LIC Policy : एलआयसीची नवीन योजना लाँच, आयुष्यभर उत्पन्नाची हमी, सविस्तर माहिती वाचा
LIC Jeevan Dhara 2 : एलआयसीची ही नवीन विमा योजना प्रत्यक्षात एक वार्षिकी योजना आहे, ज्यामध्ये आयुष्यभर उत्पन्नाची हमी दिली जाते.
LIC New Insurance Plan : देशातील सर्वात मोठी आणि सरकारी विमा कंपनी (Insurance Plan) एलआयसीने (LIC) आपली नवीन विमा पॉलिसी (LIC Jeevam Beema) लॉन्च केली आहे. या विमा योजनेमध्ये आयुष्यभर परताव्याची हमी (LIC New Insurance Plan) मिळते. या विमा योजनेचं नाव एलआयसी जीवन धारा-2 (LIC Jeevan Dhara 2) असं आहे. ही विमा योजना हमखास परताव्याची हमी देते. 22 जानेवारीपासून ही योजना सुरु झाली आहे. एलआयसी जीवन धारा-2 ही नॉन-लिंक्ड आणि नॉन-पार्टिसिपिंग प्लॅन आहे. सोमवारपासून हा प्लॅन उपलब्ध होणार आहे.
एलआयसीची नवीन विमा योजना
एलआयसी जीवन धारा-2 ही LIC ची वार्षिकी योजना आहे. ही योजना खरेदी करण्यासाठी तुमचं किमान वय 20 वर्षे असणे गरजेचं आहे, तर कमाल वयोमर्यादा वार्षिकी पर्यायानुसार ठरवली जाईल. योजना खरेदी करण्यासाठी कमाल वयोमर्यादा 80 वर्षे, 70 वर्षे आणि 65 वर्षे स्थगिती कालावधी आहे. सोमवारपासून हा प्लॅन खरेदी करता येणार आहे. कंपनीने सांगितले आहे की, हा प्लॅन ऑनलाइन किंवा ऑफलाइन कोणत्याही प्रकारे खरेदी करता येईल.
पहिल्या दिवसापासून ॲन्युइटीची हमी
या योजनेतील सर्वात खास वैशिष्ट्य म्हणजे ॲन्युइटी हमी. एलआयसीने रिलीझमध्ये म्हटले आहे की प्लॅनमध्ये 11 ॲन्युइटी पर्याय उपलब्ध आहेत. पहिल्या दिवसापासून ॲन्युइटीची हमी दिली जाते आणि वाढत्या वयानुसार उच्च वार्षिकी दराची तरतूदही या विमा योजनेमध्ये करण्यात आली आहे.
टॉप-अप ॲन्युइटीचे वैशिष्ट्य
या एलआयसी योजनेत, पॉलिसीच्या पुढे ढकलण्याच्या कालावधीत विमा संरक्षण उपलब्ध आहे. या प्लॅनमध्ये टॉप-अप ॲन्युइटीद्वारे ॲन्युइटी वाढवण्याचा पर्याय आहे. पॉलिसी धारक पॉलिसी लागू असताना स्थगिती कालावधी दरम्यान कधीही एक प्रीमियम म्हणून अतिरिक्त प्रीमियम भरून टॉप-अ‍ॅन्युइटीची निवड करू शकतात.
पॉलिसीमध्ये लिक्विडिटी पर्यायही उपलब्ध
एलआयसी जीवन धारा-2 या नवीन योजनेअंतर्गत लिक्विडिटी पर्यायही उपलब्ध आहे. म्हणजे, पॉलिसीधारक वार्षिकी म्हणजे ॲन्युइटी पेमेंटमधील कमतरता भरून काढण्यासाठी एकरकमी पेमेंटचा पर्याय निवडू शकतात. या विमा योजनेअंतर्गत, पॉलिसीधारकाला स्थगिती कालावधी दरम्यान आणि नंतर कर्जाची सुविधा मिळते.
ॲन्युइटीचे तीन मुख्य पर्याय
या प्लॅनमध्ये अनेक ॲन्युइटी पर्याय उपलब्ध आहेत, त्यापैकी तीन मुख्य पर्याय आहेत. पहिला पर्याय नियमित प्रीमियमचा आहे, ज्यामध्ये स्थगिती कालावधी (Deferment Period) 5 वर्षे ते 15 वर्षे आहे. दुसरा पर्याय सिंगल प्रीमियमचा (Single Premium) आहे, ज्यामध्ये स्थगिती कालावधी 1 वर्ष ते 15 वर्षांपर्यंत आहे. तिसरा पर्याय म्हणजे संयुक्त जीवन वार्षिकी (Joint Life Annuity) आणि एकल जीवन वार्षिकी.
महत्त्वाच्या बातम्या
ट्रेंडिंग न्यूज
