Paytm अॅपवर मिळणार प्रधानमंत्री जन आरोग्य योजनेची सुविधा, जाणून घ्या सुविधेविषयी सविस्तर

PMJAY : पेटीएमचा हा उपक्रम आरोग्य क्षेत्रातील डिजिटल परिवर्तनाला प्रोत्साहन देण्यासाठी भारत सरकारच्या मोहिमेशी सुसंगत आहे.

Written By : दीपक पळसुले, एबीपी माझा | Updated at : 24 Aug 2022 08:59 PM (IST)

Paytm

नवी दिल्ली : पेटीएम (Paytm) या दिग्गज डिजिटल पेमेंट्स आणि वित्तीय सेवा कंपनीचे मालक One97 Communications Limited ने Paytm अॅपवर प्रधानमंत्री जन आरोग्य योजना (Pradhan Mantri Jan Arogya Yojana -PMJAY) किंवा PM आयुष्मान भारत आरोग्य विमा योजना (Ayushman Bharat Yojana) जोडली आहे. याद्वारे पेटीएम वापरकर्ते या योजनेसाठी त्यांची पात्रता तपासू शकतील आणि लाभ घेऊ शकतात. याद्वारे वापरकर्त्यांना योजनेंतर्गत येणाऱ्या जवळच्या रुग्णालयाची माहिती मिळू शकेल. पेटीएमचा हा उपक्रम आरोग्य क्षेत्रातील डिजिटल परिवर्तनाला प्रोत्साहन देण्यासाठी भारत सरकारच्या मोहिमेशी सुसंगत आहे.

प्रधानमंत्री जन आरोग्य योजना (PMJAY) ही केंद्र सरकारची योजना आहे ज्याद्वारे प्रत्येक कुटुंबाला वार्षिक पाच लाख रुपयांपर्यंतचे आरोग्य विमा संरक्षण मिळते. या योजनेंतर्गत रूग्णाचे हॉस्पिटलायझेशन, हॉस्पिटल नंतरची काळजी, अन्न सुविधा, औषध, निदान आणि प्रयोगशाळेच्या सुविधा इत्यादींशी संबंधित खर्चाचा समावेश आहे. या योजनेत कोविड-19 (Covid 19) च्या उपचाराशी संबंधित खर्चाचाही समावेश आहे.

पेटीएम वापरकर्त्यांना हे फायदे मिळतील

1) पेटीएम अॅपच्या या उपक्रमामुळे, वापरकर्ते आता प्रधानमंत्री जन आरोग्य योजना (PMJAY) लाभ देणार्‍या खाजगी आणि सरकारी रुग्णालयांबद्दल जाणून घेऊ शकतात.

2) प्रधानमंत्री जन आरोग्य योजना (PMJAY) योजनेंतर्गत समाविष्ट असलेले जवळचे हॉस्पिटल शोधू शकता आणि उपलब्ध आरोग्य विम्याच्या संपूर्ण स्पेक्ट्रम मध्ये प्रवेश करू शकतो.

3) प्रधानमंत्री जन आरोग्य योजना (PMJAY) हेल्थ कव्हर तपशील त्यांच्या फोनवर हॉस्पिटलच्या समुपदेशकांना आणि कर्मचाऱ्यांना दाखवू शकतात.

पेटीएम अॅपवर प्रधानमंत्री जन आरोग्य योजना (PMJAY) पात्रता कशी तपासायची

1) पेटीएम अॅपवर लॉग इन करा.

2) खाली स्क्रोल करा आणि पेटीएम हेल्थ अंतर्गत प्रधानमंत्री जन आरोग्य योजना (PMJAY) पर्यायावर क्लिक करा किंवा शोध बारवर PMJAY शोधा. पात्रता पर्यायावर क्लिक करा.

3) तुमच्या राज्याचे नाव एंटर करा.

4) तुमचे नाव, रेशन कार्ड, HHD नंबर (हाऊस होल्ड आयडी नंबर) मोबाईल नंबर आणि RSBY URN टाका.

5) वापरकर्त्यांचे तपशील कुटुंबातील सदस्यांसह दृश्यमान असतील.

महत्त्वाच्या बातम्या :

About the author दीपक पळसुले, एबीपी माझा

दीपक पळसुले हे मागील 12 वर्षांपासून पत्रकारितेत कार्यरत आहेत. वृत्तनिवेदक म्हणून दशकभरापासून एबीपी माझामध्ये सक्रीय आहेत. अर्थ, राजकारण, समाजकारण, शेती,सांस्कृतिक, टेक-ऑटो अशा विविध विषयांमध्ये त्यांचा व्यासंग आहे.