एअरटेलने मारली बाजी, व्हिडीओ स्ट्रीमिंगसह अन्य चार विभागात पुरस्कार

सध्या अनेक नागरिक व्हिडीओ, व्हॉईस कॉलचा वापर करत आहेत. या काळात जे ग्राहक एअरटेल वापरत आहेत. त्यांचा अनुभव सर्वोत्तम असल्याचा दावा लंडनच्या नेटवर्क अॅनालिटिक्स फर्म ओपन सिग्नलने केला आहे.

मुंबई : संपूर्ण जग कोरोनाविरोधात लढाई लढत आहे. लॉकडाऊनचे पालन करून देशातील नागरिक देखील यामध्ये योगदान देत आहेत. लॉकडाऊनमुळे मोबाईल हा दैनंदिन जीवनातील अविभाज्य घटक बनला असून सध्या याचा वापर अधिक वाढला आहे. आपल्या जवळच्या व्यक्तींशी संपर्क साधण्यासाठी सध्या अनेक नागरिक व्हिडीओ, व्हॉईस कॉलचा वापर करत आहेत. या काळात जे ग्राहक एअरटेल वापरत आहेत. त्यांचा अनुभव सर्वोत्तम असल्याचा दावा लंडनच्या नेटवर्क अॅनालिटिक्स फर्म ओपन सिग्नलने केला आहे.ओपन सिग्नलने 90 दिवस भारतातील सर्व टेलीकॉम कंपनीवर नजर ठेऊन रिपोर्ट तयार केला आहे. ओपन सिग्नलने 1 मे 2020 पासून आपला रिपोर्ट तयार करण्यास सुरुवात केली.

व्हिडीओमध्ये एअरटेलचा अनुभव उत्कृष्ट

ओपनसिग्नलने दिलेल्या रिपोर्टनुसार मोबाईलवर व्हिडीओ पाहण्यासाठी एअरटेलचे नेटवर्क उत्तम आहे. सर्वोत्तम व्हिडीओ अनुभवासाठी एअरटेलला चौथ्यांदा गौरविण्यात आले आहे. एअरटेलला 100 पैकी 57.6 गुण मिळाले आहे. 55 पेक्षा अधिक गुण मिळणे म्हणजे उत्तम मानले जाते. व्हिडीओ अनुभवासाठी एअरटेलने अन्य कंपन्यांच्या तुलनेत 2.4 ते 3.4 गुणांची आघाडी कायम राखली आहे.इतर कंपन्यांच्या तुलनेत एअरटेलच्या कनेक्शनवर व्हिडीओ विनाअडथळा फास्ट पाहता येतात. एवढचं नाही तर व्हिडीओ पाहताना कोणत्याही बफरिंगचा सामना करावा लागत नाही.

खेळाच्या अनुभवामध्ये एअरटेल आघाडीवर 

कोविड 19 मुळे लॉकडाऊनमुळे ऑनलाइन गेम प्लेयर्सची संख्या वाढली आहे.उर्वरित टेलिकॉम ऑपरेटरला हरवून एअरटेलने पहिला गेम  व्हिडीओ एक्सपिरियन्स पुरस्कार जिंकला आहे. या श्रेणीत एअरटेलला 100 पैकी 55.6 गुण मिळाले आहेत, जे इतर दूरसंचार ऑपरेटरपेक्षा अधिक आहेत. अहवालात असे म्हटले आहे की एअरटेलच्या मोबाईल नेटवर्कवर मल्टीप्लेअर गेम खेळताना, वापरकर्त्यांना चांगला अनुभव मिळाला आणि उत्तम इंटरनेटमुळे त्यांच्या खेळावर अजिबात परिणाम झाला नाही.

डाऊनलोडिंग स्पीडमध्ये एअरटेलचं अग्रेसर

डाऊनलोडिंग स्पीडमध्ये एअरटेल ग्राहकांचा अनुभव चांगला आहे. ओपनसिग्नलने दिलेल्या रिपोर्टनुसार, एअरटेलच्या ग्राहकांना सध्या 10.4 Mbps स्पीड मिळत आहे. इतर नेटवर्कच्या तुलनेत यामध्ये एअरटेल आपल्या ग्राहकांसाठी चांगले काम करत आहे. रिपोर्टनुसार एअरटेलचा डाउनस्पीड इतर कंपन्यांच्या तुलनेत 3.5 Mbps पेक्षा अधिक आहे.

व्हॉईस कॉलमध्ये एअरटेल पुढे

व्हॉईस कॉलमध्ये देखील एअरटेल चांगली कामगिरी करत असल्याचं ओपनसिग्नलने म्हटले आहे. व्हॉईस कॉल करताना एअरटेल संदर्भात ग्राहकांनाअडचण नसल्याचा दावा रिपोर्टमध्ये करण्यात आला आहे. इतर कंपन्यांच्या व्हॉईस कॉल सेवेशी ग्राहक समाधानी नाही. त्यांना कॉल करताना अनेक अडचणींचा सामना करावा लागतो.

ओकला स्पीडटेस्ट पेक्षा ओपन सिग्नल अहवाल कसा वेगळा आहे?

ओपन सिग्नलची स्पीड टेस्टची पद्धत ओकलापेक्षा पूर्णपणे वेगळी आहे. ओकला कॅरिअर्स आणि इंटरनेट प्रोवाइर्डससोबत भागीदारी करत ग्राहकांच्या जवळ फिजिकल सर्व्हर इन्स्टॉल करण्यात येतो. तर ओपन सिग्नल कंटेंट डिलीव्हरी नेटवर्कचे ग्लोबल नेटवर्क वापरते. ज्यामुळे ग्राहकांना सामान्य परिस्थितीत मिळणारा स्पीड कळतो. या फरकामुळे ओकलाच्या स्पीड टेस्टमध्ये कायम स्पीड जास्त मिळतो.