FASTag : आजच करा 'हे' काम नाहीतर, 31 जानेवारीनंतर बंद होणार फास्टॅग; फास्टॅगसाठी KYC अपडेट कसं करावं?

FASTag KYC, FASTag Update : केवायसी अपडेट न केलेले फास्टॅग ब्लॅक लिस्ट करण्यात येतील. फास्टॅग केवायसी अपडेट करण्याची आज शेवटची तारीख आहे, नाहीतर फास्टॅग बंद होईल.

FASTag KYC Update

Source : ABP Gallery

NHAI FASTag Rules Update : फास्टॅग (FASTag) वापरणाऱ्यांसाठी ही महत्त्वाची बातमी आहे. फास्टॅग वापरायचं असेल तर तुम्हाला 31 जानेवारी आधी एक महत्त्वाचं काम पूर्ण करावं लागणार आहे, नाहीतर तुमचा फास्टॅग बंद होईल. फास्टॅग वापरायचं असेल तर 31 जानेवारी आधी KYC (Know your Customer) करुन घ्या नाहीतर, फास्टॅग वापरता येणार नाही. फास्टॅग केवायसी (FASTag KYC) अपडेट करण्यासाठी आज 31 जानेवारी ही शेवटची तारीख आहे. 31 जानेवारी पर्यंत केवायसी अपडेट न केलेले फास्टॅग ब्लॅक लिस्ट करण्यात येतील. फास्टॅग केवायसी अपडेट करण्याची आज शेवटची तारीख आहे, नाहीतर फास्टॅग बंद होईल.

KYC न केल्यास फास्टॅग बंद होणार (FASTag will be Inactive After 31 January)

भारतीय राष्ट्रीय महामार्ग प्राधिकरणाने एक अपडेट जारी केला आहे. 31 जानेवारीनंतर केवायसी (KYC - Know your Customer) ने केलेले किंवा अपूर्ण केवायसी झालेले फास्टॅग बंद करण्यात येतील. NHAI कडून जारी करण्यात आलेल्या नव्या अपडेटनुसार, 31 जानेवारी पूर्वी फास्टॅगचे केवायसी (KYC) करणे आवश्यक आहे, अशी घोषणा NHAI ने केली आहे. केवायसी (KYC) न केल्यास 31 जानेवारीनंतर तुमचा फास्टॅग बंद होईल. त्यामुळे राष्ट्रीय महामार्ग ओलांडताना तुम्हाला टोल भरण्यात अडचण येईल आणि प्रवास करतानाही त्रास होऊ शकतो. त्यामुळे 31 जानेवारी पूर्वी फास्टॅग केवायसी करून घ्या. 

लगेचच फास्टॅग केवायसी अपडेट करा (FASTag KYC in Complusory)

तुम्हाला फास्टॅग केवायसी वेळेनुसार अपडेट करावं लागणार आहे. नाहीतर 1 फेब्रुवारीपासून तुम्हाला फास्टॅग वापरता येणार नाही. तुम्ही घरी बसून फास्टॅग केवायसी अपडेट करू शकता. ऑनलाइन पोर्टलवर जाऊन तुम्हाला सहज फास्टॅग केवायसी अपडेट करता येईल. फास्टॅग सक्रिय ठेवण्यासाठी, तुम्ही ताबडतोब केवायसी करावं लागणार आहे. 

1 फेब्रुवारीपासून 'हे' FASTag बंद (These FASTags to become inactive after January 31)

भारतीय राष्ट्रीय महामार्ग प्राधिकरणाने दिलेल्या माहितीनुसार, 31 जानेवारीपर्यंत फास्टॅग केवायसी करणे अनिवार्य करण्यात आलं आहे. जर तुम्ही तुमच्या कारच्या फास्टॅगचे केवायसी बँकेकडून अपडेट केले नसेल, तर केवायसी अपडेट करण्यासाठी तुमच्याकडे 31 जानेवारीपर्यंत शेवटची मुदत आहे. 1 फेब्रुवारीपासून KYC न केलेले फास्टॅग निष्क्रिय करण्यात येतील. फास्टॅग ब्लॅकलिस्ट केल्यानंतर फास्टॅगमध्ये रक्कम शिल्लक असूनही पेमेंट होणार नाही.

FASTag साठी KYC अपडेट कसं करावं?

• तुमचं फास्टॅग KYC अपडेट करण्यासाठी सर्वात आधी FASTag च्या अधिकृत वेबसाईटवर जा.
• तुमचा मोबाईल नंबर आणि तुमच्या फोनवर मिळालेला OTP वापरून लॉगिन करा.
• होमपेजवर, "माय प्रोफाइल" विभाग पाहा आणि KYC टॅबवर क्लिक करा.
• सर्व आवश्यक तपशील प्रविष्ट करा आणि सबमिट बटणावर क्लिक करा.
• अशाप्रकारे तुमचं फास्टॅग केवायसी पूर्ण होईल.

FASTag KYC साठी कोणती कागदपत्रे आवश्यक आहेत?

FASTag KYC साठी वाहन नोंदणी प्रमाणपत्र, ओळखीचा पुरावा, पत्ता पुरावा आणि पासपोर्ट आकाराचा फोटो ही कागदपत्रे आवश्यक आहेत.