एक्स्प्लोर

आताच तुमचे पॅन कार्ड आधारशी लिंक करा, नाहीतर भरावा लागेल हजारांचा दंड, शेवटची तारीख लवकरच...

PAN AADHAAR Link : जर कोणत्याही पॅनकार्ड धारकाने अंतिम मुदतीपर्यंत किंवा त्यापूर्वी आपला पॅन आधार कार्डशी लिंक केला नाही तर विलंब शुल्क म्हणून 1000 रुपये भरावा लागेल.

Written By : एबीपी माझा वेब टीम | Edited By: प्रिया मोहिते | Updated at : 17 Feb 2022 02:20 PM (IST)

PAN AADHAAR Link

PAN AADHAAR Link : सध्या, देशात पॅन (PAN) आणि आधार (AADHAAR) लिंक करण्याची अंतिम तारीख 31 मार्च 2022 आहे. जर तुम्ही या शेवटच्या तारखेपर्यंत आधार कार्ड पॅनशी लिंक केले नाही तर तुम्हाला 1000 रुपयांचा दंड भरावा लागेल. पॅनकार्ड आधारशी कसं लिंक करावं याची प्रक्रिया जाणून घ्या.

अनेक आर्थिक कामे थांबू शकतात

पॅनकार्ड धारकांनी जर 31 मार्च 2022 पर्यंत त्यांचा कायमस्वरूपी खाते क्रमांक (PAN)आधार कार्ड क्रमांकाशी लिंक नाही केला तर अनेक आर्थिक कामे थांबू शकतात. त्यामुळे लवकरात लवकर पॅन कार्ड आधारशी लिंक करा.

उशीर केल्यास पॅन कार्ड अवैध मानले जाईल

जर तुम्ही तुमचे आधार कार्ड आणि पॅन दिलेल्या मुदतीपर्यंत लिंक केले नाही, तर तुम्हाला अनेक समस्यांना सामोरे जावे लागू शकते. पॅनकार्ड धारकाने आधार लिंक करणे अत्यंत आवश्यक आहे अन्यथा त्याचे पॅनकार्ड अवैध ठरेल. पॅनकार्ड अवैध झाल्यामुळे आयकर भरणे शक्य होणार नाही. बॅंकेत खातं उघडता येणार नाही, अशी इतर अनेक कामेही थांबू शकतील. तसेच म्युच्युअल फंड, स्टॉक ट्रेडिंग इत्यादी कामेही थांबतील.

पॅन आधारशी कसे लिंक केले जाऊ शकते ते येथे जाणून घ्या

आयकर ई-फायलिंग पोर्टल https://incometaxindiaefiling.gov.in/ उघडा.
त्यावर नोंदणी केली नसेल तर नोंदणी करा.
तुमचा पॅन खाते क्रमांक हा तुमचा यूजर आयडी असेल.
यूजर आयडी, पासवर्ड आणि जन्मतारीख टाकून लॉग इन करा.
एक पॉप अप विंडो उघडेल जी तुम्हाला तुमचा पॅन आधारशी लिंक करण्यास सांगेल.
जर पॉप अप विंडो उघडत नसेल तर मेन्यूबारवरील 'प्रोफाइल सेटिंग्ज' वर जा आणि 'लिंक आधार' वर क्लिक करा.
पॅन नुसार, नाव, जन्मतारीख आणि लिंग यासारख्या तपशीलांचा उल्लेख आधीच केला जाईल.
तुमचा आधार आणि पॅन कार्ड तपशील verify करा.
तपशील जुळत असल्यास, तुमचा आधार क्रमांक प्रविष्ट करा आणि "आता लिंक" बटणावर क्लिक करा.
एक पॉप-अप संदेश दर्शवेल की तुमचा आधार तुमच्या पॅनशी यशस्वीरित्या लिंक झाला आहे.

आयकर कायद्याच्या (Income Tax Act) कलम 234H मध्ये विलंब शुल्काची तरतूद समाविष्ट आहे जर तुम्ही निष्क्रिय पॅनकार्ड वापरले असेल तर तुम्हाला 10 हजार रुपयांपर्यंत दंड भरावा लागू शकतो.

महत्वाच्या बातम्या :