या. पेट्रोल (Petrol) -डिझेलच्या (Diesel) किमतींत घट होणार का? याकडे सर्वसामान्यांचंही लक्ष लागलं होतं. पण आजही भारतील तेल कंपन्यांनी पेट्रोल-डिझेलच्या किमतींमध्ये कोणताही बदल केलेला नाही.

हिमाचल प्रदेशात डिझेल 3 रुपयांनी महाग

हिमाचल प्रदेशात (Himachal Pradesh News) डिझेलच्या दरांत (Diesel Price) वाढ झाली आहे. सुखू सरकारनं (Sukhvinder Singh Sukhu) डिझेलच्या किमतीवर व्हॅट वाढवला आहे. हिमाचलमध्ये, (Himachal Pradesh CM Sukhvinder Singh Sukhu) सुखू सरकारनं डिझेलवरील व्हॅटमध्ये 3 रुपयांची वाढ केली आहे, त्यानंतर आता हिमाचल प्रदेशात डिझेलची किंमत 83.02 रुपये प्रति लिटरवरून थेट 86.05 रुपये प्रति लिटर झाली आहे. तर पेट्रोल 95.07 रुपयांनी 0.55 रुपयांनी स्वस्त विकलं जात आहे. तर महाराष्ट्र, केरळ, आंध्र प्रदेश, छत्तीसगड, राजस्थान आणि उत्तराखंड या राज्यांमधील काही शहरांमध्ये इंधन दरांत किरकोळ बदल झालेले आहेत.